2 Kings 2

Elaaijabu nongmadonda pukhatkhiba

2 Eesor-na Elaaijabu nongmadonda nonglei nungsit amanaa pukhatkhigadouba numittuda Elaaija amadi Elisa anidu Gilgalda chatlammi. 2 Matamduda makhoy ani laambelda asum chat-minnaringeida Elaaijana Elisada haayrammi, "houjik maphamsida ngaaihaaktang leptaba yaade. Eesor-na houjikmak eibu Bethel taanna chatlu haayre."

         Masida Elisana haayrammi, " sinaaidba Eesor amadi oja ebungngo panduna waasakchari nanaaina oja ebungngobu thaadokcharoi." asumna makhoy ani Bethel taanna chatminnakhi. 3 Maichou kaanglup amanaa laaklaga Elisada hanglammi, "nahaakki ojasi ngasi Eesor-na pukhatkhigadouri haaybasi nahaak khanglabara?"

         Elisana haayrammi, "eihak khang-e adubu masigi maramda waari sannaganusi."

 4 Masigi matungda Elaaijana Elisada haayrammi, “nahaak maphamsida leihou. Eibu Eesor-na Jerichoda chatnanaba yaathang amaa laakle."

         Adubu Elisana haayrammi, " Eesor-gi minglen amadi oja ebungngo-gi panduna waasakli nanaaina oja ebungngobu thaadokcharoi." asumna makhoy ani Jerichoda chatminnakhi. 5 Maphamduda leiramba maichou kaanglup amanaa laaklaga Elisada hangrammi. "nahaakki ojasi ngasi Eesor-na nongmadonda pukhatkhigadouri haaybasi nahaak khanglabara?"

 Elisana khumlammi, "khangi adubu masigi maramda waari sannaganusi."

         6 Masigi matungda Elaaijana Elisada haayrammi, "maphamsida nahaak leihouro maramdi Eesor-na eibu Jordan turenda chatnanaba yaathang amaa toure."

         Adubu Elisana khumlammi, "sinaidaba Eesor-gi minglen panduna amadi oja ebungngo-gi charanna sakhini. nanaaina oja ebungngobu thaadokcharoi. asumna makhoy ani chatminnakhi. 7 Maichou yaangkheikhaksu makhoy anigi tung ellammi. Makhoy anina Jordan khongbalda leplingei matamda makhoy yaangkheidu khara thaapna leirammi 8 Matamsida Elaaijana phurit achonbadu louthokle amasung maadu tasinduna eesingda phurammi. Mahaakna phurituna eesingda asum phubaduda eesingdu eethak oinaa pareng pareng chatkhirammi. Mameithangda mahaakna phuriba mapaandu eesing amatta leiramde. maramsina makhoy ani akangbada chatpagumna chatpa yaarammi. 9 Maphamduda Elaaijana Elisada haayrammi, "eibu nongmadonda pukhattringeigi matamsida nahaakna apaamba kari lei haay-u ei piramge."

         Elisana haayrammi, "nanaina ebungngo-gi ehut silhouba ngamjanaba ebungngo-gi natiktu happirammu."

         10 Elaaijana haayrammi, "nahaakna paamlibadu araiba waadi natte. adubu eibu lou-khatkhiba matamda nahaakna eibu ubaa phanglabadi eigi etik engaldu loina phangba ngamgani. Karigumba nahaakna ubaa phangdrabadi eigi etik engan loina phangba ngamloi.

         11 makhoyna asum chatlingeida nongmadondagi meigi dolai amaa meigi sagolna chingladuna makhoy anigi karaktuda thou-jallaaklammi. Khudaktuda Elaaijabu nonglei nungsit amanaa nongmadonda pukhatkhirammi. 12 Elisana maasi ubada Elaaijabu koujarammi. Mahaakna haayrammi, "ipa ebungngo, epa ebungngo, Israelgidamak poklakpa, ngasidi eikhoybu thaadoktuna kadaayda lengbiribano? Thoudoksigi matungda mahaakna Elaaijabu amuk haanna ubaa phangkhide.

         Awaaba maaythongna khegum langsin Elisana phurit achonbadu ani thokna segaaykhi. 13 Mahaakna Elaaijagi phi achonbadu khungatlammi adugaa Jordan-gi khongbalda leplammi. 14 Elaaijagi phidu pairaga eesingda phuraduna haayrammi, "Elaaijana ninglamba Eesor-du kadaayda leibage?" Amukka haanna eesingda phurittuna phuba matamda eesingdu nakan anida tasinkhiduna leikang oirammi adugaa Elisa laanthoktuna chatkhi. 15 Jerichodagi laakpa maichou yaangkheiduna mahaakpu ubada haayrammi, "Elaaijagi matik mangaandu maangonda changhoure." makhoyna mahaakpu unaba matamda khuramjakhi. 16 makhoyna Elisada haayrammi, "eikhoi epaanggal phariba nupaa yaangkhei suri. Nahaakki oja ebungngodu thirusi. Eesor-gi thawaayna mahaakpu pukhiduna ching nattraga karigumba leitem mannaba lamdam amada thaadokpiramba yaai."

         Elisana haayrammi, "natte, nakhoyna thiruduna karisu kaannaba leiraroi." 17 makhoyna Elisada thirunaba kanna taksinkhi. Makhoy yaangkheidu. Chatkhraga ching tam animak thungna numit humni changna thikhi. adubu makhoyna mahaakpu keidasu phangba ngamkhide. 18 Masigi matungda Jerichoda makhoybu ngaaiduna leiriba Elisagi manaakta hallakkhi amasung matamduda mahaakna makhoyda haayrammi, " eina nakhoyda chatlunu haaykhiba nattra?"

Elisana angakpa khudam utpa

         19 Jerichoda leiba mi kharana Elisada haayrammi, "ebungngona  ubiribasimangai saharsi singthaanaba yaaba amani adubu maphamsigi eesingsi phattaba maramna chaaron-suron taaba khara waai."

         20 Mahaakna makhoyda haayrammi, "anouba chaphu amada thum khara haplaga purak-u." misingdu mahaakna haayba matu-ng ennaa thouraang tourammi. 21 Mahaakna eephut aduda chatlaga thumdu thadaraduna haayrak-e, " Eesor-na asumna taakpiri: eina eesingsi sengdoklabani. maramdi eesing nangna chaaron-suron taaba matamda asi ana thok-hanbasi ngasidagi pharabani." 22 Elisana sengle haaykhiba numittudagi ngasi phaaoba eesingdu sengli. 23 Elisana Jerichodagi Bethelda chatlammi amasung laambelda nupaa machaa khara sahardagi thoraklaga mahaakpu laknarammi. makhoyna haayrammi, "lukokpa, koktangba maphamsidagi chatkhro." 24 Elisana tunghanna mamaay leithoktuna sangtrik yengduna Eesor-gi maming panduna nupaa machaasingduda saap toukhi. Masigi matungda saom amom ani umangdagi thoraktuna nupaa machaa niphunithoidu khottuna haatkhi.

         25 Elisana maphamsidagi Carmel chingda chatluraga Samariada hallakkhi.