Psalm 42

Miramda leikhraba amagi Laison

42 Aingba laija ichelbu ngaijabagum, saji kouba saduna khourangna, hey ipuroi, nanaina Ibungotabu ngaijari.

2   Sinaidaba ipuroi, nanaigi thamoina Ibungotabu thourangjei, Ibungogi mangda changjaduna karamba matamda Ibungobu khurumba phangjagadage?

3   Ahing nungthin animakta nanaina kaptuna lelli, pirangtana nanaigi chinjak oiri, nanaigi yeknabasingna matam leibada hangli, "nahakna ningjariba Mapu Ibungodu kadaida leikhre."

4   Houkhiba matamdu ningsingluraga, ipuroigi ningnashangda miyamga loinana eina chatkhiba, miyamdu eina chingduna chatminnakhiba, harao tayambana mangoinaduna ishei saklaga ipuroibu thagatkhiba pumnamaksi ningsingluraga eigi thamoisi irang hourak-i.

5   Karigino eina asuk waribasi? Karigidamak khoirang khoisaoribano? ipuroida thajaba thamlage, Amuk hanna Ibungobu thagatlage, eibu lanbiriba aduga ipuroi oiribaduda aroiba oirage.

6-7   Loilamsida eigi thamoisi meira houre, maramsina eigi wakhan pumnamak Ibungoda katthoklage, awabagi ithak eigi thamoisida Ibungona phaohalle, ichao lakpagumna pukningsi leitadre, Hermon amadi Mizar chingdagi tarakliba Jordan-gi lampakta chenthariba ishing chaibigumle.

8   Koirou hanbana thoraklaba matamda ipuroina chetna channa nungsibadu uhanbiba oisanu, adu oirabadi ahinggi matamda ishei ama sakchagani, Ipunsi oiriba ipuroigi khubhamda khurumjagani.

9   Eigi ngakpiba Mapu oibiriba ipuroida eina hairammi: "Ibungona nanaibu karigi kaothokpiribano? Nanaina karigidamak awaba khangduna leigadouribano? Eigi yeknabasinggi makhutta karigi nanaibu hunjinbigani.

 10    Hingli makhoina atatpa leitana, "nangna ningjariba Mapu Ibungodu kadaida chatkhre." Masitanasu eihak imai phiruk khumle.

11 Karigino eina asuk waribasi? Karigidamak khoirang khoisaoribano? ipuroida thajaba thamlage, amuk hanna Ibungobu thagatlage, Eibu lanbiriba aduga ipuroi oibiribaduda aroiba oirage.