Genesis 12
Mapu Ibungona Abrambu kouba
12 Matamduda Ishor-na Abramda hairammi, "Eina utpigadouriba
lamdu tanna nareipak thadoktuna nahakki mari mata amadi napagi emung manungni haina leiriba pumnamak puduna chatlo. 2 Eina nangondagi achouba Jati ama thok-han-gani. Eina nahakpu kubigani aduga nahak borgi masak oinanaba nahakki namingdu chaohangani. 3 Nahakpu bor piba mishingdu Eina kubigani. Nahakpu Sirap piba mishingbu Eina sirap pigani. Nahakki napanna malemsida leiriba imung manung pumba kubigani.
4 Ishor-na takpikhiba matung inna Abramna chatkhi. Mahakka loinana Lotsu chatkhi. Abramna Haran thadokpa matamda chahi humphutara surami. 5 Abramna mahakki nupi Sarai, manaogi macha Lot, makhoina khomjinkhiba lan-thum, Haranda leiringeida makhoiga loinakhiba mishing puduna Cannan-gi lamda khongsankhi. Makhoina Cannan-gi lamda thunglaba matamda 6 Cannan phaoduna Sichemgi manung chanba Moreh kouba lamda houriba u-yung pambidu tanna laklammi. Matamduda Cannan-gi mishingdu makhoigi lamduda leirammi. 7 Matangsida Ishor-na Abramda laklaga hairammi. "Nahakki charon suronda lamsi pigani." Ishor-na mangonda laktuna sak utpikhiba maphamduda mahakna phanthong ama sakhi. 8 Maphamsidagi Bethelgi mamangda leiriba chingsangduda chatkhi. Bethel nongchuplomda leihouraga nongpokta leiriba Ai kouba lamdugi marakta shang sakhi. Maphamduda mahakna Ishor-gi khubham oina phantkhong ama sakhi. Maphamduda mahakna Ishor-gi ming panduna koujakhi. 9 Abramna mthang mthang chatthakhiduna Negeb youkhi.
Ezyptta Abram
10 Matamduda hairiba maphamsida chaktangba ama thokkhi. Maramsina Abramna Saidangduna leinanaba Egypt tanna chatkhi. Thoidokna lamdamduda thokkhiba chaktangbadu yamna tamthiba ama oina thokkhi. 11 Mahakna Egypt changlamdaida mahakki nupi Saraida hairammi, "yengbada nahak nasak natou phajabi nupi amani haibasi eihak khangi. 12 Egyptta leiba mishingna nahakpu uba matamda makhoina haigani, "masi mahakki nupini. Makhoina eibu hatlaga nahakpu thamhougani. 13 Nahakki naramgidamak eihak thoidokpa khudongthiba leitnaba nahak eigi ichanupini haisi. Adu oirabadi nahakki napanna eigi punsisi hingba yai." 14 Abramna Egypt youba matamda Egyptta leiriba mishingna nupidubu yamna masak phajana ukhi. 15 Pharaohgi machasingna mahakpu uba matamda Pharaohgi manakongda mahakki ningthijabadu youkhi. Maramsina nupidubu Pharaohgi konung tanna pukhirammi. 16 Nupidugi mapanna Pharaohna Abrambu luna toubirammi. Mahakki yaosing, sansing lola labasing, minai nupa amadi nupising, Lola amomsing amadi utnachingba yamna leirammi.
17 Abramgi nupi Saraigi maramdagi Ishor-na Pharaoh amadi mahakki imung manung pumba awa ana tahallammi. 18 Maramsina Pharaohna Abrambu kouraga hairammi, "nahakna eigi iphamda touribasi karino? Mahak nahakki nupini haibasi eigi iphamda karigi haidribano? 19 Mahakpu eigi nupi oina lousinnaba mahak eigi ichanni haina nahakna karigi hairibano? Houjikti nahakki nupisi puraga chatkhro." Pharaohna Abramgi maramda mahakki mishingda yathang ama pirammi. Maramsina makhoina mahakpu nupiga loinana mahakki areiba pot pumnamakka loinana thakhirammi.