John 5
Bethesda kouba pukhrida masha shonba mi amabu phahanbiba
1 Asigi matungda Jewish-shinggi chaakkhaangba amaa thokpada, Jesusna Jerusalemda chatkhi.
2 Saharduda leiba yaaogi gate manaakta, Hebrew londa Bethesda kouba, shiri mangaa leiba pukhri amaa leirammi.
3 Shiri mangaa asida anaba, mittaangba, khongtekpa amasung nakan nama sithaba miyaam hiplammi. (Makhoyna eeshing lengba ngaaiduna leirammi).
4 Maramdi kari karigumba matamda pukhri aduda swargadut amanaa kumlaaktuna eeshing adu lenghalli, eeshing adu lenghanlabagi matungda kanaagumba amanaa ehaan haanna eeshing aduda kumthaarabadi, mahaakki laaina leithung pumnamak koknanabani.
5 Aduga chahi 38 shunaa masha shonba kanaagumba mi amaa maphamduda leirammi.
6 Mi aduna hiptuna leibadu Jesusna uraduna, amasung mahakki anaabadu matam kuikhre haayba khaangduna, maangonda haay, nang phajarage ningbra?
7 Anaaba mi aduna ebungngoda khumjei, ebungngo, eeshingsi lenghanba matamda eibu pukhrida puthabinanaba eigi mi leijade, touegumsung eina kumthage touringeida attopa mi amanaa eingondagi haanna kumthakhi.
8 Jesusna maangonda haay, hougatlo, nanggi hipnapham loukhattuna chatlo.
9 Aduga khudak adumaktada mi aduna pumpha phaaraduna maagi hipnapham loukhatlaga chatlammi, numittu potthaaba numit oirammi.
10 Maram aduna anaaba phakhiba mi aduda Jewishki luchingbasingna haaykhi, potthaaba numitni, aduga nangna nanggi hipnapham loukhatpa waayel kaay.
11 Touegumsung mahaakna makhoyda khumlak-e, eibu phahanbiba mahaak aduna eingonda haay, nanggi hipnapham loukhattuna chatlo.
12 Makhoyna maangonda hang-e, nangonda nanggi hipnapham lokhattuna chatlo haayba mi adu kanaano?
13 Adubu anaaba phakhiba aduna midu kanaano khanglamde, maramdi mapham aduda miyaam leibana Jesusna litthokhlamle.
14 Adugi matungda Jesusna mahaakpu ningnashangda phangduna maangonda haay, yeng-u, nahaak phaare, henna phattaba nathakta taadananaba amuk paap touraganu.
15 Mi aduna chatkhiduna, mahaakpu phahanbiba adu Jesusni haayna Jewishgi luchingbasingda tamle.
16 Maram asigidamak Jewishki luchingbashingna Jesusbu ot-neiba houre, aduga mahaakpu haatnaba lambi amaa thirammi, maramdi ebungngona thabak asi potthaaba numitta tourammi.
17 Touegumsung Jesusna makhoyda khumle, eigi epaana houjik phaaoba thabak touwi, einasu touwi.
18 Maram aduna Jewishki luchingbashingna maramsigidamak ebungngobu haatna-naba henna thirammi, maramdi ebungngona potthaaba numitpu kaihanbata natte, touigumbabsung Eeshorbu mahaakmakki mapaa kouduna ebungngo mashaamak Eeshorga mannahallammi.
Jesusna epa ebungngotada ngajabagi maramda tambiba
19 Maram aduna Jesusna makhoyda haaykhi, eina nakhoyda thaanggei shengnamak haayribani, mapaana touri touriba adu toubaa nattanadi machaa nupaa aduna masha mathanta karisu touba ngamde, maramdi mapaana touri touriba adu machaa nupaa adunasu maaduga chap maannana touribani.
20 Maramdi mapaana machaa-nupaabu nungshi amasung ebungngo mahaak mashaana touba thabak pumnamak maangonda uhalli, aduga nakhoyna ngaaknaba, asidagi henna chaaoba thabakshing maangonda utpigani.
21 Maramdi mapaana ashibashingbu hougat-handuna hinghanba adugumduna machaa nupaa adunasu mahaakna hinghanningba makhoy adubu hinghalli.
22 Maramdi mapaana kaannabasu waayelde, touegumsung pumnamakna mapaabu ekaai-khumnabagumna, machaa nupaa adubu ekaai-khumnanaba ebungngo mahaakna waayelba pumnamak machaa nupaa aduda pikhre.
