Matthew 7
Mishingbu waayendanaba tambiba
( Luke 6.37,38,41,42 )
1 Nakhoybu waayenkhidanaba waayenluganu.
2 Maramdi nakhoyna waayenluliba waayel aduna nakhoybu waayen-gani, amasung nakhoyna olluriba chaang aduna nakhoydasu ollagani.
3 Aduga nangmakki namitta mitshaang leiba adu khandaduna, nanggi nachin nanaaogi mamitta mitshaang leiba adu karigi yenglibano?
4 Aduga karamna nachin nanaaoda, namittagi phaattaba adu louthokpige, haaygadage? amasung yeng-u, nanggi namitta phaatbadu leiri.
5 Apha shaajaningba, nangna ahaanbada nanggi namittagi phaataba adu louthokkho, aduga matung aduda nangna nanggi nachin nanaaogi mamittagi thunamba adu louthokpa shengna ugani. 6 Ashengba pot adu huishingda piganu; aduga nakhoygi mukta adu okki mamaangda hunjin-ganu. Kanaana khanggani, makhoyna madubu makhongna netsillaga onsillaaktuna nakhoybu hogaaiba yaai.
Haaijanaba thoujinba
( Luke 11.9-13 )
7 Nijou, nakhoyda pibigani; thijou, nakhoyna phangjagani; amasung thong yeijou, nakhoyda haangdokpigani.
8 Maramdi nijaba mi khudingmakna phang-e, thijaba aduna khang-e, amasung yeijaba aduda haangdokpigani.
9 Nakhoygi naraktagi kanaana mahaakki machaanupana tal niraga nung maangonda pigadage,
10 Nattraga nga niraga lil maangonda pigadage?
11 Maram aduna nakhoyna phattaba oidunasu nakhoygi nachaashingda aphaba khudon piba heirabadi, nakhoygi swargada leiba napaana nijaba makhoyda kayaamuk thoidok hendokna aphaba pot pibigaba!
12 Maram aduna nakhoyna mishingbu nakhoyda touhanningba pumnamak adu nakhoynasu makhoyda tou; maramdi masina waayel yaathang adugi amasung Eeshorgi waa taakthokpa shinggi laairikki machini.
Lambi ani
( Luke 13.24 )
13 Nakhoyna akhuba thong aduda changu; maramdi amaangbada taanaba thong adu laaoee, aduga lambi adu paki, amasung maduda changba mi yaammi.
14 Maramdi hingnabada taaba thong adu khui, aduga lambi adu chappi, amasung madu phangba mi yaamde.
Waahei amasung thabak
( Luke 6.43-45 )
15 Yaaogi phijet shetpa, adubu manungdadi charamnaba keisaal oinaa nakhoyda laakpa Eeshorgi waa takthokshinnabashingbu cheksillu.
16 Nakhoyna makhoygi maheidagi makhoybu khanggani. Mishingna tingkhang paambidagi angur mahei, aduga tingkhang paambidagi hayit heknabra?
17 Matou asumna aphaba upaambi khudingmakna aphaba mahei paalli; touegumsung phattaba upaambina phattaba mahei paalli.
18 Aphaba upaambina phattaba mahei paanba, aduga phattaba upaambina aphaba mahei paanba ngamde.
19 Aphaba mahei paandaba upaambi khudingmak adubu yaanthek-tuna meinungda laangsilli.
20 Maram asina makhoygi maheidagi nakhoyna makhoybu khanggani.
21 Eingonda Eeshor, Eeshor, haayba mi khudingmakna swarga leibaakta changloi, touegumsung swargada leiba epaagi ningba towriba mi aduna changgani.
22 Numit aduda ayaambana eingonda haaygani, Eeshor, Eeshor, eikhoyna ebungngogi minggi mapaanna Eeshorgi waa takthokchakhidra, ebungngogi minggi mapaanna bhut shingbu taanthokchakhidra, amasung ebungngogi minggi mapaanna toungamdaba thabak ayaamba toujakhidra?
23 Matam aduda eina makhoyda phongna haaydokkani, eina keidoungeidasu nakhoybu khanglamde; he touheidaba toubasa, eingondagi chatthokkhro.
24 Maram asina eigi waashing asi taaraga touba mi khudingmakpu nungjaao mathakta yum shaaba ashingba mi amaaga chaangdamnagani.
25 Amasung nong kanna taraktuna eeshing chaao rakle, nungshit sitle, amasung yum aduda yeirei, adubu nungjaao adugi mathakta houba maramna tukhide.
26 Amasung eigi waashing asi taaraga toudaba mi khudingmakpu leingoi mathakta yum shaaba apangba mi amaaga chaangdamnagani.
27 Amasung nong kanna taraktuna eechaao laakle, nungshit sitle, amasung yum aduda phujinduna madu tukhi; amasung madu matu thina tukhi.
28 Amasung asum thokkhi, Jesusna waashing asi loirabada, miyaam aduna ebungngogi tambiba aduda engak ngaklammi;
29 Maramdi Ebungngona makhoygi shaastragi ojaashinggumna nattana matik leiba migumna tambirammi.