James 2
Inakkhunbaga lairabagada chatkadaba sajat
2 Eigi ichin inaosa, eikhoigi prabhu Jesus Christa, matik mangalgi Prabhubu thajaba adu mishinggi misak mimai yengbaga loinana paiganu. 2 Maramdi nakhoigi tinnaphamda sanakhudop siba, ningthiba phi setpa nipa ama, aduga amotpa phi setpa lairaba amasu changlaklabadi; 3 Aduga nakhoina ningthiba phi setpa mi aduda yengduna, nahakti aphaba mapham asida phambiyu, amasung lairaba mi aduda, nahakti aduda leppu, nattraga, eigi khunet manakta phamthou, hairabadi; 4 Nakhoina nakhoi nasen-gi manakta misak mimai yengba, aduga phattaba wakhanna wayelba sing oirakpa nattra?
5 Eigi achanba ichin inaosa, tabiyu; thajabada inakkhunnanaba, aduga Ishorbu nungsibasingda waleppikhiba sarga leibakki yumlepcharsing oinanaba, taibangpanda lairabasingbu Ibungo mahakna khanbiba nattra? 6 Adubu nakhoinadi lairaba mi adubu ikaikhumnade. inakkhunbasingna nakhoibu neiduna, makhoimakna nakhoibu wayel phambei mangda chingsinba nattra? 7 Nakhoigi nathakta kouraba ikaikhumnaba minggou adubu makhoina thina haiba nattra?
8 Sastragi matung inna, nangna nanggi keiroi leikaibu nasamakkumna nungsigadabani, haiba ningthougi wayel yathang adu thunghallabadi, aoibamak makhoina phajana toubani. 9 Adubu nakhoina misak mimai yenglabadi, ayol aranbasing oina wayel yathangna aranba tahanduna, nakhoina pap toubani.
10 Maramdi kanagumbana wayel yathang apumba ngakledi hairaga, amatang langjarabadi, mahakna pumnamak adu lanba oirakpani. 11 Maramdi, nupi lannaganu, haiba Ibungo mahakna, mi hatkanu, asisu hai. aduga nahakna nupi lanna drabadi, adubu mi hatlabadi, nahakna wayel yathanggi ayol aranba mi oirakpani. 12 Maningtambagi wayel yathangna wayelgadaba mishinggumna, nakhoina ngnagsu ngangu, tousu tou.
13 Maramdi nungsibida uttaba mahak aduda wayelba nungsibiba yaodabani; nungsibibana wayelbu ngammi.
Thajaba amasung thabak
14 Eigi ichin inaosa, kanagumbana mahakki thajaba lei hairabadi, adubu thabak yaodrabadi, maduna kari tongjabage? Thajaba aduna mahakpu kanbiba ngambra? 15 Nachin nanao amana nattraga nachem nachan amana phi amasung numit khudinggi chara watlabadi, 16 Aduga nakhoi kanagumba amana makhoida, tapthana chatpiyu, lumsu lumbiyu, thansu thanbiyu, hairaga hakchanggi kannaba pot asu pibidrabadi kari tongjabano? 17 Madugumna thajababu, thabak yaodrabadi, mathanta sijabani.
18 Adubu mi amana haigani, nanggidi thajaba lei aduga eigidi thabak lei; nahakki thajaba thabaktagi topna eingonda utpiyu, aduga eidi eigi thabakna nangonda eigi thajaba utchage. 19 Ishor amatani haiduna nahakna thajei; nahakna thajaba adu aphabani. Bhutsingnasu thajaduna kibagi tu chungi.
20 Adubu, he kannadaba mi, thabak yaodaba thajaba adu mahei leitabani haiba nahakna khangningbra? 21 Eikhoigi ipa Abrahamna mahakki macha nipa Isaacpu latnapung mathakta katkhiba aduda thabakna mahakpu chumhanbiba nattra? 22 Thajabana mahakki thabakka loinana suminnarammi, 23 Amasung thabakna thajababu changkhonhalle haiba nahakna ui; aduga,
Amasung Abrahamna IshorbU thajare, aduga madu mangonda dharmachenba singthanabire; amasung mahakpu Ishorgi marup koure,
haiba sastra adu thungle.
24 Thabakna mibu chumhanbi amasung thajaba ngaktana natte haiba nakhoina ui. 25 Aduga adugumduna oktabi Rahabna paochatpasing adubu lousinbiduna makhoibu lamtop amada thakhiba aduda, thabakna mahakpusu chumhanbiba nattra? 26 Thawai yaodaba hakchang adu sibagumna thabak yaodaba thajabanasu adugumna sibani.