23 Maasi pumnamakna mapaa adubu ekaai-khumnabagum, machaa nupaa adubu ekaai-khumnanabani, machaa nupaa adubu ekaai-khumnadaba mahaak aduna machaa nupaa adubu thaarakpa mapaabusu ekaai-khumnade.
24 Eina nakhoyda thaanggei shengnamak haayribani, eigi waa taaba amasung eibu thaarakpa ebungngo mahaakpu thaajaba mahaak aduna lomba naaidaba hingba phangle, aduga waayelbada mahaak yowroi, touegumsung mahaakti ashibadagi ahingbada laanthokle.
25 Eina nakhoyda thaanggei shengnamak haayribani, ashibashingna Eeshorgi machaa nupaa adugi khonjen tagadaba pungpham adu laaksu laakli, houjiksu oiri, amasung khonjen adu taarabashingna hinggani.
26 Maramdi mapaa masmakta hingba leibagum, mahaakna machaa nupaa adudasu mashaamakta hingba leinaba pibire.
27 Amasung machaa nupaa adu migi machaa nupaa oiba maramna, mahaakna maangonda waayel tounaba matik pibire.
28 Asida ngaakpa touganu, maramdi pungpham adu laakli, matam aduda mongpham mongphamda peiba pumnamakna mahaakki khonjen taaraga,
29 Aphaba toukhibashingna hingnabagi hinggatpada, amasung phattaba toukhibashingna waayelnabagi hinggatpada, thoklakkani.
Jesusgi maramda saakhi piba
30 Ei esha ethanta karisu touba ngamde, eina taabagi matung ennaa eina waayelli, aduga eigi waayelba achumbani, maramdi eibu thaarakpa epaagi mahaakki ningba adu nattana ethantagi ningba eina thide.
31 Eimakna esha ethantagi maramda saakhi pijarabadi, eigi saakhi adu chumde.
32 Eigi maramda piba saakhi atei amaa lei, amasung mahaakna eigi maramda piba saakhi adu achumbani haayba eina khang-e.
33 Nakhoymakna John-gi maphamda mi thaare, amasung mahaakna achumbagi maramda saakhi pire.
34 Touegumsung einadi midagi saakhi louba natte, adum oinamakpu nakhoybu kanbinanaba eina waa asi haaybani.
35 Johndi thanduna ngaalliba thaaoumei adu oirammi, aduga nakhoyna matam kharagi damak mahaakki mangaanda haraaoba paamle.
36 Touegumsung John-gi saakhidagi henna chaaoba saakhi eigi lei, haaybadi eina mapung phaana tounaba epaana eigonda pikhiba thabakshing adumakna epaana eibu thaarakpani haayna saakhi pi.
37 Amasung eibu thaarakpa epa adumakna eigi maramda saakhi pibire, nakhoyna keidoungeidasu mahaakki khonjel taadri, amasung mahaakki mawongsu keidoungeidasu udri.
38 Aduga mahaakki waa adu nakhoygi nungda eetat-tattana leiba leite, maramdi thaarakliba mahaakpu nakhoyna thaajade.
39 Nakhoyna shaastrada thi, maramdi madushinggi manungda nakhoyna lomba naaidaba hingba phang-e haayna ning-e, amasung eigi maramda saakhi piba aduni
40 Amasung nakhoyna hingba phangna-naba eingonda laakningde.
41 Eina mishingdagi thaagatpa loude.
42 Touegumsung nakhoygi nungda Eeshorbu nungsiba leite haayba eina nakhoybu khang-e.
43 Eina eigi epaagi mingda laakle, aduga nakhoyna eibu loushinde, adubu kanagumba amanaa mashaamakki mingda laaklagadi, nakhoyna mahakpu loushin-gani.
44 Amata ngaayraba Eeshordagi laakpa thaagatpa adubu thidraga, amanaa amadagi thaagatpa louduna, nakhoyna karamna thaajaba ngambage?
45 Eina nakhoybu epaagi maphamda naraan pigani haayna ningganu; nakhoyna asha thamliba Moses aduna nakhoybu naraal pibani.
46 Maramdi nakhoyna Mosesbu thajarabadi, nakhoyna eibusu thajaramgadabani, maramdi mahaakna eigi maramda eramle.
47 Adubu nakhoyna mahakna eramba adu thajadraga, eigi waaheishing nakhoyna karamna thaajagadage?