Genesis 45
Josephna machin manaaoshingda mahaakki mashak taakthokpa
1 Josephna leptuna leiriba machin manaaoshingdugi mamaangda tuminna leithokpa ngamlamde. Mahaakna khonjen waangna haayrak-e." eigi emangdagi mi loina handokkharo machin manaaoshingda shaak khanghanba matamda Josephki mamaangda mi kanaasu leihallamde.
2 Mahaakna yaamna laaona kaplakpaduda Egyptki mishingna takhirammi. Pharaohgi emunggi mishingsu maasi takhirammi.
3 Josephna machin manaaoshingduda haayrammi, "ei Josephni. Eigi epadu houjik phaaoba hinglibra?" mahaakki machin manaaoshingna mahaakpu ubada paaoukhum piba ngamkhide.
4 Maramsina Josephna machin manaaoshingda haayrammi, "eina nakhoyda haayjari eigi enaakta nakna changsillaak-u." makhoyna mahaakki manaakta changsillaaklammi. Josephna makha taaraduna asumna haayrak-e, "Egyptta nakhoyna yonthokkhiba nakhoygi nachin nanaao Josephtu eini.
5 Nakhoyna eibu maphamsida yonthokkhi khalluraga waaba nattraga nashaabu shaaoba toururanu. Eeshorna taaibang punsi kannanaba nakhoygi namang thaaduna maphamsida thaaraklabani.
6 Lamsida chaak tangba thokpa chahi ani shure. Waagadouba matam shambot koirabasu kannaroidoubasi chahi 5 waatli.
7 Eeshorna maalemsida nakhoygi punsi kaannaba eremkhak amaa maphamsida thaarakkhibatani. Nakhoygi damak chaaron kayaa hingnanaba thaaraklabani.
8 Maphamsida eina laakkhibasi nakhoyna thok-hanba natte touegumsung Eeshorgi thouraangni. Ebungngo mahaakna eibu Pharaohgi mapaa oihalle, khonglei thuna chatkhraga eigi epaada asumna paaodambiyu "nahaakki nachaa-nupaa Josephna asumna haay, Eeshorna eibu Egypt pumbagi mapu oihanbire. Eigi enaakta laakpiyu. Amuk thinthaba toubiganu.
10 Nakhoyna Goshen-gi lamda leigani. Nakhoy loina eigi enaakta leigadabani. Nahaakka loynanaa nachaashing amadi nachaashinggi machaashing nahaakki haameng yaao shanggu, san shanggu, nahaakkini haayna leiriba pumnamak lamsida leiba matamda,
11 Eina waattanaba hungani. Chaak tangba thokkadouba chahi mangaa waatli. Nattrabadi nahaak amadi nahaakki emung manunggi areiba pot khudingmak loikhiduna laairaba haaybadu oirakkani.
12 Houjikti nakhoygi namitna amadi eigaa pokminnaba Benjamin-gi mamitna eigi echinna waashingsi haaydokkhrabani haaybasi ure.
13 Eina nungaai yaaiphana paallibasi nakhoyna eigi epaada tambiyu. Khonglei thuna chatlo aduga eigi epadu maphamsida puduna laakpiyu."
14 Maasi haayraga mahaakna manaao Benjamin-gi mangak konduna kapkhi. Benjaminsu mahaakki mangak konduna kapkhi.
15 Mahaakna machin manaaoshing loynaba chupkhi. Amasung kapkhi. Masigi matungda mahaakki machin manaaoshingna mahaakka waari sanarammi.
16 Josephki machin manaaoshing laakle haayba waaphamsi Pharaohna taabada Pharaoh amadi manaaishing loina haraaokhi.
17 Pharaohna Josephta haayrammi, "nahaakki nachin nanaaoshingda asumna haayyu: nakhoyna pujarakpa shaashingdu mapot thanna puduna Cannan-gi lamda hanjakho.
18 Nakhoygi napaa amadi emung manung loina puduna eigi ephamda laak-u. Eina nakhoyda Egyptki manungda leiriba Khwaaidagi phaba lamdu pibigani. Nakhoyna lamsida thokpa aphaba mahei marongdu chagadabani."
19 Masisu toujanaba haaybiyu: Egyptki gari puduna nakhoygi apikpa nachaashing nupishing, amadi nakhoygi napaa haplaga purakpa yagani.
20 Nakhoygi leihouba potshingdugidamak thoidokna waruganu haayyu maramdi Egyptki lamsida leiriba Khwaaidagi machang oibashingdu nakhoygini."
21 Israelgi machaanupashingduna haayribasimak toukhi. Pharaohgi yaathang matung ennaa Josephna gari pirammi. Laambelda chaanaba chengchak maraang kaina pibikhi.
22 Makhoy khudingda mahaakna mamal yaamlaba phijet pibirammi. Benjamin-gi damak mahaakna silver shekels 300 ga mamal tanglaba phijet mangaga pirammi.
23 Mahaakki mapagidamak Egyptta phangba magun leiraba potta khan-gatlaga lolaa mapot tara, mahei marong lolaa amom taraagi mapot amaa, loynanaa tal amadi laambelda laakpada chaananaba haayduna chengchak maraang kaina pikhi.
24 Masigi matungda mahaakna machin manaaoshingdu chathankhi. Makhoyna chatpa matamduda makhoyna haaynarammi, "nakhoy laambelda khatna-cheinaba touganu."
25 Asumna makhoyna Egypt thaadoktuna Cannan-gi lamda leihouriba mapaa Jacobki manaak taanna laakkhi.
26 Makhoyna mapaada haayrammi, "Joseph houjik phaaoba hingli, Egyptki leibaak thungna mahaakna leibaak ngaakpa oiri." mahaakki thamoidu mathum maraang hourammi maramdi makhoyna haayriba waadu mahaakna thaajaba ngamlamde
27 Adubu Josephna makhoyda haaykhiba waadu maangonda tamba matamda, Josephna mahaakpu puraknaba thaarakliba garidu ubada makhoygi mapaa Jacobki thawaaydu chaaokhatlammi.
28 Israelna haayrak-e, "pelle. Eigi echaa-nupaa Joseph houjik phaaoba hingli. Eina shidringeida mahaakpu ukhigani."