Psalm 146

Kanbiba Mapu thaagatpa

1 Eeshorbu thaagatlu he thawaay, Eeshorgi mingkhei sollasi.

 2 Eigi punsisina leiri makhei ebungngobu thaagatkani, epunsi chuppa epuroigi mingkhei songani.

3 Mina luchingba saabaduda thajaruganu, mioibana nahaakpu kanba ngamloi.

4 Makhoyna shiba matamda leibaakta amuk hankhibani, numittuda makhoyna touramba thouraangshingdu arembada taagani.

5 Jacobki Eeshorduna tengbangbiraba nupaadu nungaaibani, mahaakna ningjaramba Eeshorda changjaribadu nungaaibani.

6 Ebungngodi nongmadon, maalem, amadi epaak amasung maasida leiriba pot khudingbu shembibani. Ebungngona waashak thugaayde,

7 Ot-neibirabashingdugidamak Ebungngona leppi. Lamlaanbashingda Ebungngona chinjaak pinabi. Keishumshangda leiribashingdubu Ebungngona thaadokpiri.

8 Mit udabashingbusu Ebungngona uhanbiri. Turabashingdubu Ebungngona hougatpiri, achumba chatpa ebungngogi mishingdu Ebungngona nungshibi.

9 Eikhoigi lamda leiriba lamlaanbashingdu Ebungngona ngaakpiri. Lukhraabi amadi mamaa mapaa leitrabashingdubu Ebungngona tengbangbi. Adubu phattabashinggi thouraangdu Ebungngona thugaaybi.

10 Matam leibada Eeshordi ningthou oibiri, he Zion, nahaakki napuroina matam leibadda ningthou oiduna paan-gani. Eeshorgi mingkhei sollasi.