Exodus 1
Egyptta Israel Machasingna awaba khangba
1 Jacobka loinana magi imung manung puduna Egyptta lakkhiba Israelgi mishinggi maming:
2 Ruben, Simeon, Levi amadi Judah, 3 Issachar, Zebulun, Benjamin, 4 Dan, Naphtali, Gad amadi Asher. 5 Jacobki imung manunggi mishingdu loina tharaga humphutara surammi. Josephti hanna Egyptta leiramlabani 6 Matam khara leiraga Joseph amadi mahakki machin manaosing loina nonggarammi. 7 Adubu Israelgi mishingdu lemna manglamde. Maramsina makhoi mashing yamlaklammi. Nongma nongmagi mashing asum yamlakpana makhoi mapanggal leiraba mi kanglup ama oira klammi. Matou asumna makhoina leiriba leibaktuda sinbathungna sandokkhirammi.
8 Matamduda Josephpu masak khangdaba anouba ningthou ama phambal tonglammi. 9 Ningthouduna prajasingda hairammi, "yengu, Israelgi mishingsi mashing yamlakle. Maramsina makhoina eikhoigi khudong thinaba mishing oirakpa yai. 10 Maramsina makhoibu thina toudaba yade. Nattrabadi makhoi mashing asum yamkhalaktuna atoppa mina landarakpada makhoina eikhoigi yeknabasinggi mayokta lepkhrabadi makhoisu yaona eikhoigi ithakta landarakkani. Tanja phanglaba matamda makhoi nanthoktuna chenkhiba yai." 11 Maramsina makhoina Israelgi mishinggi mathakta yengsinnaba mi thamduna makhoibu akanba amadi arumba thabak namduna suhanlammi. Makhoina Pharaohgidamak pukei langei oinaba Pithom amadi Rameses kouba sahar ani sagatlammi. 12 Adum oinamak Israel machasinggi mathakta otpa neiba hen-gatlaga mashing thoina yamkhatlammi. Thoidokna pak chaona sandokpa hourammi. Maramsina Egyptki mishingna Israelsingbu kirammi. 13 Maramsidagi makhoina Israelsingbu yamna akanba amadi arumba thabak yamna suhanlammi.14 Chek amadi leibakki thabaknachingba pumnamak makhoibu touhanlammi. Makhoina touba yaba loubukki thabaksingsu makhoida touhankhi. Makhoina touruba thabak khuidimak awaba khangdaba leiramde.
15 Shiphrah amadi Puah koubi Hebrew jatki mayoknabi nupi anisida Egyptki ningthouna hairammi, 16 "Nakhoi anina Hebrew jatki nupisingna macha pokpa matamda mayoknabi oinaba chatpada, angang nupa poklabadi, nakhoina angangdubu hatkadabani. Pokliba angangduna nupi oirabadi leijasanu." 17 Mayoknabisingduna Mapu Ibungobu kirammi maramsina makhoina Egpytki ningthouna haiba yathangdu illamde. Maramsina makhoina angang nupasingdu hatlamde. 18 Masida Egyptki ningthouna mayoknabisingdu kouraga hairammi, "nakhoina angang nupasingdu hattriba karigino?" 19 Mayoknabisingduna pharaohda haijarammi. "Hebrew nupisingdi Egyptki nupisinggumna toude. Makhoi mathouna yamna leibi nupisingni. Maramsina mayoknabi laktringeida angang hanna poklamle." 20 Asumna Mapu Ibungona mayoknabisingbu loinabiduna nongma nongmagi mishing yamkhatlakkhi. 21 Mayoknabisingna Mapu Ibungobu kina chatchaba maramna makhoigi imung manung mara tapna palhankhi. 22 Matamsida Pharaohna mahakki prajasingda yathang ama toukhi. Madudi asini: Hebrew kouba jatki imungda pokpa angang nupasingdu Nile turelda thadagadabani. Nupisingdudi hatkanu."