Joshua 10

Amorishingbu maaythiba piba

1 Jericho amadi masigi ningthouda toukhibagumna Joshuana Ai-su tumna manghankhre haaybasi Jerusalemgi ningthou Adonizedekna taarammi. Gebeongi mishingna Israelgi mishingga yaanaba amaa puraktuna Israelgi mishinggi marakta leihalli haaybasisu taarammi.

2 Jerusalemda leiriba mishingdu kibana mapaa leiramde maramdi Gibeon yaamna chaaoba aduga mathouna leiba laanmi matik chaana leiba Aidagi henna chaaoba amaa oirammi.

3 Jerusalemgi ningthou Adonizedekna Hebrongi ningthou Hoham, Jarmuthki ningthou Piram, Lachishki ningthou Japhia, aduga Eglongi ningthou Debirda mi thaaduna paao haayhallammi. Mahaakna haaykhi,

4 “eigi enaakta laakpiduna eteng khara paangbiyu eikhoy punna Gibeongi mathakta laandarusi maramdi makhoyna Israelgi mishingga sandhi amaa thounakhre."

5 Amorishinggi ningthou manga, Jerusalemgi ningthou, Lachishki ningthou, Hebrongi ningthou amadi Eglongi ningthounachingbashingsina maagi maagi laanmi khomjinduna Gibeongi mathakta laandanaba haayduna laanban shaakhi. Haayriba ningthoushingsina Gibeongi mathakta laandakhi.

6 Gibeongi mishingna Gilgalda leiriba Joshuagi maphamda mi thaaduna paaosi khanghankhi. Makhoyna haayjakhi, "nanaishing oiriba eikhoybu nungshibidaba toubiganu. Khonglei thuna lengbiraktuna nanaaishingbu kanbiyu amasung tengbangbiyu. Chingda taariba Amorishinggi ningthouna nanaai eikhoygi ethakta laandarakle."

7 Maramsina Joshuana Gilgaldagi mathouna leiraba laanmishing puduna laanthengnaba chatkhi. 8 Eeshorna Joshuada haaykhi, "makhoybu kiganu maramdi nahaakki nakhutta makhoysi pibirabani. Nahaakki mayokta lepkadaba kanaasu leite."

9 Gilgaldagi ahing chuppa laaklaga khanghoudana Joshuana makhoygi mathakta laandarammi. 10 Israelgi mishingsigi mamaangda Eeshorna Amorishingdu pukning loushing thokhallamde. Asumna Israelgi mishingna Amorishingbu Gibeonda haatkhi. Bethhoron takhiba laambelgi ngamkheidudagi tannaduna Azekah amadi Makedah phaaoba haatkhi.

11 Israelgi maangda Bethhorongi angambaduda chellingeida Eeshorna makhoygi mathakta len taahankhi. Azekah youba phaaoba lensi taahankhi. Israelgi mishingna haatpabudi lenna phuduna shikhiba mashingna henkhi. Makhoygi mishingdu maasida loina shikhi.

12 Amorishingbu Israelgi makhutta taahankhiba numittuda Joshuana Eeshorga waari sanakhi. Israelgi mishinggi mamaangda Joshuana haaykhi, "he numit, Gibeonda leptuna leiyu, "he thaa, nahaaksu Ajalon tampaakta leptuna leiyu."

13 Numit thaa animak makhoyna yeknabashingbu laakshinba loidriba phaaoba lengdana maagi maagi maphamda leikhi. Maasi Jasuana eba laairikta yaaori. Numit nongmadonda lengdana nongma chupnaa nganduna leikhi.

14 Haayriba numitsigi mamaang amadi matungda mina haayjabada Eeshorna yabikhiba asi numitsi nattana ateida thokkhidri. Eeshorna Israelgidamak maasida laanthengnakhi.

15 Masigi matungda Joshua amadi mahaakki laanmi shingna Gilgalgi laanbanda chatkhi.

Joshuana Amorishinggi ningthou mangaa phaaba

16 Amorishinggi ningthou mangasi laanda maaythiduna Makkedahgi shurungda lotkhi.

17 Makkedahgi shurungda ningthou mangasi lottuna leire haaybasi Joshuada tamkhi.

18 Maasi taabada Joshuana haayrammi, "shurunggi machindu nungjaaona mensillu. Aduga mapaanda mi shangduna leigadabani.

19 Maphamduda nakhoy loina leithokpa yaade maramdi yeknabashingbu tannaduna makhoygi saaharda changhanba yaade. Nakhoygi napuroi Eeshorna makhoygi saaharshingsi nakhoyda pibirabani."

