Zechariah 7

Tousinnaba chara henbabu Lainingthouna yadaba

 

7 Ningthouren Dariusna panba marisuba chahigi Chisleu kouba mapansuba thagi marini chanba numitta Lainingthouna wapaosi eingonda tharakkhi.

2 Panggallaba Lainingthougi ningnashangda Lainingthougi kubibadu phangjanaba eikhoigi mishingna Sherezer amadi Regemmelechpu makhoigi manai masan-singga loinana thakhi. 3 Makhoida purohit amadi maichousingdagi makhagi maron-sisu hanglaknaba haikhi. Maroldudi: Ningnashang thugaikhibana maram oiduna chahi kayamarum chatnabi ama oina laklaba mangasuba thada eikhoina chara henba amadi tengthaduna ningsing thoudok oina pangthoklibasi houjiksu toukhigadra?" 4 Lainingthouna eingonda pibirakpa wapaodu asini. 5 Ibungona takpikhi: "lamsida leiriba mishing amadi purohitsingda asumna haiyu madudi houkhiba chahi humphutarasida mangasuba amadi taretsuba thada nakhoina chara henduna kapkhibadu eibu ikai khumnabagidamak toukhiba natte. 6 Nakhoina cha thakpa matamda napuk pennaba toukhi. "

 7 Jerusalemna mara chetna pallingei, mashing lakngamdana mi taringei, saharsigi akoibada mi kaya tabada nattana kha amadi nongchup thangba chinggi lamdamda mina ichon chonna pallingei matamda Lainingthouna machinngeida leiramba maichousingda asumna paojel pinabikhi.

 

Haiba indabana loi chatpani

 

 8 Lainingthouna Zechariahda asumna takpikhi: 9" Mamangeidagi houna eigi mishingda yathangsi pikhibani. Yathangdudi: 'Achumba tougadabani, amasung minungsi amadi thoujan amana amada utkadabani. 10 Nakhoigi narakta leiriba lukhrabi, mama mapa leitrabasing, lamlanbasing amadi leitalairasingbu ot-neibiganu. Amana amabu mangnabagi sarou singanu.'

 11 "Adubu eigi mishingdi yathangdu takhide. Makhoigi manada hapkhide. 12 Makhoigi thamoi nunggumna kankhi. Mamangngeidagi leiraklaba maichousingda eina pikhiba yathangdu makhoina manada haptaba maramna eina makhoibu yamna saokhi. 13 Eina wa ngangba matamda makhoina takhidaba maramna, makhoina haijaba matamda eina tabikhide. 14 Nonglei lakpagi matougumna eina makhoibu lamlanba leibakta leinanaba thakhi. Leihao leiraba lamsimak mi tahandana leikanglagum oihankhi."