Deuteronomy 8
Mahi mayaai leiraba phangadouba lam
8 "Nakhoy punsi nungsangna pannanaba adugaa mising hen-gatlaaktuna Eesor-na nakhoygi napaa napusingda pibigani haayna waasakkhiba leibaaktu phangjanaba ngasi Eina nakhoyda piriba yaathangsingsi asoy angaam yaaodana kaidana chatlu. 2 nakhoygi napuroi Eesor-na chahi niphu chupnaa awaa-ana tahanduna changyeng kayaa touduna ebungngo mahaakna nakhoygi pukninggi apaambadu khaangdoknaba tanduna, adugaa ebungngo mahaakki yaathangsingdu nakhoyna engani. Nattraga elloi haaybanachingba yengthoktuna sanglaba lamsangda leikangla oiraba lamdamda chingduna lakkhrabani. 3 nakhoybu chaak lamhankhi adubu nakhoygi napaa napuna chaaba phangkhidaba maanna nakhoyda nachinjaak oihankhi. thabak asi toubiduna ebungngona nakhoyda khanghanbiribadi asini mina tal-khakta chaaduna hinggadouba natte touegumsung Eesor-gi paaoutaak loujaduna haingadabani haaybasini. 4 Chahi niphusigi manungda nakhoygi naphi naron thoidokpa segaaykhide. Masigi manungda nakhoygi nakhong phaaoba pomkhatkhide. 5 mapaa amanaa machaasingbu waarakpibagi matougumna nakhoygi napuroi Eesor-na nakhoybu waarak waatembigani. 6 maramsina Eesor-na nakhoyda taakpibadu paangthokkadoubani. adunadi ebungngo mahaakna pinabiba waayel yaathangdu kaidana chatchaaduna ebungngo mahaakpu kina toujaba taay. 7 nakhoygi napuroi Eesor-na nakhoybu leihao leiraba leibaak amada pubirakli adugumba leibaaksida turenda amadi eephut maraang kaina lei. Leinungdagi laaija eesingna tampaak amadi chingnachingbada ngamnamak chelli. 8 Haayriba leibaaksida gehu, zab, angur, theibong, kaphoi, chorphon, amadi khoihinachingba yaamna maraang kaina lei. 9 Haayriba leibaaksida nakhoy aaram khouraangba leiraroi adugaa awaat-apasu leiraroi. maphamsida leiriba chingsingdu yot thok-e, adugaa chingsingdudagi korisu thokkani. 10 nakhoyna Chaaningba pumnamak maphamsida phanggani. ebungngo mahaakna nakhoyda pibikhiba leibaaksida leihao yaamna leibadu ubada nakhoygi napuroi Eesor-bu thoina henna thaagat-chaagani.
Eesor-bu kaaothokpa misinggi maraibak
11 "Nakhoygi napuroi Eesor-bu kaaothokloidoubani haaybasi ningsing-u, Eina nakhoyda ngasi piriba yaathangsingsi kaidana chatnanaba toujou. 12 nakhoygi chaananaba pot khuding leijaraba adugaa leinanaba phangjaraba yumnachingba saraba, 13 nakhoygi saa-san, haameng yaonachingba, sanaa amadi silver matik okna leiraba, adugaa nakhoygini haayna leijariba lan thum masing hen-gatlaklaba matamda, 14 nakhoygi pukningda napan touba amadi nakhoyna minaai oinaa leiramba Egypttagi nakhoybu kanbikhiba napuroi Eesor-bu kaaothokloidoubani haaybasi ningsingu. 15 Pak chaaoraba amadi akibagi masak phanglaba lin amadi brisichak kouba mahu puba jibaaduna thanna leiraba maphamdu phaaoduna ebungngo mahaakna nakhoybu chingduna pubirakkhi. Adugumna leikangla oiraba eesing leitba maphamdudagi ebungngo mahaakna nungjaaodagi eesing thok-hankhi. 16 Leikangla oiraba lamsida nakhoygi napaa napusingna chaaba phangkhidaba maanna koubadu nakhoygi nachinjaak oinaa pinabikhi. Aroibada nakhoygi nathakta ebungngona mapaan naaidaba bor pinabinaba nakhoybu chaang touduna awaaba kayaa taahanbikhi. 17 adunadi nakhoygi napaanggal narousingna enaak khunbani haipharoi. 18 nakhoygi napuroi Eesor-na nakhoyda lan thum pumnamak pibikhibani haaybasi ningsingu. nakhoygi napaa napusingga yaanakhiba areppa waareptugi matung ennaa haayriba-singsi ebungngo mahaakna nakhoygi damak oihanbiribani. 19 Keidoungeidasu napuroi Eesor-bu kaoganu. atoppa laaisingbu khurumluganu nattraga makhoygi seba touruganu. Eina ngasi tasengna haayribasini karigumba nakhoyna haayribasi touba taarabadi nakhoy tumna mangba haaybadu soidrabani. 20 nakhoyna Eesor-gi yawaatadrabadi, nakhoyna asumna chatthaarakpada ebungngona mahaakna manghan-gadouriba Jaatsinggi matougumna nakhoybusu maanghan-gani.