Ezekiel 8

Ezekielna mapubu Amukka ubaa

(4:1-10,12)

1 Tarukshuba chahigi tarukshuba thaagi mangaani paanba numitta Judahgi ahanshingga eina phaminnaduna leiringei matamda Eeshorna eigi ethakta ebungngogi khut thabadu phaaorammi. 2 Matamduda yeng-u, eina taaibang migi mawong maanba shaaktam amaa urammi. Mahaakki makhwaangdagi makhangeina mei oinaa urammi. Makhwaanggi mathakngeina mei eklaba pithraaigi matougumna erang langna urammi.

3 Mahaakna khut maanba amaa tingthoraktuna eigi isam paayduna chingkhatpirammi. Thawaayduna eibu maalem amadi nongmadon anigi marakta chingkhatpirammi. Eeshorgi shaaktam uhalladuna eibu Jerusalemda pubira klammi. Awaang haramda olliba manungda paalliba sannathonggi changphamda eibu thambirammi. Haayriba maphamsi Kamdebigi khubham mayadani.

4 Yeng-u, maphamdudasu Israelgi Eeshorgi matik mayaaidu ngaanthoyduna leirammi. madugi shaktamdu tampaakta eina ukhiba mawongduga thoina khetnade.

5 Matangduda mahaakna eingonda haayrak-e, "nupa, awaang haaram paangbada namai ollo. Asumna awaanglomda eina yenglammi. Yeng-u, phaankhong leiribadugi changphamda paalliba sannathongduda kamdebigi murtidu leirammi.

6 Mahaakna eingonda haayrak-e, "nupa, makhoyna touribasi nahaak urabra? Eibu eigi ashengba ningnashangdugi manungda leibadudagi mapaanda taanthoknabagidamak Israelgi emung manungna touriba tukkachanabagi mashak oiraba shintha paangthoklibasi urabra adubu nahaakna masidagisu henna chaaoba tukkachanabagi mashak oiraba thabak kayaa ukhigani. "

7 Mahaakna eibu loisanggi thongdu taanna puraduna laaklammi. Eina yengthokluba matamda yeng-u, maphamduda makhun amaa leirammi,

8 Matangduda mahaakna eingonda haayrammi, "nupa, chekpansi toukhaairo. "Eina chekpansi toukhaairba matungda khong amaa thengnare.

9 Mahaakna eingonda haayrammi, "changu aduga makhoyna masigi manungda touriba mapaa leitraba phattaba thabakshingdu yeng-u.'

10 Maramsina eina maphamduda changshinduna yengba matamda yeng-u, phaklangda mapukna shittuna chatpa jibaa amadi shaashinggi aduga Israelgi mishingna ningnariba laai murtishinggi mawong yektuna leiramba thengnarammi.

11 Haayribashingsigi mamaangda Israelgi mishinggi maraktagi ahan oinaa shingthaanaraba nupaa 70 leptuna leirammi. Makhoygi marakta Saphan-gi machaanupa Jaazaniah yaaorammi. Makhoy khudinggi makhutta kambi amam-mam pairammi. Maramsina madudagi thorakpa meikhudu nongmadonda haigatkhi.

12 Matangduda mahaakna eingonda haayrammi, "nupa amaambada Israelgi mishinggi ahanshingsina touribasi nahaak urabra? loynanaa manaa manaa shaaba amadi yekpa laai murtishinggi laisangda leiribasi urabra? makhoyna khalli Eeshorna makhoybu ude. Khalli makhoyna Eeshorna leibaaksi thaadokkhrabani.

13 Mahaakna maasibu eingonda haayrammi, " makhoyna toukhiba asidagi henna chaaoba tukkachabagi mashak oiraba thabak kayaa nahaakna ubaa phangkhigani."

14 Masigi matungda mahaakna eibu awaang haaram paangbada leiriba Eeshorgi ningnashangdugi changphamdu taanna pubira klammi. Yeng-u maphamsidana nupishingna Tammuzbu kouduna tengthaarammi,

15 Matangduda mahaakna eingonda haayrammi, "nupa, nahaak touribasi urabra? asidagi henna chaaoba tukkachabagi mashak oiraba pot kayaamarum nahaakna ukhigani. "

16 Mahaakna eibu Eeshorgi ningnashanggi manung thangba kadugi loisangduda puraduna laaklammi. Yeng-u, maphamduda Eeshorgi ningnashanggi thongduda laaisumang amadi phaankhong anidugi marakta, Eeshorgi ningnashangda manangal onthokladuna nupaa kunmangakhak leirammi. Makhoyna nongpok haaram paangbada mamaay olladuna numitpu khurumduna leirammi.

17 Maduda mahaakna eingonda haayrak-e, "nupa, nahaak touribasi urabra? Judahgi emung manungna maphamsida touriba paapshingsi karisu leitbani haayna lourasira? Makhoynatouribasigumna atatpa leitana paangthoktuna maalemsida tamthiba amadi tukkachaba thabak touduna eigi ashaaobasi matam leibada mei chuhallasira? makhoyna eibu pennaba tourabasu thoinadum shaaohalli.

18 Maramsina eina ashaaoba meiriga loynanaa makhoybu waahn-gani matik chana. Eigi mityeng waangmadagimakhoy naanthokpa ngamloi. Eina makhoyda thoujaansu utloi. Makhoyna eighak taanaba laaona tengthaarabasu eina tabiroi.