2 Samuel 9

David amadi Mephiboseth

1 Nongmagi numitta Davidna hanglammi, "Shaulgi emunggi kanaagumba chadanaoda leiribra? Karigumba hingba thoklabadi Jonathangi maramgidamak eina mahaakki maphamda thoujaan utningi

 2 Saulgi yumda minaai oiramba Ziba kouba amaa leirammi maramsina mishingna mahaakpu Davidki manaakta chatnanaba haaybirammi. Ningthouna maangonda hanglammi, “nahaak Ziba haaybadura? Mahaakna khumjakhi, “Eningthoubu nanaai Zibani. "

3 Ningthouna maangonda hanglammi, "eina Eeshorda waashakkhiba matung ennaa Saulgi emunggi kanaagumba mi hinghouba leirabadi waashaktugi matung ennaa mahaakki maphamda thoujaan utning-e. Leiri leite haayba nahaak khangbra?

 Zibna haayrammi, "Jonathanna poklamba machaanupa amadi leiri adubu mahaak chatpa ngamde.

4 Ningthouna hanglammi, “mahaak kadaayda leibage?"

 Zibana haayrammi, " Lodebarda leiba Ammielgi machaanupa Makirgi yumda lei."

5 Maramsina Davidna mahaakpu mi thaaduna purak-hankhi.

6 Jonathangi machaanupa aduga Saulgina masunupa thokpa Mephibosethna konungda laakpa matamda Davidpu mahaakna khurumjarammi. Mahaakpu ubada Davidna, " Mephiboseth" haayna kourammi. Amasung mahaakna khumkhi, “Eningthou ebungngo."

7 Davidna maangonda haayrammi, "kiganu. Nahaakpu pokpaa napaa Jonathangi maramgidamak eihaak nahaakki naphamda thoujaan leigani. Nahaakki napubok Saulgini haayna leiramba lamshingdu nahaakki naphamda eina hanbigani. Matam leibada nahaak eigaa loynanaa chaak chaagani."

8 Mephibosethna khurumjaraduna haayrammi, "nanaidi ashibaa huigumbani. Eningthouna nanaaida mapaan naaidaba thoujaan utpiri."

9 Saulgi minaai oiramba Zibabu kouraga Davidna haayrammi, "Shaulgini haayna leiramba pumnamak nahaakki nabungngogi masunupa Mephibosethta loina pirabani.

10 Nahaak amadi nahaakki nachaa-nupaashing amadi nanaaishingna nabungngo Saulgi lamdu koiduna Saulgi emung manunggi leihouriba mishingna chaananaba cheng phounachingba purakkadoubani. Adubu Mephibosethti matam khibikta eigaa loynanaa leigani." (Ziba haayriba nupaasigi machaanupa taraamanga amadi minaai kun leirammi.)

11 Zibana haayrammi, “Eningthou Ebungngona taakpiba matung ennaa nanaaina yaathangdu leikha tahanjaroi."

 ningthougi machaanupagumna Mephibosethna ningthouga chaak chaaminnarammi.

12 Mephibosethki machaanupa Mika kouba nahaa oiriba amaa leirammi. Zibagi emunggi mi pumnamak Mephibosethki emung manunggi minaai oikhi.

13 Makhong animak chingsinduna chatpa ngamdaba Mephiboseth Jerusalemda leiduna matam leibada ningthouga chaak chaaminnakhi.