2 Samuel 12
Nathanggi waapaao amadi Davidna maraal haaydokpa
12 Eesor-na maichou Nathanbu Davidki manaakta chatnanaba yaathang tourammi. Mahaakna laaklaga Davidta haayrammi, "sahar amagi manungda nupaa ani leirammi. Anidugi manungda amadi yaamna lairarammi adugaa atoppa amaduna yaamna enaak khullammi. 2 Enaak khunba nupaadugi yaao amadi sannachingba sanggu oinaa leirammi, 3 adubu laairaba nupaadugidi apikpa yaao amom machaa amaa nattana karisu leijaramde. Madusu mahaakna leijarubani. maadu yokkhatcharaduna nupaaduna pokchaba machaasingga loynanaa chaaora klammi. nupaaduna chagadouba chinjaaktagi khara magidamak khaaidoktuna pijarammi. eesing phaaoba mahaakna thakliba patrada pitha klammi, karigumbada matambakta paambirammi. Yaodu machaanupigumna nungsirammi. 4 Nongmagi numitta lamkoiba nupaa amaa enaak khunba nupaa adugi mayumda thunglammi adubu mahaakki yaogi maraktagi amaa phaaduna atithigi seba touninglamde. maadugi mahutta laairaba nupaadugi yaodu phaaduna thonglaga atithidugi seba toukhi.
5 waarisi taabada Davidna enaak khunba nupaadubu yaamna saaorammi amasung haayrak-e, "sinaidaba Eesor-gi minglen panduna eina waasaklibasini maadudi adugumba enaak khunba nupaadu angaang olhanbibana matik chaay. 6 asigumba yaamna tamthiraba thabaksi toukhibagi dandi oinaa mahaakna saruk mari hen-gatna pibipham thok-e."
7 Nathanna Davidta haayrammi, "adugumba enaak khunba nupaadu nahaakni." Israelgi mapu ebungngo Eesor-na haayriba waasi taro: "Eina nahaakpu Israelgi ningthou oihanbire adugaa Saulgi makhuttagi nahaakpu eina kanbikhi. 8 mahaakki leibaak amadi mahaakna louramba nupi phaaoba nahaakki oihanbire. Israel amadi Judah-gi lam pumnamak nahaakki oihanbire. Karigumba masinasu apenba leitrabadi Eina saruk ani amaaga hen-gatna piba ngamgani. 9 adu oirabadi karigidamak nahaakna eigi yaathang endribano? Nahaakna karigidamak phattaba thabak touribano? Nahaakna Uriahbu laanphamda hathankhi. Nahaakna sinduna Amonisingna mahaakpu haatkhibani. mahaak siraba matungda mahaakki nupidu nahaakna lousil-le. 10 Tungda laakkadouba nahaakki chaaron-suronsingda Jug Jug khudingda tamthina siba mising yaaoba oisanu maramdi nahaakna eigi yaathang ende adugaa ahoinadum Uriahgi nupidu nahaakki nupi oinaa lousilli. 11 Eina waasaklibasini nahaakki emung manungdagi kanaagumba amagi makhuttagi nahaak khudong thiba phanghan-gani. Thoudoksi chummi nattraga chumde haaybadu nahaakki nupi-singdu atoppa misingda pithokpa matamda soydana khanggani. Adugumba nupaasingduna nupi-singduga nungthin pobopta phamdinnagani. 12 Nahaakna tuminna mi khanghandaba ayon araan toure adubu Israelda leiriba mi khudingna maasi khangnabagi damak nungthinda asigumba thoudoksi thok-han-gani."
13 Davidna haayrammi, "Eesor-gi mayokta eina ayon araan toukhre." Nathanna haayrammi "Eesor-na nahaakpu ngaakpire maramsina nahaak sibadi siroi. 14 adubu asigumba thabaksi touduna Eesor-gi thamoida tukkachaba phaaorabanina pokliba angaangsi soydana sigani." 15 maasi haairamlaga Nathan chatkhre.
