Jeremiah 23

Tungda thokkadouba yengduna haraoba

23 Mapu Ibungona takpiri, "Eigi sanjabungda chariba yao shanggudu choijainahalliba yao senbasingdu awabagi masakni." 2 Maramsina Israelgi Mapu Ibungo, Eshorna eigi mishingbu yao senbagi matougumna sellibasingdugi maramda asumna takpiri, "nakhoina eigi yao shanggudu choijainahalle aduga tanthokpire. Nakhoina makhoibu hanna yengbidre. Eshorna takpiri, nakhoina touriba phattaba thabaksinggi mathakta eina yengsingani. 3 Eina tanthokkhiba maphamsingda leiriba eigi mishinggi iremkhaksingdu khomjingani. Eina nakhoibu mayum mayumda pubirakkani. Matamduda makhoi awat apa leiroi aduga makhoina touba khudingda mahei yangani. 4 Makhoibu ngakpi senbinaba yao senba Eina khan-dokkani. Matamduda makhoi lammangnararoi. Akiba haibadusu khangloi. Aduga dandisu phangloi. Hairibasi Eshorgi waheisingni.

5   Eshorna takpiri, Davidki eedagi asengba chada ama thok-hangadaba matamdu lakle, adugumba ningthouduna lousinggi meirina wayelbigani, leibaksida mahakna chatnalon, lichatlon amadi achumbadu masak khanghangani.

6   Mahakna panba matamda Judah asoi angam leiroi, Israelda yetpinaba kana yaodana nungaina pangani, mahakki mamingdi asini: Eshor-di eikhoigi sengthoiraba mapuni.

7 Eshorna takpiri, matamduda mishingna Egypttagi Israelgi mishingbu pubirakkhiba Eshor-na sakhi oisanu haina wasakpadu touraroi. 8 Makhoina hainagani Israelgi charonbu awang haram pangbada leiriba leibaksing aduga atoppa leibaksingda chaikhaiduna thambirambadagi khomjin-duna pubirakkhiba Eshorna sakhi oigani haina sonnagani. Masigi matungda makhoi maraipakta nungaina pangani.

Jeremiahna maichousinggi maramda phongdokpa

9   Wa takthokpasinggi maramda: eigi thawaisi chakle, sarusi eigi mapangal leitre, Eshorgi matik mayai amadi mahakki akiba wasingsi tabada eihak yu ngaobagi matougumle, yuna lousing manghallaba migumle.

10 Leibaksida lamchat manglaba mina thalle, makhoigi maramdagi leibaksi leikangla oire, lamjao lamhangdo leiriba sanjabung phaoba leikangla oire, Makhoina touba thabak khudingmak phattaba ngaktani, makhoina touba ngamba pumnamak lanna toui.

11 Wa takthokpa amadi purohit animak sengdaba ngakta ngaire. Eigi ningnashangda makhoina touriba phattabadu eina phajana ure, masimak Eshorna haibiriba wani.

12 Maramsina makhoina chatkadaba lambeldu khunam chettaba mapham oihangani, amambada makhoibu chaikhaibigani aduga maduda makhoi tugani, makhoina touba phattabasingdugi numit suraklaba matamda eina makhoida awaba tahan-gani, masimak Eshor-na haibiriba wani.

13 Samariagi wa thakthokpa lousing leitabasingdu eina oknare, makhoina Baalgi mamingda wa phongdok-i aduga eigi mi Israelbu lanna lamjingbi.

14 Jerusalemda leiriba wa thakthokpasinggi marakta eina akibagi masak oiraba thoudok kayamarum ui. Lamchat manglaba amadi aranba wa ngangbasingni makhoidi, makhoina phattaba thabak toubasingdubu insinbi, maramsina kana ama phaoba mana mana touba paptudagi mamai onde. Eigi iphamda mahakki leiriba mi pumnamak Sodom amadi Gomorrahgi matougummi.

15 Maramsina nongthak nongkha anigi Mapu Eshor-na wa takthokpasinggi matangda asumna phongdokpiri: Eina makhoida tin pijagani, pigani makhoida hu hapchillaba ishing thaknanaba, maramdi Jerusalemda leiriba wa takthokpasinggi machindagi leibaksida sengdaba ithindu thoraklibani.

16 Nongthak nongkha anigi Mapu Eshor-na wasingsi phongdokpiri: wa takthokpasingna haiba wasingdu nakhoi thajarunu, aremba asagi yumbi yungkhatliba nakhoigi naphamda makhoina, makhoina utliba asagi urongdu makhoigi awanaba wakhandagi thokpani, makhoina hairiba wasingdu Eshor-gi machindagi thorakpa wa natte.

17 Eshorgi yathang ngakna chattabasingduna tattana nahak chaokhatkani haina thongatli mana mana pamba matung inna chatlibasingdugi maphamda makhoina hairi, nakhoi amang ata leiroi,

18 Adubu makhoigi marakta kanana Eshor-gi loishangda lepkhrabage? Eshor-bu makhoina uba amadi taba yaokhrabara? Makhoigi marakta kanagumbana mahakki yathangdu ngakna chatpa yaokhibage?

