1 Kings 9
Eeshorna Solomonda Amukka haanna uhanbiba
(2 Miron 7:11-22)
1 Solomonna Eeshorgi ningnashanglen, konung amadi mahaakna shaage ningkhiba pumnamak shaaba loirabada,
2 Eeshorna Gibeonda mangphaonakhiba adugumna Amukka haanna mangphaonahankhi.
3 Eeshorna maangonda haayrammi, "nahaakna haayjaba amadi nonjaba pumnamak Eina taare. Nahaakna sajakhiba ningnashangsi Eina shengdokpirabani. Maramduna ningnashangdugi manungda matam leibada eigi etik eyaaibu sonnaba oisanu. Aduga ningnashangsimak Eina ngaksenbigani.
4 Thamoi chumna amadi shengna napaa Davidna toukhibagumna Eina haaykhiba yaathangshing, chatnaronshing, amadi lonchat khibiktu ngaakna chatlabadi,
5 Nahaakna phamjariba phambaaldu matam leibada ngaakpigani. Eina napaa ebungngo Davidta "nahaakki natungda Israelgi phambaalda ningthou oinaba matik chaaba mi waathalloi" haaykhibadu phajanaa ngaakna chatnanaba bor pibigani.
6 Adubu karigumba nahaakna Eibu thaadoklabadi, nahaakki matamdagina nachaa nasushinggi matam phaaobada Eibu kina chatchadrabadi, eigi yaathang amadi chatnaronshingdu ngaktrabadi, Eibu thaadoktuna amotpa laaishing ninglabadi,
7 Eina pibikhiba leibaaksigi manungda leiringeida Israelsu tumna maanghan-gani. Eigi athoiba minglendugidamak Eina shengdokkhraba ningnashangsi haanna yengloi. Jaati ateigi marakta Israel kouba jatsi paaorou amagu-mna thamgani.
8 Ningnashangsi mangtaklaba ut mapei amagumna oihan-gani. Kanaagumba laambel chatpa mishingna maasibu uraga ngakkani. Makhoyna haaynagani, Eeshorna karigidamak leibaaksida amadi maasida leiba mishingda awaabasi taahanbikhibano?
9 Makhoyna makha taana haaygani, "Egypt leibaaktagi lamjingbiduna makhoygi mapaa mapubu pubirakkhiba Eeshorbu makhoyna thaadokkhre. Makhoyna atoppa laaishingbu khurumle. Maramduna Eeshorna haayriba phattabasi thok-hallibani.
Solomonna Hiramga yaanaba amaa thamba
(2 Miron 8:12)
10 Solomonna Eeshorgi ningnashang amadi konung shaaba loiraba matung chahi kun shubada, 11 Tyregi ningthou Hiramna Solomonda deodar amadi uchandagi shemba bim sanaa amadi silver apaamba makhei pirammi. Masigi mamal oinaa Hiramda Galileegi saahar kun pikhi.
12 Solomonna pikhiba saaharshingdu yengnanaba Hiramna Tyredagi laakpa matamda saaharshingdu ubada hiram penkhide.
13 Maramsina mahaakna haayrammi, "inao ebungngo, nahaakna piriba saaharshingsi eihaak paamba waatli." maramsidagi lamdubu houjik phaaoba Kabul haayna kounari.
14 Hiramna Solomongi maphamda sanaa kilo 4140 pikhi.
Solomongi matamda paangthokkhiba thabakshing
(2 Miron 8:3-18)
15 Ningthou Solomonna namduna thabak shuhankhibashingdu shijinnaduna ningnashang, konung, saahargi mamaangda leiriba kutthaba lam phunkhi amadi saahargi akoybada chekpan khagatkhi. Makhoyshingsi shijinnaduna Hazor, Megiddo amadi Gezernachingba saaharshingsi shaagatkhi.
16 (Egyptki ningthouna Gezerda laandaraktuna saaharsida leiba mishingbu ot-neikhi aduga saaharsibu mei thaakhi. Matungda Solomonna machaa ebemma louraba matamda aunpot oinaa pikhibani.
17 Maramsina Solomonna Gezer amuk haanna shaagatlammi. Namduna thaaba suhankhiba mishingdu shijinnaduna Solomonna khaa thangba Beth-Horon,
18 Baalath, amadi Judahda leiba lamhaangda taariba Tadmorsu shaagatkhi.
19 Haayriba saaharshingsi Solomongi pukei, shagol thampham, dolai thampham, oinaa leirammi. Haayriba saaharshingsidagi Jerusalem, Lebanan amadi mahaakki leibaakta shaaningba shaaba matamda machak phangkhi.
20-21 Israelgi mishingna tumna maanghanba ngamkhidaba Israelgi lamda leiriba Amorishing, Perizzishing, Hittishing amadi Jebusishingdu Solomonna thabak shuhankhi. Ngasi phaaoba makhoyna haayriba thabaksi touri
22 Solomonna Israelgi mishingbu minaai oihallamde. Makhoybu mahaakna laanmi, phamnaaiba, luchingba, dolai thouba amadi shagol laanmi oinaa thamkhi.
23 Solomongi thabak yengshinnaba phamnaaibashing: mahaakki thabak shuribashingdu pannanaba nupaa 550 Hapkhi.
24 Davidki saahardudagi tongaanba maphamda Egyptki ningthou machaanupigi damak shaakhiba yumduda hongjillaba matungda Solomonna saahargi nongpok thangba maaykeidu leibaak heigatkhi.
25 Chahi amagi manungda ahummuk Solomonna Eeshorgidamak shaakhiba ningnashangdugi phaankhongda meida thaaduna amadi lamdaai shumdaaigi thounachingba toukhi Eeshorgi maangda dhupnachingba thaarammi. Asumna Solomonna ningnashangdu shaaba loikhi.
26 Edomgi lamda leiba thumhigi epaak haayna khangnaba adugi manaakta leiba Eloth kouba lamgi EZiongeber kouba maphamda Solomonna hijaao kayaamarum shaarammi.
27 Hiramna eeshinggi maramda phajanaa heiraba manaaishingdu Solomongi thabak tounanaba thaakhi.
28 Makhoyna Ophirda chattuna sanaa kilo 14,500 purakkhi.