Matthew 20
Angur engkhonda thabak shubashinggi paandam
1 Maramdi swarga leibaak adu angur engkhonda thabak shubashing neknanaba ayuk ngantada chatthokpa yumbu amagumbani.
2 Amasung mahaakna thabak shubashing aduga nongmada denari amada yaanarabada, mahaakna makhoybu angur engkhonda thaakhre.
3 Aduga mahaakna ayukki pung 9:00 Aduwaaida chatthokkhiduna, keithenda karisu toudana leptuna leiba ateishingbu ure,
4 Amasung mahaakana makhoyda haay, nakhoysu eigi angur engkhonda chatlu, aduga asup thok-e haayba adu eina nakhoyda pigani. Aduda makhoyna chatle.
5 Amukka mahaakna nungthin pung 3:00 da chatkhiduna adugumna tourure.
6 Aduga nungdangwairam pung 5:00 aduwaaida mahaakna chatthokpada ateishing leptuna leiba uraduna, makhoyda haay, nakhoyna asida numitchuppa karisu toudana lepliba karigino?
7 Makhoyna maangonda haay, maramdi kanaanasu eikhoybu nekpide, mahaakna makhoyda haay, nakhoysu angur engkhonda chatlu.
8 Aduga numidaang-waai oiraklabada angur engkhon-gi mapu aduna mahaakki ashin-araangbada haay, thabak shubashing adu kouduna akonbadagi houna ahaanba phaaoba makhoyda anekman pikho.
9 Amasung numidaangwaairam pung 5:00 aduwaaida nekpa makhoysu mi khudingga chap mannana denari amam-mam phang-e.
10 Aduga ahaanbashing aduna laakpada makhoyna henna phanggani khallammi; adubu makhoysu mi khudingna denari amam-mam phanglammi.
11 Amasung makhoyna denari amaadu phangbada yumbugi mathakta murum murum shonba houraktuna haay,
12 Akonbashing asina pung amata mashui, aduga nangna makhoybu nongmagi awaaba amasung nungshaagi chaaklaba meishaa khaanglaba eikhoyga mannahalli.
13 Aduda mahaakna makhoy amada khumlak-e, marup, eina nangonda araanba toude, nangga eigaa denari amada yaanakhidra?
14 Nanggi adu loukhattuna, chatkhro. Nangonda pibagumna akonba asida piba eigi eningni.
15 Ei esaagi adu eina apaamba toubada eigi ening nattabra? Nattraga eina pukchel phajaba maramna nanggi namit khaarabra?
16 Maram asina akonbana ahaanba amasung ahaanbana akonba oigani.
Jesusna mahaakki shibagi waaram maangjounana tambiba ahumlak-shuba
( Mark 10.32-34; Luke 18.31-34 )
17 Amasung Jesusna Jerusalemda chatlamdaaida, sebok taraanithoibu tongaanna puduna lambida Jesusna makhoyda haayrak-e,
18 Yeng-u, eikhoy Jerusalem taanna kaari; amasung migi machaanupa adubu athoiba purohit shing amasung shaastragi ojaashingda pithokkani; aduga makhoyna mahaakpu haatpa matik chaay haayna utkani,
19 Amasung mahaakpu atoppa Jaatshingda noknanaba, thina yeinanaba amasung crossta haatna-naba pithokkani, aduga numit humni shubada mahaak hinggatkani.
Swarga leibaakta achouba oinanaba James amasung Johnna nijaba
( Mark 10.35-45 )
20 Matam aduda Zebedeegi machaanupashinggi mamaana machaanupashingga loynanaa ebungngoda laaklaga, khurumjaduna ebungngodagi karigumba amaa nijarammi.
21 Amasung Ebungngona maangonda haayrak-e, nang kari paambage? manaa ebungngoda haayjarak-e, ebungngogi leibaakta eigi echaa-nupaa ani asi, amanaa ebungngogi yetta, amanaa oyda phamjanaba yaathang pibiyu.
22 Touegumsung Jesusna khumlak-e, nakhoyna nijariba adu nakhoyna khangde, Eina thakkadouriba tengot adu nakhoyna thakpa ngambra? makhoyna ebungngoda haayjei, eikhoy ngamjei.
23 Jesusna makhoyda haay, nakhoyna eigi tenggot adu thakpadi thakkani, touegumsung eigi yet amasung oyda phambadi eina pigadaba natte, adubu maasidi eigi epaana makhoygi damak shem-shaabiraba makhoy adugini.
24 Amasung taraa aduna madu taabada machin manaao ani adugi mathakta shaaorammi.
25 Touegumsung Jesusna makhoybu manaakta koushinduna haayrak-e, atoppa Jaatshinggi makok oibashingna makhoygi mathakta mapu oi, aduga makhoygi achouba-shingna makhoygi mathakta mapu oibagi thabak touwi haayba nakhoyna khang-e. Nakhoygi naraktadi asum toude; 26 Touegumsung nakhoygi naraktagi chaaoningba kanaagumba aduna nakhoygi thougan touba mi oigani;
27 Aduga nakhoygi naraktagi Khwaaidagi makok thangninba kanaagumba aduna nakhoygi minaai oigani.
28 Adugumna migi machaanupa aduna mashaabu thougan touhannaba laakpa natte, touegumsung thougan toubinaba amasung mayaamgi thaadokmal oinaa mahaakki thawaay pinaba laakpani.
Mittaangba mi anibu uhanbiba
( Mark 10.46-52; Luke 18.35-43 )
29 Amasung makhoyna Jerichodagi asum chatthoklakpada ayaamba miyaamna ebungngogi tung eenjarammi.
30 Amasung yeng-u, lambi mapaanda phamba mittaangba anina Jesus chatli haayba taabada laaojarak-e, Davidki machaanupa, Eeshor, eikhoybu nungshibiyu,
31 Amasung miyaam aduna makhoy tuminna leigadabani haayna makhoybu cheihat-lammi; touegumsung makhoyna kanna kanna laaojarak-e, Davidki machaanupa, Eeshor, eikhoybu nungshibiyu.
32 Aduda Jesusna leplaga makhoybu kouduna haayrak-e, eina nakhoygi damak kari toubiba paambage?
33 Makhoyna ebungngoda haayjei, Eeshor, eikhoygi mit paangthok-hanbiyu.
34 Aduda Jesusna nungshiba pokladuna makhoygi mamit shokpire; amasung khudak adudak aduda mamit ubaa phangjare. Adudagi makhoyna ebungngogi tung enjare.