Joshua 14
Jordangi nongchupta leiriba Lamshing yenthokpa
1 Purohit Eleazar, Nun-gi machaanupa Joshua amadi Israelgi yumburen-shingna Israelgi mishingda chaakthung oinaa Canaanda pikhiba Lamshing.
2 Eeshorna jaat mapaan tangkhay amagidi maraibak changyenghallaga lam yennabigadabani haaybikhiba matung ennaa chattharammi.
3 Manassehna leiringeida jaat aniga tangkhay amagidi Jordan waangmada chaakthung phangkhrabani. Adubu makhoygi marakta leikhiba Levishinggidi chaakthung pikhide.
4 Josephki kaangluptagi Manasseh amadi Ephraim thokkhi. Adubu Lamsida leiba Levishingda chaakthung oinaa lamdi pikhide. Levishingna leinaba lam aduga shaa-san chaanaba sanjabung nattana sharuk thungkhide.
5 Eeshorna Mosesda yaathang pikhiba matung ennaa Israelgi mishingna lam yennakhi.
Calebta Hebron piba
6 Matamduda Joshuagi manaakta Gilgal taanna Judahgi mishing laakkhi. Makhoygi maraktagi Kenizzi shaageigi Jepunnehgi machaanupa Calebna maangonda haayrammi, "Eeshorgi manaai Mosesda Eeshorna nahaak amadi eigagi maramda haaybikhiba waashingdu ningshingbiramgani. 7 Eeshorgi manaai Mosesna lonna lammit tumit yenglunaba Kades Barneadagi thaaba matamda eihaak chahi niphu shurammi. Eina khanglakpa waa pumnamak mahaakki maphamda laaklaga tamjakhi.
8 Eigaa loynanaa chatkhiba echin-enaaoshingduna mishinggi mapukning langhankhi. Adubu eidi epuroi Eeshorbu chetna konjakhi.
9 Numituda Mosesna waashaktuna haaybikhi, "ashengbamak, nahaakna ngasi chatluriba lamdu nahaakki chaakthung oigani. Lamdu nachaashinggi haaktaktasu makhoygi oigani maramdi epuroi Eeshorbu nahaakna chetna ningjei."
10 Maramsina yeng-u, Eeshorna taakpikhiba matung ennaa eihaak ngasi phaaoba hingli. Eeshorna Mosesda waasi haaykhiba numittudagidi chahi niphumanga shure. Maasidi Israelgi mina lamhaangda koyna chatlingeigi waani. Ngasidi eihaak chahi 85 shure.
11 Mosesna eibu thaaba matamda leikhiba epaanggaldu ngasi phaaoba handri. Laanchatpa ngamkhigani. Aduga lam yaamna thappa mapham phaaoba chatluraga hallakpa ngamkhigani.
12 Maramsina houjikti haayriba chinggi lamsi eigi chaakthung oihanbiro. Masigi matangda Eeshornasu yaabirabani. Anakim kouba hingchabashingduna achouba saaharshingdu chekpan khajillaga lei haayjakhibadusu taabire. Eeshorna eibu thoujaanbigani haayna ningjei. Maramsina eina makhoybu taanthokpa ngamgani ning-e.
13 Maasi taabada Joshuana Calebpu bor pibirammi. Jepunnehgi machaanupa Calebta Hebron kouba lamdu chaakthung oinaa pibikhi.
14 Ngasi phaaoba Hebron haayriba lamsi Kenizzi shaageigi Jepunnehgi machaanupa Calebki lam oinaa leiri. Caleb Israelgi Eeshorbu chetna konjarammi,
15 Haayriba Hebron kouba lamsi ahaanbadadi Arbagi saahar kourammi, Anakimgi marakta Arabana eechaao chaaorammi. Maramsina kanaanasu maphamsida laandaba ngamlamde.