Luke 13
Pukning hongnaba ensinbiba
13 Amasung Pilatna Galileegi misinggi eega makhoygi eratpokta totnahhanbagi maramda ebungngo-da tamliba mi khara matam adumaktada leirammi.
2 Amasung ebungngona makhoyda khumlak-e,
Galileegi mising asina awaaba asi khaangba maramna, Galileegi mising pumnamaktagi henna paap-chenbani haayna nakhoyna ninglibra? 3 Eina nakhoyda haayri, natte; adubu nakhoyna pukning hongdrabadi, matou adugumna nakhoy pumnamak maanggani. 4 adugaa Siloamda leiba phura aduna nanduna haatkhiba mi taraanipal aduna Jerusalemda leiba mi pumnamktagi henna laman tonbasingni haayna nakhoyna ninglibra? 5 Eina nakhoyda haayri, natte; adubu nakhoyna pukning hongdrabadi, matou adugumna nakhoy pumnamak maanggani.
Mahei paandaba heiyit paambigi paandam. nupi amabu potthaaba numitta anaaba phahan-biba
6 Amasung ebungngona paandam asi haay, kanaagumba mi amagi angur engkhonda thaaba heiyit paambi amaa leirammi; amasung mahaakna maaduda mahei thiba laakpada phangde. 7 maaduda mahaakna angur engkhon subaa mi aduda haay, 'yeng-u, chahi ahum asi phaaoba eina heiyit paambi asida mahei thiba laakpada phangde. maasi yaantheklo; masina leipakpu aremba oihalliba karigino?'
8 adugaa mahaakna maangonda khumlak-e, 'ebungngo, maasi kumsisu leijaramsanu, eina masigi akoybada touthoklaga santhi hapchakhige. 9 maadudagi houna masina mahei paallabadi phare; adubu pandrabadi maasi yaantheku'.
10 Amasung ebungngona loisang amada potthaaba numitta tambirammi. 11 adugaa yeng-u, chahi taraanipal solhanbagi thawaayna leibi nupi amaa manam ponduna, masa mathanta tingkhatchaba supngam ngamlamde. 12 Amasung Jesus-na mahaakpu ubada, kouduna maangonda haay, nupi, nanggi sonbadagi nangbu thaadokpire. 13 adugaa ebungngona mahaakki mathakta khut thambiba khudak adumaktada mahaak tingkhatlakle, amasung Eesor-bu thaagat-charak-e. 14 maaduda loisanggi waayel thoudaaba mapu aduna Jesus-na potthaaba numitta anaaba phahanba maramna nungaaitaduna, miyaamda khumlak-e, misingna thabak tougadaba numit tarukni lei; maram aduna numit sing aduda anaaba phahannaba laak-u, potthabagi numit aduda lakkanu.
15 touegumsung Eesor-na maangonda khumlak-e, Apha saaja-ningbasa, nakhoy mi khudingna potthaaba numitta maagi maagi san nattraga maagi maagi lolla punphamdagi thaadoktuna, eesing pithaaknaba chingthokpa nattra? 16 Abraham-gi machaa nupi oibi, yeng-u, chahi taraanipal seitaanna pullambi nupi asidi, potthaaba numitta apunba asidagi thaadokpipham thoktra? 17 Amasung waasing asi haayduna, ebungngo-gi yeknaba pumnamakpu ekaaihalli; adugaa ebungngona toubiriba asup ningthijaba thabak pumnamakki damak miyaam pumnamakna haraaojarammi.
Hanggam marugi amasung hameigi paandam hingbada changnaba aakhuba lamjang
( Matthew 13.31-33; Mark 4.30-32 )
18 maram aduna ebungngona haay, Eesor-gi leibaak adu kari maanbage? adugaa maadu kariga chaangdam-nagadage? 19 mi amanaa louduna mahaakki engkhonda
hunjinkhiba hanggaam maru amagumbani; amasung maadu houraktuna upaambigum chaaorakle, adugaa maadugi masasingda atiyagi ucheksingna mahum sarare.
20 Amukka ebungngona haay, Eesor-gi leibaak adu kariga mannahangadage? 21 maadudi, nupi amanaa ata chaang ahumda, pumnamak adu kaamkhattriba phaaoba,louduna haappa haamei adugumbani.
22 Amasung ebungngona sahar saharda, khun khunda misingbu tambiduna Jerusalemlomda taanna chatlammi. 23 Matam aduda kanaagumba amanaa ebungngo-da haay, Eesor, kanbiba phangba makhoy adu kharatara?
Maduda ebungngona makhoyda haay,
24 aakhuba thongda changnaba kanthi hou; maramdi, eina nakhoyda haayri, ayaambana maaduda changnanaba thigani amasung ngamloi. 25 Yumbuna hougattuna thong lonkhraga, nakhoyna mapaanda leptuna thong yeiduna, ebungngo, eikhoyda haangdokpiyu, haayba hourabada, mahaakna, nakhoy kadaaydagino ei khangde, haayna nakhoyda khumlakkani;
26 Matam aduda nakhoyna haayba hougani, eikhoyna namaangda chathakpa toujabani, amasung nahaakna eikhoygi lambi lambida tambire;
27 adugaa mahaakna haaygani, eina nakhoyda haayribani, nakhoy kadaaydagino ei khangde; eingondagi chat-thokkhro, phattaba thabak touba mi pumnamaksa!
28 nakhoyna Abraham, esaac, James amasung Eesor-gi waa taakthokpa pumnamakpu Eesor-gi leibaakta leiba, adugaa nakhoy nasaabudi mapaanda hunjekpa ubada, mapham aduda kappa amasung ya kraak-kraak chikpa oigani. 29 Amasung makhoyna nongpok nongchuptagi, amasung khaa waangdagi laaktuna Eesor-gi leibaakta phamthagani. 30 adugaa yeng-u, ahaanba oigadaba akonbasing lei, amasung akonba oigadaba ahaanbasing lei.
Jerusalemgi maramda tengthaaba
31 Pungja adumaktada kanaagumba pharisi singna laaktuna ebungngo-da haay, thoklaktuna mapham asidagi chat-thoku; maramdi Herodna nahaakpu haatningi.
32 maaduda ebungngona makhoyda haay,
nakhoyna chatkhiduna lamhui aduda haay-u, yeng-u, ngasisu hayengsu eina bhut singbu taanthok-e, anaaba singbu phahalli, amasung numit humni subada eibu ch-ngkhonhanbigani. 33 Adum oinamakpu ngasisu, hayengsu, hangchitsu eina chatpa taare; maramdi Jerusalemgi mapaanda Eesor-gi waa taakthokpa amata mangphade.
34 Eesor-gi waa taakthokpa singbu haatpa amasung maangonda thaakhibasingbu nungna thaba, he Jerusalem, Jerusalem! yenbina maagi mathaada machaasingbu konainbagumna, eina nanggi nachaasingbu kaayatoina konainningkhiba adubu nakhoyna yaaning khide! 35 Yeng-u nakhoygi yum haangna nakhoyda thambiramlabani! Amasung eina nakhoyda haayri,
Eesor-gi mingda lenglakpa ebungngo mahaak yaaiphabani,
haaibasi nakhoyna haaydriba phaaoba,eibu supu ukhraroi.