Psalm 75

Mapu Ibungona wayel Mapuduni

75 Hey Mapu Ibungo, nanaina eikhoina Ibungobu thagatchari, Ibungobu nanai eikhoina punemjari. Ibungogi natik nagun kaya chaoba eikhoina phongdokchari, Ibungona toubikhiba angakpasingdusu lijagani.

2   Mapu Ibungona takpiri, "wayelnaba matam ama eina leple, matamduda eina michang mikhai naidana wayelgani."

3   Lengli pallibasingna kiduna niklabasu, malemsi niklabasu, eina masigi lepphamdubu lengdana thamgani.

4   Phattabasingda tamthiganu haigani,

5   Makhoigi napaldu thadoknaba yathang tougani."

6   Wayeldu nongpok nattraga nongchuptagi lakpa natte, awang nattraga khadagi lakkadabasu natte.

7   Wayel Mapudu Mapu Ibungoni, kharabu thadokkani aduga kharana awapham tagani.

8   Lainingthou Ibungogi khutta tenggot ama leiri, maduda Ibungogi asaoba meirigi yu yaori, Ibungona madubu heidokpa matamda phattabasingna thak-i, makhoina irik ama phaoba khaktana thakchari.

9   Jacobki Mapu Ibungogi matiktu leptana sonjagani, Ibungo mahakki matik magun sonba toklaroi,

10 Ibungo mahakna phattabasinggi mapanggal hanthahangani aduga achumbagi mapanggaldu hengathan-gani.