1 Chronicles 28
Ningna sanggi matangda Davidna piramba paaoutaak
28 Jerusalemda Israelgi phamnaaiba-singgi mitin amaa Davidna koukhi. Masida saageigi phamnaaiba-sing, ningthougi seba touriba, lising amadi chaammagi makoksing, langei amadi pukei pannabasing, ningthougi amadi machaasinggi saa-san pannabasing, loynanaa konunggi phamnaaiba-sing akanba mising, adugaa matam matamgi laanthengnaba ngamba misingdu loina haayriba mitinsida yaohallammi.
2 ningthou Davidna hougatladuna haayrammi, "echin-enaaosing, Eina ngasi miyaamda haayjaribasi tabiyu. Eesor-gi areppa waasakki khudam oiriba phambaalsi thamnaba ningna sang amaa sage haayna pukningda ningjakhi. Ningjakhi eina Eesor-na ngan-thoibiduna leinanaba ningna sang amaa saajage haayna. maramsina eina masigidamak kharadi semsajare. 3 adubu epuroina eingonda taakpikhi: eigi minglen-gidamak nahaakna ningna sang saroidoubani. maramdi nahaakna lan kayaa thengnaduna maalemsida ee kayaa tahn-khre. 4 Adumakpu Israelgi mapu ebungngo Eesor-na eibu Israelgi ningthou oinanaba khandokpikhi. ebungngo mahaakna Judahbu makok oinaa khanbikhi. eigi epaagi saagei Judah-gi emungda adugaa eigi epaana pokkhiba echin-enaaosinggi marakta ebungngo mahaakna eibu penbikhi. maramsina ebungngo mahaakna eibu Israelgi mathakta ningthou oinaba haayduna khandokpikhi. 5 Eesor-na eigi echaa esu dhaara matik chaana pinabikhi. adubu makhoygi maraktagi eigi echaa-nupaa Solomonbu Israelgi leibaak, Eesor-gisu leibaak oiriba asigi mathakta ningthou oinanaba ebungngo mahaakna khandokpire. 6 ebungngona eingonda taakpikhi: nahaakna pokpaa nachaa-nupaa Solomonna eigi ningna sangdu sagani. mahaak eigi loisangduda phamgani. maramdi mahaakpu eina eigi echaa oinaa khandokkhre. adugaa eihaak mahaakki mapaa oigani. 7 Ngasi oiribasigumna mahaakna eigi yaathang phajanaa ngaakna chatlabadi mahaakki leibaaktu matik mayaai leiba leibaak amaa oinaa sembigani.
8 "maramsina Eesor-gi mini haayna leiriba Israelgi miyaamsigi mamaangda amadi eikhoygi epuroigi khangbiba ngamba paanggaldugi maangda, nakhoygi napuroi Eesor-gi yaathang pumnamak thijaduna ngaakna chatnanaba eina ngasi kouba numitsida miyaamda haayjari. adu oirabadi nakhoyna asigumba leihao leiraba lamsigi mapudu oigani. adugaa masidasu nattana matungdasu nakhoygi nachaasingna haayriba lamsi phanggani.
9 adugaa maasi haayba loiraba matungda Solomonda onsinduna Davidna haayrammi, "ebungngo, napaa napusingna ninglamba Eesor-bu nahaakna munna khangadabani. ebungngo mahaakpu thawaay hakchaang yaaonaseba tougadabani. Eesor-na thamoi khudingbu changtouduna yeng-e. taaibangsida ningliba pumnamak ebungngo mahaakna khangbi. Nahaakna ebungngo mahaakpu thijarabadi ebungngodubu nahaakna phangba ngamgani. Karigumba nahaakna ebungngodubu thaadoklabadi ebungngodunasu nahaakpu matam leibada thaadokpigani. 10 maramsina thawaay yaaonahotnaduna Eesor-na nahaakpu ebungngo-gi ningna sang sannaba khandokpasida leikha taahanba yaaroi. Nathouna laayna haayriba thabaksi tougadabani.
11 ephao phaonaba ka leiba ningna sanggi maongdu Davidna Solomonda pirammi. Haayriba maongsi ningna sangda langeigi ka, mathakki ka, manunggi ka, paap koknabagi phambaal thapham kanachingba pumnamaksi yaorammi. 12 Masidasu nattana Eesor-gi ningna sanggi akoybada langei amadi asengba potsing thamnaba kasu yaorammi. 13 Masida purohit amadi Levisinggi kaanglupki phampham, ningna sanggi thabak khuding tounanaba kasing, adugaa Eesor-gi ningna sangda leiriba asengba patrasingdu thamnanaba kasingsu yaohallammi. 14 Khurumba khudingda changgadouba sanaagi paatra saabada changgadouba sanaa ollaga tongaanna thamkhi. Haayriba asigumna silver-su onthoklaga thamkhi. 15 Sanaana saaba thaaoumei amadi thaaoumei makhongda changgadouba pumnamak onthoklammi. 16 asidasu nattana asengba tal thamba matamda changgadouba sanaagi phambak saabada changgadouba silver-na sagadouba phambakki changgadouba pumnamaksu onthokkhi. 17 asengba sanaana saaba khabei, tenggot, khujai, pukham, amadi silver-na sagadouba pukham-nachingba pumnamak onthoklaga thamlammi. 18 Masigi mathakta phudonglaba sanaana saaba phaankhong, sanaana sagadouba dolai amadi karubim, masa aniduna Eesor-gi phambaalgi mathakta saandoktuna thamnaba pumnamaksi saabada changgadouba sanaasingdu khanduna thamkhi. 19 Haayriba pumnamaksi Eesor-na taakpikhiba matung ennaa sengna onthoktuna pikhibani. Laangliba potsingsigi matung ennaa thabak paaykhatpa hourammi.