Isaiah 38

ningthou Hezekiah Nadabdagi pharakpa

 (2 Ning 20:1-11, 2 Miron 32:28-26)

1 Haayriba matamsida Hezekiah yaamna kanna nakhi. Mahaak siningchitta leiringei matamda Amozgi machaanupa Isaiah kouba waa taakthokpaduna mahaakki maphamda laaklammi. Aduga haayrammi, "Eeshorna asumna taakpiri," nahaakki emunggi tougadaba pumnamak phajanaa makhong shenghallu. Maramdi nahaak handakti shiba taare. Nahaak naribasidagi phararoi."

2 Matangduda Hezekiahna phaklanglomda mamaay onsinladuna Eeshorda nollukna haayjarak-e,

3 "O Eeshor, nanaaina pukning ani longdana punemjari. Nahaakki namang thaaduna nanaaina pukning shengna thawaay hakchaang amatta oinaa chatchakhibadu ningshingbiyu. Nanaaina ebungngogi mityengda toujakhiba aphaba shingdu ningshingbiyu." maasi haayraduna Hezekiahna pukning shokna kaplammi.

4 Khudaktumaktada Eeshorna Isaiahda haayrammi:

5 "Namai ollu. Aduga Hezekiahda haayyu. Nahaakki napu Davidki Eeshorna asumna taakpiri, yeng-u, Eina nahaakna haayjabadu taare. Nahaakki namittagi taarakpa piraangdu Eina ure. Eina nahaakki punsi chahi taraamanga amaaga happirabani.

6 Nahaakka loynanaa eina saaharsibu Assyriagi ningthougi makhuttagi kanbigani.

7 "Eeshorna haayriba thoudoksi paangthokpada uhanbigadaba khudamdu asini: Eeshorna tougani haayna waashakkhraba potshingdu shoydana toubani.

8 Yeng-u, Ahazgi hatakta chatnaramba matamgi matung ennaa numitki mangaandu tunglomda khongthang taraa hanjilhankhi. "Asumna numit taaba matam khongthang taraa khetnakhi.

Judahgi ningthou Hezekiahna narubadagi pharaba matungda ekhiba waashing:

10 Eina khallammi matam phana hourakpada eigi punsi, thaadoklagani taaibang, asithenda thonggal paanba maramna, manglagani ninglammi eigi laakkadaba punsidu,

11 Eina khalammi Eeshorgi maaythongdu uraroi, taaibangsidadi mapoksimagi, taaibang-paansida leiriba jibaashing, amadi taaibang mishinggi maaythongdu keidounungda uraroi ninglammi,

12 Yaao senbagi khaangpok sindokkhibagi matougumna, khalammi leitre leipham eihaakki maalemsida, phi shaaba amagi matougumna eigi punsi pullap tasankhrabani haayna ninglammi, yongkhamdagi phi kakpagumna kaklagani ninglammi, nungthindagi numidaang laak-handuna nahaakna eigi aroibadu purak-e.

13 Ayukki matam youdriba phaaoba matenggidamak kapcharammi, nongshana toubagumna mahaakna eigi sharu thudekpirammi, nungthindagi numidaang oihallaaktuna nahaakna eigi aroibadu purak-e,

14 Shembang amadi waainugumna eihaak laaoduna leirammi, lamkhunugi matougumna eina tengthaarammi, mathaklomda yengmanduna eigi mitsi chokthare, he Eeshor, nanaai eihaak chokthare, maramsina oibiyu Ebungngona nanaaigi chingak,

15 Nanaina kari haaysige? Ebungngona pumnamaksi oihallibani, pumnamaksigi maramda nahaakna phongdokpikhrabani, eihaak tumba yadre, maramdi eihaak thawaay nungaaitre.

16 O Eeshor, taaibanggi laambelsi enduna mi pumnamak leiribani, pot pumnamaksigi mapaanna eigi thawaaysi hingba ngamlibani, Aha, nanaaigi hakchaangsi phahanbiyu, aduga taaibangsida leihanbikho.

17 Nahaakna eibu phahanbigani aduga punsi pinabigani naribasi eigi oihanbiyu thoina hennadum aphaba, arembada tagadabadagi kanbiba aduga eigi punsisi sanghanbige haayrabasu ebungngogi khutta leibani,

18 Asithenna ebungngobu thaagatpa ngamde, ashibaa kouba laaiduna nahaakpu waangna thaanggatpa hounade, norok komda taarabashingduna nahaakki lengdaba gunduda asha leiba hounade,

19 Toujaribasigumna eina ngasi, ahingbashingna thaagatli nahaakpu, mapaa oibashingna machaa oibashingda nahaakki matik mayaaidu phongdok-e,

20 Eeshorna eibu kanbigani, shakli eikhoyna tarana shemba khulai paayduna, shakchaagani eikhoyna punsi chuppa, sonjagani Ningnashangduda.

21 Matamduda Isaiahna haayrammi, " nanaai shingbu theibongna houba tal khara puhanbirak-u. madu apombasida teiyu. Adu oirabadi nahaak shoydana phagani."

22 Hezekiahna haayrammi, "eina Eeshorgi ningnashangda chatpa ngamgani haaybagi kari khudam leibage"