James 1
Jamesna iba lairik
Makhal makha ayamba maramgi damak kannaba paomen
1 Ishorgi amasung prabhu Jesus Christagi minai Jamesna ichai chaina leiriba salai taranithoigi maphamda khurumjei. 2 Eigi ichin inaosa, nakhoi nakhoigi thajabagi chang yengba aduna khangheiba pumsu suhalli haiba khangduna, 3 Nakhoina makhal makha ayamba chang yengba marakta tarabada haraoba ngakta singthanabiyu. 4 Amasung nakhoina karisu wattaduna, changkhonba amasung mapung phaba oinanaba, khangheiba adugi thabak changkhonba oisanu.
5 Touigumsung nakhoi kanagumbagi lousing watlabadi, pumnamakta pinaheiba amasung paothangdaba Ishorgi maphamda mahakna nijasanu; aduga Ibungo mahakna mangonda pinabigani. 6 Adubu mahakna chingnaba ilei leitana, thajana nijasanu; maramsi chingnaba mahak adudi nungsitna puba amasung hun-gat huntha touba samudragi ipomgumbani. 7 Maramdi mi aduna prabhudagi karigumba phangjagani haiba ningdasanu; 8 Mahakti pukning ani rongba, maram pumnamakta ilep leptaba nipani.
9 Touigumsung tonthaba ichin inao aduna mahakki wangkhatpada, 10 Aduga inakkhunba mahak aduna mahakki nemthaba aduda chaothokchasanu; maramdi inakkhunba adu napigi mapalgumna mangkhigani. 11 Maramdi numitna meisa kanbaga loinana kakhatlaktuna napi adu kanghalli; aduga madugi mapal adu kelli, amasung madugi phajaba mityeng adu mangi. adugumduna inakkhunba mi adusu mahakki lamdangda mangkhigani.
12 Changyengba khangjaba mi adu yaiphabani; maramdi mahakpu phei haina yabirabada, Ibungobu nungsibasingda waleppiraba hingbagi luhup adu mahakna phangjagani.
13 Mahakpu themdoklabada mi kana amatana, Ishorna eibu themdokpani, haidasanu; maramdi Ishorbu phattabana themdokpa ngamde, amasung Ibungo mahakmakna mi kana amatabu themdokte; 14 Touigumsung mi khudingbu mahakmakki apambana chingthokpada amasung lounam toubada themdokpani. 15 Maduda apamba aduna mirollabada pap pok-i; aduga pap aduna mapung pharabada siba pok-i.
16 Eigi achanba ichin inaosa, nakhoibu minamhan-ganu. 17 Aphaba pinaba khuding amasung changkhonba khudon khuding mathaklomdagini, mangal khibikki Mapadagi kumtharakpani, Ibungo mahakki maphamda hongba amasung leithokpagi mami taba khal leite. 18 Eikhoina Ibungo mahakki lenglipallibasinggi karigumba ahanba mahei oinanaba, Ibungo mahakmakki ningbadagi eikhoibu achumbagi waheina Ibungo mahakna pokpire.
Achumba dharma
19 Eigi achanba ichin inaosa, nakhoina asi khangi. Touigumsung mi khudingna tabada yangba, ngangbada tappa, saobada tappa oisanu, 20 Maramdi migi asaobana Ishorgi dharmachenbagi thabak toude. 21 Maram adugi damak amotpa pumnamak amasung phattaba hakmanba thadoktuna, nakhoi nakhoigi thawai kanbiba ngamba thajinkhraba wa adu nolukpaga loinana sillu.
22 Adubu wa adu atouba mi nakhoina oiyu, aduga nakhoina nasa nasamakpu minamjaduna atabada oiganu. 23 Maramdi kanagumbana wa adu ataba oiraga, atouba oidrabadi, mahakti mingsenda mahakki mahousagi mamai ujaba migumbani; 24 Maramdi mahak mathantabu ujaraga chatthokkhiduna, mahak karamba mi oirambano haiba hek kaokhi. 25 Touigiunbasung maningtambagi changkhonba wayel yathang aduda lukthana yengduna tattana leiba. taraga kaoba mi oidaba adubu thabak touba mi oiba mahak asina mahakki toujabada yaiphagani.
26 Kanagumba mina mahakki marei yachan chandaba, adubu mahakki tham oibu minamjaba, mahak masa mathanta dharmachenbani ningjarabadi, mi asigi dharma arembani. 27 Eikhoigi ipa Ishorgi mangda asengba amasung amotpa leitaba dharma asini: mapa leitabasingbu amasung lukhrabisingbu makhoigi awa anangbada yengbiba, aduga masa mathantabu taibangpanbadagi amakpa leitanaba ngakchaba aduni.