Psalm 22
Awabagi khollao amadi thagat ishei
22 Ipuroi, Ibungona nanaibu karigidamak hundokpibage? Nanaina tengbangbinaba haijaribasi tabidaduna tuminna leithokpiriba karigino?
2 Hey ipuroi, koirouhanbana mayum changdringeida nanaina Ibungobu kourabasu Ibungona paokhum pibide. Nanaina koujei ahinggi matamdusu adubu ingthaba phangde
3 Ibungodi sengthoiraba Mapu oina phambal tongbiribani, Israelna thagatcharibasi Ibungodani.
4 Ipa ipusingna Ibungobu thajarammi, makhoina Ibungobu ningjaba maramna Ibungona makhoibu kanbikhi.
5 Makhoina Ibungoda haijaba matamda makhoi khudong thibada tagadoubadu nanthokkhi. Makhoina Ibungoda thajakhiba maramna awaba nangkhide.
6 Adubu nanai eidi tinga pankhak oire maramsina mi koubada matik chadre, mi khudingna nanaibu cheiri amasung tukkachanari.
7 Eibu uba mishingna eibu noknari, makhoina machin pethoktuna makok hairi.
8 Makhoina hairi, "nahakna Eshor-tabu ningjakhi. Adu oirabadi mahakna nahakpu kanbidriba karigino?" Eshor-na nahakpu chanbirabadi, Ibungona nahakpu tengbangdriba karigino?"
9 Imagi gharbhanungdagi Ibungona nanaibu asoi angam yaodana pokhanbikhi, nanaina angang nawa oiringeida Ibungona nanaibu yokkhatpikhi.
10 Nanaina pokpa numittudagi ngasi phaoba Ibungoda changjari, Ibungodi nanaigi amatta ngairaba ipuroiduni
11 Nanaidagi thaptokpikhinu Ibungo, khudongthiba nakna leire, nanaigi tengbangbinaba kanasu leijade.
12 Shallabagumna nanaibu makhoina koisille, Bashan-gi angaoba shallabasinggumna makhoina eibu koisilli.
13 Nongshagi matougumna makhoina makhayat laona kathoktuna eibu yotsingadoubadagi hotnari.
14 Eigi ipangan pumba leimaida ishing heidokpa matamda chaina chenkhibagum loisillakli. Eigi sarusing amatta samnadre, eigi thamoisi soudoklaba khoirugumle.
15 Khounaosi akangba leitumgumle, ireisi eigi ngouda pakle. Hundokpire Ibungona nanaibu uphullakta sinnaba.
16 Phattaba mi kanglup amana eibu koisinkhre, hui mayamna koisinbagumna makhoina eibu yomsinle. Makhoina eigi khut amadi khong animak thudekle.
17 Eigi sarusing uba phangle, eigi yeknabasingduna eingonda munna yengli.
18 Makhoina eigi phidu thaduna laibak yengnei, aduga makhoigi marakta madubu segaiduna yennei
19 Hey Eshor, nanaibu thadokpiganu, nanaibu kanbinaba khonglei thuna lengbiraklo.
20 Thangshanggi mayada tagadoubadudagi nanaibu kanbiyu, huisingsidagi nanaibu kanbiyu.
21 Nongshasingsigi makhuttagi nanaibu kanbiyu, lamda leiba shallabagumbasingsigi mamangda nanai ipanggal leijade.
22 Ibungona nanaigidamak toubikhiba pumba eigi mishingda nanaina tamjarugani, makhoigi mitinphamda nanaina Ibungobu thagatkani.
23 Asumna haijagani: "Eshor-gi manaising, thagatlu Ibungo bu. Jacobki charon oiribasing, Ibungobu ikaikhumnaba utlu. Israelgi miyamsing, Ibungo mahakpu khurumjou.
24 Ibungo mahakna lairaba amadi awa ana tarabasingbu thadokpide, Ibungo mahakna makhoibu hundokpide, makhoina Ibungo mahakpu koujaba matamda paokhum pinabibani."
25 Ibungona toubikhiba pumnamak thaduna achouba mitinda nanaina Ibungogi matiktu thagatchani, Ibungogi khuyakhada changjaribasingdugi mamangda nanaina Ibungoda katchage lepchakhiba khudondu katchagani.
26 Lairabasingna makhoigi Mapuk thanna chajaba phanggani, Eshor-gi khurumjage lakpasingdunasu Ibungobu penna thagatchagani. Makhoibu matam leibada yaiphahanbiyu.
27 Jat khudingna Eshor-bu ningsinggani, malemsida leiriba mishingna Ibungogi khuyakhada changjagani, jat khudingmakna Ibungobu khurumjagani,
28 Eshor-di ningthouni maramsina jat khudinggi mathakta Ibungona wayelbi.
29 Napan toubasingna Ibungogi mangda kok nongani,
30 Tungda lakkadouba mironduna Ibungo mahakpu ningjagani, lakkadouba mironduda mioibana Eshor-gi matik mayaidu thaduna takpiramgani.
31 Poktriba mishingda phaoba asumna phongdokkani, "Eshor-na Ibungogi mishingdu kanbikhi."