Deuteronomy 10
Mosesna yaathangshingdu Amukka phangba
(Khong 34:1-10)
1 Adudagidi Eeshorna asumna eingonda haayrammi, "ahanbagi adugumna nungpak ani amaaga shemlo. Haayribashingdu haapnaba una upu amaaga shaaro. Chingduda eigi enaakta laaklo,
2 Amasung nahaakna thugaaykhiba nungpakshingduda Eina ekhibaduga chap maannana ebigani. Asumna touraba matungda nahaakna upududa hapkadabani."
3 "maramsina eina chinggonglei paambidagi upak shemduna shaaba upu amaa shaaraga nungpak ani kaktuna shemlaga ahaanbagi adugumna chingdonda haayribashingsi puraga kakhatlammi.
4 Eeshorna ahaanba nungpakta ekhibadugumna handakki nungpaksidasu chap maannana waaheishingdu ebirammi. Chingda nakhoyna mitin amaa shemduna unakhiba numitta meigi shaaktam louduna Eeshorna phongdokpikhiba yaathang taradu haayribasini. Eeshorna nungpakshingdu eingonda pibirammi.
5 Maramsina eina chingkhada kumtharammi. Eeshorna taakpikhiba matung ennaa eina upudugi manungda hapchillaga thamkhibadu ngasi phaaoba leiribaduni."
6 (Israelgi mishingna Jaakhangi guhashing leiribadudagi khongshaankhirammi. Makhoyna maphamdudagi Moserahda chatlammi. Maphamduda Aaron Nonggaraduna phumkhirammi. Mahaakki machaanupa Eleazarna mahaakki mahut puba purohit oikhi.
7 Maphamdudagi makhoyna Gudgodah amadi eeshing maraang kaina phangba mapham Jotbathahda chatlammi.
8 Chingduda leiringeida Eeshorna Levigi shaageida pokpaa nupaashingbu areppa waashakki upudu shennaba khandoklammi. Ebungngogi maphamda purohit oinaa seba changnnaba, amadi ebungngogi minglen louduna mishingda bor pinabinaba pang galasu pibirammi. Houjiksu haayribashingsi makhoygi mathou oiribani.
9 Maramsidagini Levi shaageina atoppa shaageigi matougumna lam chaakthung phangdribasi. Nakhoygi napuroi Eeshorna waashakpikhiba matung ennaa makhoygi haaybabu Eeshorgi purohit oijabagi khudong chaaba phangbaduni.)
10 "Chingduda eina ahing nungthin niphuni haanna lenkhibadumakna lenkhi. Eeshorna eina haayjabadu yaabiraduna nakhoybu manghankhidabani.
11 Nakhoygi napaa napushingda pibigani haayna waashakkhiba leibaaktu nakhoygi oijanaba Eeshorna eibu lamjingnabagidamak taakpikhi.
Eeshorna eikhoydagi kari paambage
12 "houjikti maramsina Israelgi misa, nakhoygi napuroi Eeshorna nakhoygi naphamdagi kari paambage haaybadu taro: Eeshorbu khurumjou aduga ebungngo mahaakna tou haobaduda toujou. Nathamoi lupna ebungngo mahaakpu nungshijou aduga mahaakki seba toujou.
13 Ebungngogi waayendu ennaa chatchou. Nakhoygi kannanaba haayduna waayel yaathangshingdu nakhoyda ngasi pinabirabani.
14 Khwaaidagi waanglaba nongmadondu Eeshordugini, maalemsisu ebungngo mahaakkini. Aduga maasida leiriba pot khudingmak ebungngo mahaakkini.
15 Adubu Eeshorna nakhoygi napaa napushingbu asukki matik nungshirammi madudi makhoyna nakhoytabu atei mishingbu khandaduna mahaakki oinaa khankhrabani. Maramsina nakhoy houjiksu ebungngogi khandokkhraba mishing oiribani.
16 Maramsina houjikti Eeshorna haayba ellu aduga nangak ngakchao thekpadu toklo.
17 Laaishing amadi shakti haayna leiriba pumnamakki mathakta nakhoygi napuroi Eeshorna chaaoribani. Ebungngo mahaakti matik chaaoi amasung mapaanggal leibani. Maramsina ebungngobu kina chatchagadabani. Ebungngo mahaakti michang mikhaai naide aduga senja thumja yaade.
18 Mapaa mamaa leitba amadi mapuroiba leitrabashingdubu ningthina toubiribra haaybasi yengsilli. Ebungngo mahaakna eikhoygi erakta leiriba lamlaanba mishingbu lunaa toubi maramsina makhoyda chaanaba chinjaak amadi shetnaba phinachingba pinabi.
19 Lamlaanbashingduda nungshiba utpiyu maramdi nakhoysu matam amada Egypt kouba leibaaktuda lamlaanba oinaa leirambani.
20 Nakhoygi napuroi Eeshorna haayba ellu amasung ebungngo mahaaktabu khurumjou. Ebungngo mahaakki maphamda thamoi shengdokchou aduga ebungngogi minglen panduna waashak lougadabani.
21 Ebungngo mahaakpu thaagatlu maramdi ebungngo mahaakti nakhoygi mapu oiribadu. Nakhoygi damak ebungngo mahaakna toukhiba achouba amadi angakpa thabakshingdu nakhoygi namitmakna ukhrabani.
22 Nakhoygi napaa napushingna Egyptta chatkhiba matamduda makhoy Supan-gi 70 Khakta oirammi. Adubu houjikti nakhoygi napuroi Eeshorna nakhoybu nongmadonda leiriba thawaan-michakki matougumna mashing yaamhalle.