Ezekiel 28
Tyregi ningthougi mathakta wa phongdokpa
28 Ishor-na eingonda haibikhiba wasing:2 He Nupa, Tyregi ningthou machaduda haiyu, "masi Mapu Ibungo Ishor-na phongdokpikhraba wani:
Nahakna thamoida napan touraduna, eihak laini haikhibadugi maramdagi, laisinggi mathakta eina nganthoiri, leiri eihak samudra iyaida, nahak taibangni lai natte, khanjarabasu nahak nasamakna eidi laimuk singi haina,
3 Nahakna asengbamak Danieldagi henna singlamba yai, nahakna aronba khangdaba leiramdaba yai.
4 Nahakki naputhok narousingna phangle mapan naidraba lan kaya, thamli nahakki pukkeida sana amadi lupa,
5 Lalon-itik toubada heisingba maramna, hen-gathalli nahakki langei nahakki lansingdu yenglaga karakle napan ngamnamak,
6 Maramsina Mapu Ibungo Ishor-na takpiri: laigumna singi haina nasana khanjaba maramdudagi, 7 yengu, Jatsinggi marakta khwaidagi tamthiba lamlanba mishingdu nahakki naphamda lakhanggani, nahakki lousing single khanduna leiriba matoudugi mayokta makhoina thangshang haigatkani, nahakki natik nayaidu makhoina manghan-gani.
8 Makhoina nahakpu asithenda thadabigani, samudra mayaida nahak thangna kaktuna siba kanagumbaga praman oigani,
9 Ei laini haina houjiksu haikhigadra? Nahakpu hatpa mishingdugi mamangda, nahak taibang mini, lai natte khanglabasu, nahakpu manghanbiriba singdugi marakta laini haikhigadra?
10 Un kaktaba kanagumba mina sibagumna nahak sigani, lamlanbasinggi makhutta nahakki aroiba oigni, maramdi Mapu Ibungo Ishor oiriba eina yathangsi pikhrabani,"
Tyregi ningthou maithiba
11 Asigisu mathakta Ishor-na eingonda hairammi:12 Hey nupa, Tyregi ningthoubu panduna tengtharon ama thau. Mangonda asumna haiyu, "Mapu Ibungo Ishor-na asumna takpiri:
Nahak asoi angam yaodraba ningthougi chum namluba khudop oirammi, nahakki lousinggi mapa leiramde, nahakki ningthijabadu yengbada penba nairamde.
13 Mapu Ibungogi leikon Edenda nahakki leipham oirammi, mamal yamlaba nungsingduna nahakpu leitenglammi, leitenglammi nahak mani, mukta, sujhakantamani, mamal tanglaba nung, pandam mani, hira, shangbanaba nung, mamai apombi, nung amadi shangbanaba manina, nahakna siriba sanagi liklang, amadi khujidu nahakna pokpa matamda sakhibani.
14 Asoi angam leitanabagidamak nahakpu eina cherub amagi mathakta thambikhi, Mapu Ibungona senglaba loibi chingduda nahakki leipham oihankhi, mei houraba nunggi marakta nahak koina chatkhi.
15 Nahakna chatpa amadi touba khudingda naran leikhide, leikhide naran nahakpu semkhiba numittudagi nahakna pap touba houba matamdu youdriba phaoba.
16 Nahakki mapan naidraba lalon-itikki thabaktuda, tamthiraba thabak touba houre aduga nahakna pap toukhi. Maramsina Mapu Ibungogi chingdudagi nahakpu manglaba pot amagumna langthokkhrabani, asoi angam leitana leiramba cherubtuna nahakpu thadokkhi. Thapna leihankhi, nahakpu mei houraba nungsinggi maraktudagi.
17 Nahakki ningthijaba matoudu yengjaraga nahak napan toukhi, nahakki mapan naidraba lansingdu yengduna nahakki narousingdu mangba houkhi. Maramsina eina mahakpu malemda tilhankhi, nahakki nathakta ningthousingna mamit khana yengnanaba phongdokkhi nahakpu makhoigi mamangda,
18 Nahakna touba mashing lakngamdraba papsing, nahakki lalon-itikta leikhiba sengdabasing hairibasingna maram oiduna nahakki ningnashangdu mangthokkhi. Maramsina nahakki nakhada leiribasinggi maraktagi mei houhankhi, eina, masina nahakpu tumna chakthekkhi. Nahakpu yengduna leiribasinggi mamangda nahakpu eina malemsida utki mapei oina tahankhi.
19 Jatsinggi marakta nahakpu khangbasingduna nahakpu yenglaga nungoinakhi. Nahakki aroibadi akibagi masakni. Nahak amuk hanna hougatpa ngamloi."
Zion-gi mathakta phongdokpa
20 Ishor-na eingonda amukka wa haibirammi:21 Hey nupa, Zion-gi maikeida namai ollo aduga masigi mathakta nahak wa khara phongdok-u. 22 Masigi maphamda haiyu, "Mapu Ibungo Ishor-na asumna takpiri:
Yengu, eihak nahakki mayokta leigani, hey Zion, nakhoigi narakta eigi itik iyai nganthoihangani, mahakki manungda eina wayelba matamda makhoina eisi Ishor-ni haiba khanggani, matamduda mahakki maphamda eigi asengba itiksi nganthoihangani.
23 Masigi manungda marai tahan-gani, masigi lambelsingda tahan-gani e, masigi mapham khudingda asiba mi taduna leihan-gani, masigi maikei khudingda thanggi thang ngakta ngaihangani, matamduda makhoina eisi Ishor-duni haiba khanggani.
24 "Israelgi mishinggi maramda harurabadi makhoibu thina toukhiba makhoigi yumlonnabasinggi amadi yugadaba tingkhang phaoba leiraroi. Matamduda makhoina eisi Ishor-duni haiba khanggani.
Israelbu kubiba
25 "Mapu Ibungo Ishor-na asumna takpiri: Israelgi mishingbu choijainna tahanduna jat ateigi marakta leihan-khibadudagi eina khomjinbiba matam, Jatsinggi mamangda makhoigi marakta eigi sengthoiraba itiksi nganthoihanba matamdu laklabada, eigi inai Jacobta eina pikhiba lamduda makhoi mara tapna leigani. 26 Makhoi hairiba lamsida mara chetna pan-gani. Aduga hairiba mapham-sida makhoina mayum makhei saduna drakhagi ingkholnachingba semduna ingna pan-gani. Makhoibu thina toubikhiba makhoigi yumlonnabasingdugi mathakta eina wayel taba matamda makhoina hairiba lamsida asoi angam yaodana pan-gani. Matamduda makhoina eisi makhoigi Mapu Ibungo Ishor-duni haiba khanggani."