2 Kings 25
Jerusalem tuba
(2 Miron 36:13-21, Jer 52:3-11)
1 Zedekiahna paanba mapaanshuba chahigi mapaanshuba thaagi taraanishuba numitta Babylongi ningthou Nebuchadnezzar laanmi matik chaana puduna Jerusalemda laandarakkhi. Makhoyna Jerusalemgi mamaangmaktada laanban shaakhi. Jerusalem laanphamsida khudum chanshinkhi.
2 Zedekiahna paanba taraamaathoyshuba chahi phaaoba mahaakki makhaada saaharsi leikhi
3 Marishuba thaagi mapaannishuba numittagi houna leibaaksida yaamna tamthiba chaaktangba amaa thokkhi. Mishingdu chaanaba chinjaak phangkhide.
4 Kaldinshingna saaharsibu koishinduna thamkhiba maramna thokpham leiramde maramsina makhoyna makhun amaa shemkhi. maasida ningthou amadi laanmi shingna ahingda tuminna naanthokkhi. Maasi ningthou leikon haayna khangnaba chekpan anigi manungda leiribaduni.
5 Adubu Calebdishingna tannaraktuna ningthoushingbu Jerichogi tampaakta phakhi. Maramsina ningthouga loynarakpa laanmishingdu echoi choikhi.
6 Makhoyna ningthoubu phaaduna Riblahda leiriba Babylongi ningthougi manaakta pukhi. Maphamsida Zedekiahbu dandi pikhi.
7 Zedekiahgi machaashingdu mamaangmaktada haatkhi. Zedekiahgi mamit kotthokkhi. Thouri thaangduna mahaakpu Babylon youba phaaoba chingduna purammi.
Ningnashang thugaayrakpa
(Jer 52:12-33)
8 Babylongi ningthou Nebuchadnezzarna paanba taraanipal shubaa chahigi mangaashuba thaagi taretnishuba numitta laanmigi luchinglen amadi paaoutaak piba Nebuzaradanna Jerusalemda laakkhi.
9 Mahaakna Eeshorgi ningnashang, konung amadi machin mawaachatpa mishinggi mayumnachingba loina mei thaakhi.
10 NebuzaraDangi laanmi shingna Jerusalemgi chekpan thugaaykhi.
11 Saaharduda leihouriba mishing amadi Babylongi ningthougi makhuttagi chenkhiba amadi makhut heibashingdu loina bandi oinaa pukhi.
12 Adubu mahaakna yaamna laairaba mishingbudi bandi oinaa pukhide. Makhoybudi angur amadi lounachingba unnaba thambirammi.
13 Babylongi laanmishingduna Eeshorgi ningnashangda leiriba prithaayna shaaba ukhong amadi gari, pithraaina shaaba pukhrinachingbadu thugaayrammi aduga pithraaidu Babylon taanna pukhi.
14 Makhoyna ningnashangda leiriba patrashing, yotpak, thaaoumei muthanaba machei, kambi ningnashangda leiriba chamthoknaba patrashingdusu pukhi
15 Thongba matamda shijinnaba khang achouba, amadi tenggotnachingba loina pukhi. Sanaa amadi silver aphangba pumnamak amatta khaktana pukhi.
16 Pithraaina shaaba yumbi aniduga pukhridugadi khan onduna shaakhiba natte.
17 Ukhong anidu chaang amattani: Mamamna metre nipaan waanglammi. Ukhongsigi matonda phambaal amaa haplammi. Masigi awaangbana metre amaa point ahum oirammi. Phambaksida pithraaina kaphoi shaaduna koyna leiteng oinaa yaantharammi.
Judahgi mishingbu Babylonda bandi oinaa pukhiba
(Jer 52:24-27)
18 Luchinglen Nebuzaradanna purohit-len Seraiah, mahaakki mathangda leiriba purohit Zephania, amadi ningnashangda thabak touriba maru oiba mi ahumga makhoy mangasi Babylonda bandi oinaa pukhi.
19 Nebuzaradanna Judahgi laanmigi makok amaaga loisanggi phamnaaiba mangaga, laairik pansinba nupaa amaa, aduga makhoysiga loynanaa mi 60 su bandi oinaa pukhi.
20 Nebuzaradanna haayriba mishingsi puduna Riblahda leiriba Babylongi ningthougi maphamda chatkhi.
21 Babylongi ningthouna makhoybu Humathki lamda haatkhi. Matou asumna Judahgi mishingdu Babylonna bandi oinaa pukhi.
Judahgi leengakpa Gedaliah
22 Babylongi ningthou Nebuchadnezzarna bandi oinaa pukhiba mishinggi mathakta leibaak ngaakpa oinaa Saphanna pokpaa Ahikamgi machaanupa Gedaliahbu khankhi.
23 Loi chandaba Judahgi lamda leihouba phamnaaibashing amadi laanmi shingna Gedaliahna leibaakngakpa oire haaybasi taabada Mizpahda laaklammi. maasida laakkhiba mishingdi: Nathaniahgi machaanupa Ismael, Kereahgi machaanupa Johanan, Netophathitegi Tanhumethki machaanupa Seraiah, Maakahdagi Jaazaniahnachingba oirammi.
24 Gedaliahna makhoyda haayrammi, "Babylongi phamnaaibashingbu karisu kiningai leite haayna eigidi haayribasini. Judahda leiyu aduga Babylongi ningthougi makhaada leiduna nakhoy maphamsida paanba matamda, karisu thoidokpa awaaba taningai leite."
25 Adubu thaa taret leiraga ningthoukonda pokpaa Elishamagi machaanupa Nethaniahna pokpaa Ismaelna Gedaliahbu haatkhi. Gedaliahga loynanaa leiramba Chaldishingdu haatkhi.
26 Thoudoksidagi Judahgi mishingna Chaldishingbu kiduna mi ayaamba Egyptta chenkhi.
Jehoiachinbu keishumshangdagi thaadokpiba
(Jer 40:7-9, 41:1-3)
27 Judahgi ningthouna Babylonda bandi oinaa keishumshangda leiba kunthraataretshuba chahigi taraanithoishuba thaagi kuntaretnishuba numitta Babylongi ningthou Evilmerodachna paanba ahaanba chahida haraao haraaona Judahgi ningthou Jehoia chinbu keishumshangdagi thaadokpikhi.
28 Mahaakna Jehoiachinbu lunaa tourammi aduga Babylonda leiriba ningthou marakta Jehoiachinbu awaangba thakta thambirammi.
29 Jehoiachinna numittudagi houraduna bandi amaa oibagi phijet thaadoktuna numit khudinggi ningthouga chaak chaaminnakhi.
30 Mahaakna hinglingeida Evilmerodachna matik okpa peishaanachingba pirammi.