20 Joshua amasung Israelgi mishingna angakpa phangna Amorishingbu amatta khaktaba makhei haatlaba matungda lemhouba kharana chekpan khagatlaba saaharduda laaklammi.

21 Joshuagi laanmishingduna ashok apan yaaodana Makkedahda sariba laanbanduda laakkhi.

Leibaktuda leiramba mishingduna Israelgi mishinggi mamaangda waa ngaangba phaaoba thoklamde.

22 Adudagi Joshuana haayrammi, "shurunggi machindu hangdo-ktuna shurungda lotliba ningthou mangadu purak-u."

23 Makhoyna yaathanggi matung ennaa toukhi. Aduga Jerusalemgi ningthou, Hebrongi ningthou, Jarmuth, Lachish amadi Eglongi ningthounachingba mangasi phaaduna Joshuagi maangda purakkhi.

24 Ningthou mangasi mahaakki manaakta purakpa matamda Israelgi mishing amadi laanmigi makokshingdu koukhatlammi. Laanchatluba phamnaaibashingdu kousinduna ningthoushingdugi mangaakta makhoygi makhong thamnaba yaathang amaa tourammi. Makhoyna haayribasimak toukhi.

25 Masigi matungda Joshuana phamnaaibashingduda haaykhi, "kiganu aduga napukning laangtak-naganu. Napukning leppu amasung hongba leiganu maramdi matou asigumna Eeshorna nakhoygi yeknaba pumnamakki mathakta taahanbigani."

26 Mameithangda Joshuana ningthou mangasibu haatkhi. Upaambi mangada makhoy mangasibu thouri yaankhi. Numidaang-waairam phaaoba makhoyna ningthou mangasibu uda yaanduna thamkhi.

27 Numit tadringeida udagi louthanaba yaathang amaa thoukhi. Marasina makhoyna ningthoushingdu udagi louthokkhi. Makhoyna lotlamba shurungduda langsinkhi. shurungdugi machindu nungna menshinkhi. Ngasi phaaoba haayriba nungshingdu maphamduda leiri.

28 Numitsida Joshuana Makkedahda laandakhi. Masigi ningthoudu haatkhi. saaharsida leiramba mi pumnamak loina haatkhi. Jerichogi ningthou amadi miyaambu haatkhibagumna Makkedahdasu toukhi.

29 Makkedahdagi Joshuana Israelgi mi pumnamak puduna Libnah taanna chatkhi.

30 Eeshorna Libnah amadi mishing loina Israelgi makhutta taahankhi. Maphamsidasu kanaagumba mi amatta hingkhide. Jerichogi ningthouda toukhibagumna Libnahdasu toukhi.

31 Joshuana Israelgi mishing puraga Lachish taanna chatkhi. Lachish loushinkhi.

32 Eeshorna Lachishpu Israelgi makhutta nini shubaa numitta taahanbikhi. Libnahda toukhibadugumna Lachishtasu toukhi.

33 Matamsida Gezergi ningthou Horamna Lachishpu tengbangge haayduna laakkhi. Joshuana Gezergi ningthou amadi mahaakki mishingdu loina haatkhi.

34 Lachishtagi Joshuana Israelgi mishing puduna Eglon taanna chatkhi. Haayriba lamsisu makhoyna laakshinkhi.

35 Lamsi haayriba numitsida loushinba ngamkhi. Mi amaa phaaoba chitthandana thangna kaktuna haatkhi. Lachishta toukhibagumna makhoyna Eglonbusu manghankhi.

36 Eglondagi Joshuana Israelgi mishingbu chingduna Hebron taanna chatkhi.

37 Maasida leiramba ningthou amadi miyaam loina makhoyna haatkhi. Eglonda toukhibagumna Hebrondasu toukhi.

38 Masigi mathangda Joshua amadi Israelgi mishingna Debir taanna laakkhi aduga maaythiba piduna khudum chenshinkhi.

39 Debirgi ningthou amadi miyaamdu laakshinkhi. Maphamduda leiramba mishing amatta khaktana haatkhi. Hebron amadi Libnahda toukhibagumna Debirgi ningthoudasu toukhi.

40 Akoybada leiriba lamshingdu Joshuana maaythiba pirammi. Chinggi lam amadi Negev, tampaakta taariba ningthou-nachingbashingdu Israelgi Eeshorna toubikhiba yaathang matung ennaa tumna manghanbikhi.

41 Joshuana maaythiba pikhiba lamshingdi Gazagi Kades Barneadagi houraga Gibeon youkhi. 

42 Joshuana haayriba lamshingsida pallamba ningthoushingdu nongmatada loisinkhi aduga Eeshorna Israelgi mishing puduna Gilgalda hallakkhi.