19 Yengu, Eshorna akanba nonglei nungsit ama thadokle, oigani masi leiduna sitpa nonglei nungsit, masida phattabasingdugi makokta leina leina sitkani.

20 Eshorna saoribadi hanthaba leiroi, hantharoi mahakki thamoida touge haina ningliba hiramdu pangthoktribamakhei, lakkadaba numitsingda nakhoina masigi maramda ningthina khangba ngamgani.

21 Wa takthokpasingsi eina thaba natte, adubu makhoina khonglei thuna chatchabani, eina makhoida yathang ama phaoba thade adubu makhoina phongdokli wadu.

22 Makhoina eigi loishangda leiphrabadi, eigi wasingdu eigi mishingda laothokpisanu, mamai leihansanu makhoibu phattaba thabak kaya touribadudagi.

23 Eihak khutna lamba phangba laidura? Kanagumba aronba maphamda lotpa matamda eina mahakpu uba phangdabra?

24 Nongmadon amadi malemsi eihak sinba thungna ngamdrabra? Masimak Eshorna takpiriba wani.

25 Wa takthokpasingna hairiba wasingdu eihak tare. Minamba ngangba wa takthokpasingduna hairi, "eihak mang ama mangi." 26 Minamba wa ngangliba wa takthokpasingdugi thamoida matam kaya kuina minamba wa ngangge haina ningkhigadage. Makhoina namthak touraba makhoigi thamoigi wasingdu phongdokli. 27 Makhoina amana amada linariba mangsingdu taraga eigi imingbu makhoigi mapa mapuna Baalgi mamingda kaokhibagum eigi iming kaogani ningli.

28 Wa takthokpa kanagumbana mang manglabadi mangdu lisanu. Mahakna eigi yathang phangle haina sakhi pirabadi madu aranba yaohandana phongdoksanu. Eshorna takpiri, "Machangda phou-hamna kari tounagani?" 29 Eshor-na takpiri, "Eigi waheisingsi khambi meigi matougumna meiri houdabara? Eigi wasingdu ching phakliba nungthanggi matougumdra?" 30 Eshorna hairi, "Eigi wasingdu amana amadagi taraga wa phongdokliba wa takthokpasingdugi mayokta eigi pukningsi leire. 31 Eshor-na masimak takpiribani haina lanna wa ngangliba wa takthokpasingdugi mayokta eihak lepli. Masimak Eshor-na takpiriba waphamni. 32 Aranba mang liriba wa takthokpasingdugi mayokta eihak lei. Eina makhoida chatlu haina yathang pidrabasu makhoina chattuna mang liduna eigi mishingbu lanna minam-duna lamjinglibasingdugi mayokta eihak lepkani haina Eshorna phongdokpiri. Eshorna takpiri maram-sina makhoina mishingbu mamai olhanba ngamde. "

Eshorna potlum puba

33 Mishing sigi mataktagi kanagumba natraga wa takthokpa amana natraga purohit amana nangonda Eshorgi makadagi lakkadouriba awa potlumdu karino? Haina hangba matamdu nahakna makhoida haigadabani, "Potlum-du nakhoini." Maramsina Eshorna takpiri, "Nakhoibu eina yeithu-gani.' 34 Eshorgi potlum haina kanagumba wa takthokpa natraga purohit natraga mishinggi maraktagi amana hairabadi masibu hairiba nupadu eina mahakki mayum phaoba muthan-gani. 35 Nakhoigi narakta amana amada wa hainaba matamda sijinnagadaba waheidi' "Eshorna kari khumbikhrabage? Natraga Eshor-na kei haibikhrabage?" Hairibasini. 36 Eshorgi potplum haiba waheisidi nakhoina panba yaroi. Potlum haiba waheisigi mi khudinggi mapukthok marousinggi wani. Nakhoina eikhoigi Mapu Ibungo nongthak nongkha anigi Eshor sinaidaba mapugi wasingdu khonggaonabani. 37 Adumna nahakna wa takthokpasingduda haigadabani, "Eshorna nakhoida kari paokhum pibirakpage? Natraga Eshor-na nakhoida kari haibiraklabage?" 38 Nakhoigi narakta kanagumbana Eshor-gi potlum haina panba yaorabadi Eshorna takpiri, "Eina nahakpu Eshor-gi potlum haiba waheidu haidanaba thakhrabasu hairabanina, ei isamakna nahakpu potlum ama pubagi matougumna puduna langthokkani. 39 Nakhoiga loinana nakhoigi napa napuda pikhiba saharsisu eigi imit mangdagi thapan langthokkani. 40 Kaoba leiraroidaba aduga kokpa leiraroidaba ikaiba amadi namai phiruk khumbadu eina nanghangani.