Genesis 27
Jacobna esaacktagi bor phangba
27 esaac ahan matam oiraduna mamit usillaktrabada machaa-nupaa ahal Esaubu kouraduna haayrak-e, "ebungngo, Esau." Esauna khumlammi, "kari taakpigadouba leibage?" 2 esaacna haayrammi, "yeng-u eihaak ahan matam oirakle. Keidoungei sigani khngba ngamde. 3 maramsina houjikti nahaakki lirung ten paayduna loubuk lamhaangda chatlaga chaanaba thiduna 4 Eina pamjaba ahaaoba chaak ensang thongduna chaananaba purak-u. Eina sidringeida nahaakpu bor piramge."
5 esaacna machaa-nupaa Esauda waari sabadu Rebekahna takhirammi. Esauna loubuktagi saa phaaduna puraknaba chatkhringeida, 6 Rebekahna machaa-nupaa Jacobta haayrammi, "napaana nayaamba Esauda 7 saa tallaga eina chaanaba haona thonglaga purak-u haaykhre. Eina sidringeida Eesor-gi maangda nahaakpu bor pibiramge haaybadu eina taare." 8 maramsina ebungngo, eina haayba matung ennaa thabak touhou. 9 Sanlupta changduna masa noiba lamcha ani phaaraga purak-u. napaana pamjaraba maonggi chaakthongdu eina thongbigani. 10 Mahaakna sidringeigi matamda nahaakpu bor pibiramnaba maadu pusinduna changu." 11 maasi taabada Jacobna mamaa Rebekahda haayrammi, "adubu eigi eyaambadi matu chomba mini adugaa eidi etu chomde. 12 epaana nanduna yenglakpa matamda laknabagum thokpa yaai. masina maram oiduna kubibagi mahutta mangtakpa thokpa yaai." 13 Masida mamaana haayrammi, "haayriba waaphamsida nahaakki mangtakpadu thokpa taarabadi maadu eigi ethakta taaba oisanu. ebungngo, nahaak eina haayribasita tou. maramsina chatlaga phaaduna puda purak-u." 14 Jacobna chatkhraga sandu phaaduna purakkhi amasung mapaana pamjaraba maongda mamaana thongkhi. 15 Masigi matungda machaa-nupaa ahan Esaugidamak thamliba Khwaaidagi phajaraba phisingdu louthoklaga machaa-nupaa atonba Jacobta setchilhallammi. 16 sannaogi matuduna makhutta yomsinlammi. Haayriba matusina mangak phaaobasu yomsinlammi 17 machaa-nupaa Jacobki makhutta Rebekahna thongkhiba ahaaoba saa amadi taldu sinnakhi.
18 asumna mahaakna mapaagi manaakta changsillaga haayrammi, "epa." Khonjendu taabada mapaana khumlammi, "kari hainingi?" nahaak kanaano? 19 Jacobna mapaada haayrammi, "eihak nachaa-nupaa ahan Esauni. epaana taakpikhiba matung ennaa eina chaanaba semjaduna pujaraklabani. Hougatlasi adugaa eina thijaruribasi chabiraga eibu bor pinabiro." 20 Matamduda esaacna machaa-nupaada haayrammi, "ebungngo, nahaak asuk thuna karamna saa pharaklibano?" Mahaakna maasi taabada asumna paaokhukhi, "ipa ebungngo-gi Eesor-na nanaaibu pangbikhi." Masida esaacna Jacobta haayrak-e, 21 "ebungngo, nahaakpu nanduna yengningi maramsina nahaak enaakta naksillak-u. Nasadu paayduna yenglabatada nahaak eigi echaa-nupaa Esauni natte haaybadu khngba ngamgani. 22 Jacobna mapaa esaacki manaakta chanlammi adugaa mahaakpu soktuna yenglaga haayrak-e, "khonjendi Jacobkini adubu masadi Esaugini." 23 Mayaamba Esaugi makhutkumna matu houba maramna mapaana mahaakpu sak khanglamde. maramsidagi mahaakpu mapaana bor pikhi. 24 mapaana maakha taana haayrak-e, "nahaakpu tasengna eigi echaa-nupaa Esaura?" Mahaakna khumkhi, "hoi, eini." adudagidi mapaana haayrak-e, "bor phangjanabagidamak thijaruba saadu maphamsida pusil-laklo." asumna mahaakna chaak ensangdu pusillaaktuna mapaada pirabada mapaana chaakhi. chaak ensanggi mathakta angur mahinachingba puraktuna pithakkhi. 26 mapaa esaacna maangonda haayrak-e, "ebungngo, naksillak-u adugaa eibu chuppu." 27 asumna mahaakna nakna changsillaaktuna mapaabu chupkhi. mapaana Esaugi phigi manamdu phangba ngamkhi. Matamsida mapaana bor piraduna haayrak-e,
"yeng-u, eigi echaa-nupaagi manamsi, Eesor-na kubikhraba manamgumlammi
28 Eesor-na nongmadondagi laaija nanggidamak taahanbisanu.
malemsida thokpa potsu mapaan naaidana pinabisanu.
mahei marong amadi angur mahi ngamkhei leitasanu.
