Proverbs 19
19 Lairaba amadi pukchel sengbana minamba ngangba apangbadagi henna phei.
2 Lousingdi yaodana thawai yaoba karisu kannade. Khangba kandabana khudongthibada tahanba ngammi.
3 Mi kharadi makhoigi apangba thabaktuna manghan tak-halli aduga mameida Lainingthouda taisilli.
4 Inak khunba midi matam leibada anouba marup phangba ngammi. Lairabasingdi makhoina tinnajariba kharadu phaoba lengdanaba hotnaba ngamjade.
5 Karigumba nakhoina loishangda lanna wa hairabadi matik chaba awapham phanggani aduga masi nanthokpa ngamloi.
6 Maming chatpa mishinggi matengdu mi khudingna phangnaba hotnei, mateng piba ngambasinggi marupni haina mipum tingna laothokchei.
7 Lairaba migi manaodu mahakkidamak karisu kannade. Marupsingna mahakka tinnadribaduda karisu ngakningai leite.
8 Natomta tengbangjanaba hotnou aduga ngamjabamakhei tamsillu. Adudagi nahakna tamkhibadu ningsingu adu oirabadi nahak yaiphagani.
9 Loishangda aranba wa ngangba ngamba nupadu awapham tagani amasung mahak nanthokpa yaroi.
10 Apangbasingna nungngaina leitenga loinana leithokpa yade. Asumna minaina mapubu wayelba yaroi.
11 Lousing leiba mi oirabadi saogalloi. Kanagumba amana lankhrabadi madubu ngakpibaduna athoibani.
12 Ningthougi asaobadu nongshana ngangbaga pankhakni. Aduga ningthouna challabadi kalenda nong tabagumbani.
13 Apangba machanupana mapabu mangtaknaba thok-hanba yai. Machin kanbi nupidi marik marik tarakpa ishinggu-mbani.
14 Mapa mamagi lan thum amadi yumdu phanghourabasu lousing leibi nupi ama taloi oina phangba haibasidi Lainingthougi thousinni.
15 Tanduna tumduna leithokpa yai aduga khanggadabadi chara hengani asitani.
16 Ipuroigi yathangsingdu kaidana chatlu adu oirabadi napunsi sanggani, karigumba madu indrabadi sigani.
17 Lairabada piba matamda Lainingthouda puthokpagumbani, aduga Lainingthouna amuk hanbirakkani.
18 Nachasingdu naha oiringeida warakhou. Karigumba matam chana warakhou-drabadi makhoibu mangnaba nakhoina mateng panglabani.
19 Kanagumba saoganba midu awaba taba tai. Karigumba khudong thiba tabadagi mahakpu amuktang kankhrabadi mathangda amuksu kanbiba tai.
20 Paotak louninglaba aduga tamninglabadi nongmadi asingba nupa ama oirakkani.
21 Mishingna thousil kaya touba yai adubu Lainingthougi aningbaduda oithokkani.
22 Thibong laobasi ikainingaini. Lairabana minambadagi henna phei.
23 Lainingthouna haiba illabadi punsi sanggani, asoi angam leiroi amasung awatpa leiroi.
24 Mi kharadi asukki matik tankhre machinda chanaba pot hukpa phaoba talli.
25 Tamthiba midu awapham tahangadoubani, lousing leitaba midu tambada khangba ngamgani. Karigumba nakhoi lousing leiba mi oirabadi chumthokpa matamdasu tamsinba yai.
26 Ikaiba khangdaba amadi maithaba nupadana mapabu thina tougani aduga mamabu mayumdagi tanthokpa ngamgani.
27 Ichasa, nakhoina tamba hek leppada hanna khangkhiba pumnamaktusu thaoirakloi.
28 Sakhi amana atoppa kanagumba amabu manghallage khallakpa matamda achumbadu phangba ngamde. Phattabasingna phattabagi mahaoduda tangningi.
29 Minamba apangbadu soidana cheija nambonnagani.