Deuteronomy 30
Kanbiba amadi bor pibinabagi kayat
30 "Eina houjikti nakhoida bor amadi sirap anigi manungda karambana pambage haibadu pire. Pumnamaksi nakhoida thoklaba matung aduga nakhoigi napuroi Eshor-na chaikhaibiduna atoppa Jatsinggi marakta leiraba matungda eina ngasi piriba thouong anisi ningsinglakkani. 2 Nakhoiga konnana nakhoigi charon suronna Eshor-na hallaklaba aduga eina ngasi nakhoida piriba yathangsingsi nathamoi lupna injarabadi, 3 Nakhoigi napuroi Eshor-na nakhoigi nathakta thoujan utpigani. Ibungo mahakna chaikhaibikhiba Jatsinggi maraktagi amuk hanna punsinbirakkani. Ibungo mahakna nakhoibu amuk hanna chaokhathanbigani. 4 Malemsigi khwaidagi thappa kachin amada nakhoibu chaikhaibikhrabasu napuroi Eshor-na nakhoibu punsin-bigani aduga amuk hanna pubirakkani. 5 Asumna nakhoigi napa napusingna matam amada leiramba lamsida amuk hanna leiba phanggani Ibungo mahakna nakhoibu napa napusingdagi henna chaokhatpa amadi Phagatpadu oihanbigani. 6 Nakhoigi napuroi Eshor-na nakhoida haiba inba thamoi pibigani. Aduga nakhoina Ibungo mahakpu nathamoi lupna nungsijaduna lamduda matam leiba khibikta leiba phanggani. 7 Ibungo mahakna sirap pumnamaksi nakhoibu tukkachakhiba amadi otpikhiba yeknabasinggi mathakta tahan-gani. 8 Aduga eina ngasi nakhoida piriba yathangsing ngakna chatkani. Aduga nakhoina Ibungo mahakpu nungsigani. 9 Nakhoina touruba thabak khudingda Eshor-na chaokhathanbigani. Nakhoigi nacha nasu yamgani, nakhoigini haiduna sha-shal nachingba yamna leigani. Nakhoigi loubuktagi mahei marong mapan naidana thokkani. Nakhoigi napa napusingbu nungngai yaiphahankhibadugumna nakhoibusu nungngai yaiphahanbada Ibungogi nungngaiba oigani. 10 Nakhoina Ibungo mahakna haiba ingadabani aduga lairiksigi manungda piriba Ibungo mahakki yathangsingsi ngakna chatkadabani. Nakhoigi thamoi lupna Ibungo mangonda changjaba tai.
11 "Eina ngasi nakhoida piriba yathangsingsi thoidokna luba nakhoina inba ngamloidaba natte. 12 Masi lamba phangdaba maphamda leiba natte. Eikhoina taraga injanabagidamak kanana nongmadonda karaga masibu eikhoigidamakpu-rakkadage haina hanggadouba natte. 13 Nattraga masi achouba ipak wangmada leiba pot amasu natte. Eikhoina masibu taraga injaba ipak wangmada kanana chattuna lourugadage haina nakhoina hangdouba natte. 14 Natte, masi maphamsida nakhoigi narakta leire. Nakhoina masibu khangi aduga chinphana haiba phaoba ngammi maramsina nakhoina masibu ingadabani.
15 "Ngasi kouba numitsida nakhoida eina aphaba amadi phattaba aduga siba amadi hingba anisigi manungda karambana apambano haibadu khannanaba piri. 16 Eina ngasi piriba napuroi Eshor-gi yathangsingsi nakhoina illabadi, aduga karigumba nakhoina Ibungo mahakpu nungsiraba, Ibungo mahakna haiba illaba, aduga Ibungo mahakki chatnaronsingdu ngakna chatlabadi, nakhoi nungngai yaiphagani aduga mi mashing yamna yamba jat ama oina thok-hanbigani. Nakhoina changgadouriba lamduda napuroi Eshor-na nakhoibu bor pibigani. 17 Nakhoina haiba indraba aduga waphamsi yaningdrabadi, aduga atei laising khurumlabadi 18 Nakhoi tumna manggani. Masimak thokkani haibasi eina nakhoida shangshangna houjikmak hairibasini. Nakhoina lousin-gadouraba Jordan turel wangmada leiriba lamduda nakhoi kuina panba ngamloi. 19 Maram-sina eina nakhoida ngasi siba amadi hingliba aduga Mapu Ibungogi bor amadi sirap anigi marakta apamba khallo haiduna khudong chaba piribasini. Nakhoina khan-gadouriba apambadu karambano haiba khangnanaba eina koirou amadi malem anibu kouthagani. Khanba tarabadi hingbadu khallu. 20 Napuroi Lainingthou Ibungobu nungsijou, Ibungo mahakna haiba illu aduga kaidana chatnaba hotnou adu oirabadi nakhoigi napa napu-sing Abraham, Isaac amadi Jacobnachingbada wasaktuna pibigani haibikhiba lamduda punsi nungsangna leigani.