29 Misingna nahaakpu seba touba oisanu, Jaatsingna nahaakki namaangda makok nonjasanu.Nachin nanaaosinggi marakta nahaak mapu oijou,
namana pokpasingna nahaakpu khurumjasanu,
nahaakpu mangsanu ngaangbasingdu nahaakpu yaaiphana khanbasingdu
yaaiphaba oisanu."
30 esaacna Jacobpu bor piba loiba matang, Jacobna mapaa esaacki manaaktagi thoktringeigi mamaangda mayaamba Esausu saa tanba chatkhibadudagi hallaaklammi. 31 Mahaaksu mahaao leiraba chaak ensang semjaraduna mapaagi manaakta puraduna lakcharammi. Mahaakna mapaada haayjarak-e, "ipa ebungngo, lengkahtpiro, nachana tanjarakpa saasi mahaao yengbiro. Charaga penbiduna eibu bor pibiro." 32 maasi taabada esaacna maangonda haaykhi, “nahaak kanaano?" Esauna khumlaaklammi, "eihak nahaakki nachaa-nupaa ahal Esauni." 33 maasi taabada esaac saaobana thak thak niklammi amasung haayrak-e, “nahaak laktringeigi mamaangda eina bor pikhiba, saa tanduna thonglaga eigi enaakta puraktuna eina chaakhiba adugumba nupaadu kanaano? Mahaakpu kubigadoubamakni." 34 Esauna mapaagi waadu taabada thamoi sokna kapladuna mapaada asumna haayrak-e, "he panthou, nachabusu bor pinabiyu." 35 esaacna haayrak-e nahaakki nanaaona masak onthoktuna laaklaga nahaakki bordu loukhre." 36 Esauna haayrammi, "maramchatka channa Jacob kouba nattra? Mahaakna khongpham anirak eigi ehut sinkhre. Mahaakna eigi piba pham, amadi handaksu eigi bor mahaakna loukhre." maasi haayraba matungda maakha taana haayrak-e, "ipa ebungngo, bor amaa phaaoba eigi khakpidrabra?" 37 esaacna Esauda haayrammi, "yeng-u, eina mahaakpu nahaakki nathakta leihalle. mahaakki machin manaao pumnamak mahaakki minaai oihalle. Mahei marong amadi angur mahi mapaan naaidana phangnaba mahaakpu eina kubikhre. pumnamaksi thokkhraba matungda ebungngo nahaakkidamak kari toukhisige?" 38 Esauna mapaada haayrammi, "ipa ebungngo, bor amaa phaaoba eingonda pinaba leitrabara? epa ebungngo, yaarabadi nachabusu bor pinabiyu." maasi haayraga Esauna khonjen waangna kaplammi.
39 Matou ubada mapaa esaacna haayrak-e, " maalemsida thokpa manamathumdu
leitaba maphamda nahaak leigani, nongmadondagi taarakpa nonggi
machumgi kaannabadu nahaak phangloi.
40 Thang paayduna nahaak hingba taay, nahaakna nanaaogi seba tougani.
Karigumba nahaakna singnaba ngamlabdi nangakta thangliba
potpudu thudekpa yaai."
Isaacna Jacobpu haranda thaba
41 Matamduda mapaana Jacobta pikhiba borduna maram oiraduna Esauna Jacobpu tukkachana yenglammi amsung Esauna matomta haayjarammi, "ipa sibagi tengtha naoigadouba matamdu naksinllakle. Matamduda enaao nupaa Jacobpu eina haatkani." 42 machaa-nupaa ahan Esaugi waasi Rebekah youkhirammi. maramsina mahaakna machaa-nupaa atonbadugidamak mi thaaduna haayhallammi, "yeng-u, nahaakki nayaamba Esauna nahaakpu haatkani haayduna singkhre. 43 maramsina ebungngo, eina haayba taao, Haranda leiba eigi ebung Laban-gi da leiruro.44 Nayaambagi asaaobasi meimuttriba matamdu phaaoba mahaakkida leiru. 45 Nayaambagi asaaobasi mutkhraba matam adugaa nahaakna mahaakki maphamda chatkhiba lamchatsi kaokhraba matungda eina paao thaaraktuna nahaakpu louragani. Nongmatada nakhoy ani kaina meisadu karigi langlugadage?"
46 Rebekahna esaacta haayrammi, "Hitti leisaabisingsi lourakkadra haayduna ethawaaisi yaamna waare. Lamsida leiriba Hitti nupi-singgi maraktagi karigumba Jacobna lourakpa taarabadi eihaak hingluduna kari kannagani?"