Davidki machaa-nupaa siba
Uriahgi nupina Davidta pokpaa machaa-nupaadu Eesor-na yaamna kanna nahankhi. 16 Eesor-gi khuyaakhaada angaangdu pharaknaba haayduna Davidna yaamna kanna haayjarammi. Mahaakna angaangdu naringeida karisu chaakhide. ahing khudinggi angaangna naduna leiriba kaduda leimaayda tumduna lenkhi. 17 Loisanggi phamnaaiba-singna onthoina awaaba khangliba Davidki manaakta laaktuna mahaakpu hougatnnaba haayjaba matamda yaakhide amasung mahaakna makhoyga loynanaa karigumba amatta chathakkhide. 18 Chayon amagi matungda angaangdu sikhirammi. Davidki phamnaaiba-singdu asibagi paaodu phongdokpa kinnarammi. makhoyna khallammi. angaangsina Hinglingeida eikhoyna waa ngaangba matamda Davidna karisu khumkhide. adu oirabadi angaangsi sire haayduna mahaakki maphamda eikhoyna karamna haigadouribano?" paaosi hek taabada karino amadi soydana thokkani."
19 makhoyna tumin tuminna amanaa amada waa haaynabadu ubada Davidna angaangdu sire haayba khangkhi. maramsina mahaakna makhoyda hanglammi.
"Angaangdu sirabra?" makhoyna khumkhi, "hoi, angaangdu sire."
20 Davidna masigi matungda leimaayda hiptuna leirambadagi hougatladuna erujathoklammi. Masam manaa phajanaa hatloklaga maphi-maron hongdo klammi. Masigi matungda mahaakna Eesor-gi ningna sangda changduna khurumjakhi. Mahaakna konungda hallakpa matamda chaak thinnaba yaathang toukhi adugaa makhoyna chaak hek thangdorakpaga mahaakna chaak chaakhi. 21 Phamnaaiba-singna Davidta asumna haaykhi, "angaangduna hinglingeida eningthouna mahaak-kidamak kapkhi amasung karisu chaakhide. adubu mahaakna siraba matungda leimaaydagi hougatlaga chaak charibasigi maramsi nanaai eikhoyna khngbada thoidokna waare."
22 Davidna makhoyda paaoukhumlak-e, "chummi, angaangduna hinglingei eihaak chara henkhi adugaa kapkhi. Eesor-na eibu nungsibiduna angaangdu sihalloi ningkhi. 23 adubu houjikti angaangdu sire maramsina eina karigidamak chara helluragani.? Eina angaangdubu amuk hinghanba ngamgadra? Eisu mahaakka chatkhiba maphamduda nongmadi chatkadouribani adubu mahaakti eigi enaakta laakpa ngamloi.
Solomon pokpa
24 Davidna masigi matungda mahaakki nupi Bathsebabu themjillammi amasung phamdinnarammi. adugaa Davidna Solomon kouba angaang amaa poklammi. Eesor-na angaangdubu nungsirammi. 25 Eesor-na maichou Nathanbu thaaduna angaangdugi maming Jedidiah thonkhi maramdi Eesor-na mahaakpu yaamna nungsirammi.
Davidna Rabbah laksinba
(1 miron 20:1-3)
26 Matamsida Joabna Amonsinggi konung oiriba Rabbahda laandarammi adugaa laksingadouba khajikta ngaairammi. 27 Matamsida paaochatpa nupaa amaa Joabna Davidta thaakhirammi amasung asumna haayhallammi, "eina Rabbah laaksille adugaa makhoygi eesing phanghandaba ngamlagani. 28 houjik leihouriba laanmisingdu puduna saharsida laandanaba sem sabiyu adugaa maaythiba pibiyu maramdi saharsibu laksinbagi manaadu eina louba pamyaade." 29 maramsina Davidna leihouriba laanmisingdu puduna Rabbahda laandakhi adugaa maasibu laksinkhi. 30 Amonisinggi laai Milcomgi makokta upliba kilo kunthraamanga lumba luhup amaa Davidna loukhi. Masigi manungda mukta amaa yaorammi. Muktadu Davidki luhupta hapkhi. sahardudagi manaa mathum kayaamarumsu Davidna phangkhi. 31 saharduda leiramba misingdu minaai oinaa horai khaayba, yotki chei, singjang, amadi chek saabanachingba thabak kayaamarumda sijinnarammi. Asigumna Davidna Amonsinggi atei saharsingdasu toukhi. Matungda David amadi laanmising loina Jerusalemda hallakkhi.