1 Corinthians 10
Israelsinggi warigi pandamdagi mit-na singhanba
10 Maramdi, ichin inaosa, nakhoina asi khangdaba eina pamde, madudi, eikhoigi ipa ipusing pumnamakna leichingi makhada leiduna samudra mayaida punmamak lanthokkhi, 2 Aduga pumnamakna leichin manungda amasung samudra manungda Mosesgida baptist loukhi, 3 Aduga makhoi pumnamakna thawaigi oiba mannaba achapot chaminnakhi, 4 Amasung makhoi pumnamakna thawaigi oiba mannaba ishing thakminnakhi; maramdi makhoigi matung illiba thawaigi oiba nungjaodagi makhoina thakminnarammi, aduga nungjao adudi Christa oirammi. 5 Adumakpu Ishorda makhoi ayambada penkhide, maramdi makhoibu lamjaoda inthukhi.
6 Aduga makhoina phattaba pambagum eikhoinadi pamdananaba waramsing asi eikhoigi damak pandam oire. 7 Aduga makhoi kharana lai murti latpasing oirambagum nakhoina oiganu; mishingna chana-thaknaba phamthare amasung sannanaba hougatle haina ikhibagumbani. 8 Aduga makhoi kharana marumbi thamduna, mi lishing kun humdoi nongmada sibagumna, eikhoina marumbi thamganusi. 9 Amasung makhoi kharana Prabhubu chang yengduna makhoibu linna manghankhibagum, eikhoina Prabhubu chang yengganusi. 10 Aduga makhoi kharana murum murum sonduna manghanba aduna manghanbagum, nakhoina murum murum son-ganu. 11 Pumnamak asi pandam oina makhoida thokle, adubu jug jugki aroiba thunglaba eikhoibu mit-na singnabagi damak ikhrabani.
12 Maram aduna lepli haina ningjaba mahak aduna taba yai haiduna cheksinjasanu.
13 Mioibana khangba ngamba adudagi henna athembana nakhoibu phadri, Touigumsung Ishordi thajaba yabani, nakhoina ngamjaba adudagi henna nakhoibu themnaba Ibungo mahakna yabiroi; adubu nakhoina khangba ngamnanaba athembaga loinana lanbinabasu Ibungo mahakna sembigani.
Lai murti latpadagi tonganna Leiba
14 Maram aduna, eigi achanbasa, lai murti latpadagi chenthok-u. 15 Eina asingba mishingda ngangbagumna ngangbani; eina haiba adu nakhoina khanbiyu. 16 Eikhoina bor piba borgi tenggot adu Christagi eegi saruk phangminnaba nattra? 17 Maramdi mayam oiba eikhoina tal ama, hakchang ama oi, maramdi eikhoi pumnamakna tal amagi saruk phangminnabani.
18 Hakchanggi matung inna Israelsingbu yengbiyu; iratpot-chabasing aduna latnapungga loinana saruk phangminnaba nattra? 19 Adunadi eina kari haibano? Lai murtida katluraba pot adu karigumba pot amani, nattraga laimurti adu karigumba pot amani haiduna eina haibra? 20 Adubu atoppa jatsingna katpa iratpot adu makhoina bhutsingda katpani, Ishordadi natte haibani; aduga nakhoina bhutsingga loinana saruk phangminnaba eina pamjade. 21 Nakhoina Prabhugi tenggottagi amasung bhutsinggi tenggottagi thakpa yade. Prabhugi mejdagi amasung bhutsinggi mejdagi saruk phangminnaba yade. 22 Nattraga eikhoina Prabhubu khambannaba langnasira? Eikhoina Ibungo mangondagi henna kanbra?
23 Pumnamak iya yabani, adubu pumnamak kannaba natte. Pumnamak iya yabani, adubu pumnamak semgathande. 24 Mi kana amatana marannaigi thidasanu, adubu mi ateigi thisanu. 25 Keithenda yolli yolliba pot adu achumaran khangnaba pukninggi damak wahang hangdaduna chao; 26 Maramdi prithibi amasung madugi manungda leiri leiriba pumnamak Prabhugini.
27 Thajadabasinggi marakta kanagumbana nakhoibu chakkhangbada kourabadi aduga nakhoina chatpa pamlabadi, achumaran khangnaba pukninggidamak wahang hangdaduna nakhoigi namangda khinbi khinbiba adu chao. 28 Adubu kanagumbana nakhoida asi lai murtida katpa potni hairabadi, madu utpiba mahakki maramna amasung achum-aran khangnaba pukninggi maramna chaganu; 29 Achum-aran khangnaba pukning, eina haiba adu, nahakmakki natte, atei adugini; maramdi atei amagi achum-aran khangnaba pukningna eigi iningtambabu karigi wayelbage? 30 Eina thagatpaga loinana saruk phangjarabadi, eina thagatpa piba adugi maramgi damak eibu karigi phattaba ngangbano? 31 Maram aduna nakhoina chaba oirabasu, thakpa oirabasu, karigumba touba oirabasu, pumnamak Ishorgi matik mangalgi damak tou. 32 Jewssingbu, Greeksingbu, amasung Ishorgi singluppu khudi thihanganu; 33 Makhoibu kanbinanaba, eigi irannai kannaba thidaduna mayamgi thiduna, maram pumnamakta mi pumnamakpu einasu asumna pelhanbamakni.