1 Thessalonians 1
Thessaloniansingda Paulna eba ahaanba laairik
Khurumjaba amasung Eesor-bu thaagatpa
1 Paul, Silbhana amasung Timothyna epa Eesor-da amasung ebungngo Jesus Christada leiba Thessalonicagi seenglupta: thoujaal amasung engthaba nakhoyda leibisanu.
2 eikhoygi haayja haayjabada nakhoygi maramda ningsingjaduna, eikhoyna nakhoy pumnamakki damak matam leiba khibikta Eesor-bu thaagatchei; 3 nakhoygi thaajabagi thabak, nungsibagi nomba, amasung eikhoygi epa Eesor-gi maangda eikhoygi ebungngo Jesus Christagi maramda tarang tarang khngba ningbagi khngba eikhoyna eetat-tattana ningsingjei.
4 Eesor-na chanba echin-enaaosa, nakhoybu khan-gatpa adu eikhoyna khang-e, 5 haaybadi eikhoyna tambiba aphaba waapaao adu nakhoyda waahei ngaakta laakpa natte, adubu Paanggalga, thawaay asengbaga, amasung aoiba khngbaga loynanaa laakpani; nakhoygi damak eikhoy karamba mino haayba esaana utchaba adu nakhoynasu khang-e. 6 Amasung nakhoyna thawaay asengbagi haraaobaga loynanaa awaa-anaang ayaambagi marakta waa adu phangduna, eikhoygi amasung Eesor-gi matou loubasing oirakle;
7 aduna nakhoyna Macedonia amasung Akhayada leiba thaajaba pumnamakta paandam oirakle. 8 maramdi Macedoniada amasung Akhayadata nakhoydagi Eesor-gi waa adu ninthokpa natte, adubu Eesor romda nakhoygi thaajaba adu mapham khudingda esin sinkhre; aduna eikhoyna karigumba ngaangnabagi kaannaba leite. 9 maramdi eikhoygi maramda, haaybadi eikhoyna nakhoyda matou karamna changkhibano, adugaa nakhoyna ahingba amasung achumba Eesor-bu khanjananaba, adugaa laakkadaba asaaobadagi kanbiba Jesus, 10 Eesor-na asiba-singgi maraktagi hinggatpiraba machaa nupaa adubu swargadagi ngainanaba, laai murtidagi karamna Eesor-da ollakpano haayba makhoy masaana paao tammi.
1 Thessalonians 2
Paulna maagi saandokpagi thabak kankhatchaba
2 maramdi, echin-enaaosa, eikhoyna nakhoyda changkhiba adu nakhoy nasaana khang-e, haaybadi, maadu aremba oiramde; 2 adubu mamaangeida Philippida awa khaangduna, tachop tachopna laknaba phanglabasu, nakhoyna khngbagumna, eikhoyna yaamna soknabada Eesor-gi aphaba waapaao adu nakhoyda ngaangnaba eikhoygi Eesor-gi mapaanna eikhoyna thouna pharakle. 3 maramdi eikhoygi thoujinba adu araanbadagi, sengdabadagi, nattraga chumdabada natte; 4 touegumsung Eesor-na aphaba waapaao sinnanaba eikhoybu yaabirabagumna, eikhoyna misingbu pelhandaduna, eikhoygi pukningbu chaang yengbiba Eesor-bu pelhanduna asumna ngaangbani.
5 maramdi nakhoyna khngbagumna, eikhoyna thaagatsinnabagi wa, nattraga karambagi tousinnaba keidoungeidasu sijinnade Eesor-na sakhini; 6 adugaa eikhoyna Christagi paakhon chatpasinggum matik leirabasu, misingdagi oirabasu, atei ateisingdagi oirabasu thagitpa thide. 7 touegumsung mamaana mahaak-makki machaasingbu pijapithakpagumna, eikhoyna nakhoygi narakta pukningthotpa oirakle. 8 nakhoybu asup nungsina pamjaduna, eikhoyna nakhoyda Eesor-gi aphaba waapaaota nattana, eikhoymakki ethawaaisu piba pamjabani, maramdi nakhoydi eikhoygi yaamna achaanba oirakle.
9 maramdi echin-enaaosa, nakhoyna eikhoygi nomba amasung awa khngba ningsingi; eikhoyna nakhoy kanaagumbabu arumba puhandananaba, ahing nungthil thabak suduna, eikhoyna Eesor-gi waapaao nakhoyda saandokchaare. 10 eikhoyna nakhoy thaajaba singlomba karamna sengna, dharmachenna amasung ayol aran leitaana chatchaba nakhoynasu Eesor-nasu sakhini, 11 nakhoyna khngbagumbani, haaybadi, Eesor-na nakhoybu ebungngo mahaakki leibaakta amasung matik mangaanda koubibagi matik chaana nakhoyna chatnanaba, 12 eikhoyna nakhoybu thoujinduna, thougattuna amasung saakhi piduna machaasingbu toubibaumna eikhoyna nakhoy khudingbu toubire.
Thessaloniansingbu ot-neiba amasung Paulna makhoybu nungsiba
13 Amasung maram asigi damak eikhoynasu tokpa leitaana Eesor-bu thaagatchei, haaybadi, nakhoyna eikhoydagi takhiba Eesor-gi waa adu phanglabada, haayba nattaduna, nakhoy thaajaba singgi manungda thabaksu toubiriba Eesor-gi waani haayba nakhoyna yaajare maadu aoibamk Eesor-gi waani. 14 maramdi nakhoy, echin-enaaosa, Judeada leiriba, Jesus Christada leiba Eesor-gi seenglupsing adugi matou loubasing oirakle; maramdi makhoyna Jews-singgi awa khangkhibagumna, nakhoynasu maaduga maannana nakhoygi nareibakki misingdagi awa khangle.
15 Jews-sing aduna ebungngo Jesus-busu Eesor-gi waa taakthokpa singbusu haatle, eikhoybu taanthokle, Eesor-bu pelhande, amasung mi pumnamakpu onnateinahalli; 16 atoppa Jaatsingbu kanbinanaba waa ngaangba makhoyna khammi; aduna makhoygi paapki chaang matam leiba khibikta thal-hanbani; adubu asaaoba adu makhoygi mathakta makheimak phangna thungle.
17 touegumsung, echin-enaaosa, thmoida nattana, hakchaangda matam kharagi damak eikhoyna nakhoyga khaainaraduna, yaamna paambaga loynanaa nakhoygi maay unanaba thoidok hendokna hotnajare. 18 maramdi eikhoyna, thoidokpadi Paul eina, haanna hanna nakhoy taanna lakchanaba pamjarammi; adugaa seitaanna eikhoybu pelhalle. 19 maramdi eikhoygi ebungngo Jesus lenglak-pada ebungngo-gi maangda eikhoygi tarang tarang khangna ningba, haraaoba nattraga chaaothok chaabagi kokthon karino? nakhoymak nattra? 20 maramdi nakhoydi chaaothokchapham amasung hariopharn oibani.