Luke 7
Laanmi chaammagi mapugi manaai amabu anaaba phahanbiba
( Matthew 8.5-13; John 4.43-54 )
1 Ebungngona mishing taananaba haayba pumnamak loiba matungda Capernaumda chatkhare. 2 Amasung kanaagumba laanmi chaammagi makokki minaai amaa naduna shigadourammi. Mahaaktu mapugi lunaa toujaba minaaini.
3 Maduda mahaakna Jesusgi maram taabada, Ebungngona lengbiraktuna mahaakki minaai adubu kanbiyu haayjarunaba, Jewish-shinggi ahallaman shingbu ebungngogi maphamda thaakhi.
4 Amasung makhoyna Jesusda laaklabada, Ebungngona mahaakki damak asi toubiba mahaakti matik-chaabani;
5 Maramdi mahaakna eikhoygi jaatpu nungshi, aduga mahaakmakna eikhoygi loisang saabire, haayduna ebungngoda kanna haayjarammi.
6 Maduda Jesusna makhoyga lengminnei. Adubu Ebungngona yum adu kayaa laaplaktrabada, laanmi chaammagi makok aduna ebungngoda marupshingbu thaaraktuna ebungngoda haayhallei, Eeshor, ebungngo waabiganu; maramdi Ebungngona eigi yumda lengbirakpa eigi etik chaade.
7 Maram asigi damak eimaksu ebungngogi maphamda laakchaba etik chaade haayna ningjarammi; touegumsung yaathang pibiyu, aduga eigi enaai naaba phaba oisanu.
8 Maramdi eimaksu mapugi makhaada leiba mini, eigi ekhaada laanmishing leiri; amasung eina mi asida chatlu haayraga mahaakna chatli; attopa amada laak-u haayraga laak-e; aduga eigi enaaida, asi tou, haayraga touwi.
9 Maduda Jesusna waa asi taabada, maangonda ngakladuna ebungngogi tung elliba miyaam aduda ollaklaga haayrak-e, eina nakhoyda haay, eina Israelgi marakta phaaoba asup yaamna thaajaba phangdri.
10 Aduga thaakhibashing aduna yumda hallakpada, minaai adu pumpha phana phanglare.
Nainda lukhraabi amagi machaanupabu hinggatpiba
11 Amasung khara leiraga asum thoklare, Ebungngona nain kouba saaharda chatkhare, aduga sebokshingsu miyaam ayaambasu ebungngoga loynarammi.
12 Aduga Ebungngona saahar adugi panthongda naksillaklabada, yeng-u, ashibaa amaa puthoklaklammi, mahaakti mamaagi aduta ngaaijaba machaanupani, mamasu lukhrabini; amasung saahar adugi okhak yaamlaba miyaamna mamaa aduga loynarammi.
13 Maduda Eeshorna nupi adubu ubada, maangonda nungshiba pokladuna, Ebungngona maangonda haay, kapkanu.
14 Aduga Ebungngona changlaktuna ku adu shokpada apubashingna leptuna leirammi. maduda Ebungngona haay, paakhang, eina nangonda haayri, hougat-lu.
15 Aduga ashibaa aduna hougattuna phamsu phamle, wasu ngaangba houre. Matung aduda Ebungngona maabu mamaada pikhre.
16 Amasung pumnamak kibana sumhatle; aduga makhoyna Eeshorbu thaagatlak-e, Eeshorgi waa taakthokpa achouba amaa eikhoygi erakta phaorare, amasung Eeshorna ebungngo mahaakki mishingbu mityeng taabire.
17 Amasung ebungngogi maramda paao asi Judea apumbada aduga akoybada leiba lam pumnamakta sinkhre.
Buptized Toubiba John
( Matthew 11.1-19 )
18 Amasung John-gi sebokshingna waaram pumnamak asi maangonda tamle.
19 Maduda Johnna mahaakki sebok ani kousillaga, Eeshorgi maphamda makhoybu thaakhiduna haayhallei, laakliba adu ebungngora, nattraga eikhoyna atoppa amabu ngaaijakhigadra?
20 Amasung mishing aduna ebungngoda laaklabada, makhoyna hanggatlei, buptized toubiba Johnna eikhoybu ebungngoda thaaraktuna, asumna haayhanbani, laakliba adu ebungngora, nattraga eikhoyna atoppa amabu ngaaijakhigadra?
21 Pungja adumaktada Ebungngona ayaambabu anabadagi, laaina phattaabadagi amasung phattaba bhut shingdagi phahanbire, aduga Ebungngona mittaangba ayaambada ubaa pinabire. 22 Amasung Ebungngona makhoyda khumlak-e, nakhoyna ataaba amasung auba pumnamak adu Johnda tammu; mittaangbashingna ujari, khongtekpashingna koijari, kusthi thungbashingna shengba phangjari, naa-pangbashingna taajari, ashibashingbu hinggathalli, shaandokliba aphaba waapaao adu laairabashingbu taahanbi.
23 Amasung eingonda khudi thidaba mahaak adu yaaiphabani
24 Amasung John-gi paaokhon sirakpashingna chatthokkhrabada, Ebungngona John-gi maramda miyaam-shingda haayba hourakle, nakhoyna lamjaaoda kari yengba chatlubage? Nungshitna lenghanba shingutpura?
25 Touegumsung nakhoyna kari unaba chatlubage? Amonba phi shetpa mi amabura? Yeng-u, yaamna tagup tarengba phi settuna nungaaina paanba makhoy adudi ningthoushinggi konungda leibani.
26 Touegumsung nakhoyna kari yengnanaba chatlubage? Eeshorgi waa taakthokpa amabura? hoy, Eina nakhoyda haayri, mahaakti Eeshorgi waa taakthokpa amadagi helli.
27 Maasi mahaak aduni, mahaakki maramda eduna lei, madudi, "yeng-u, eina eigi paakhon-shibabu nanggi namaangda thaay; mahaakna nanggi namaangda nanggi lambi shemgani."
28 Eina nakhoyda haayri, nupishingna pokpaa makhoy adugi marakta Johndagi henna chaaoba kanaasu leite; adum oinamak Eeshorgi leibaakta Khwaaidagi henna pikpa mahaak aduna maangondagi henna chaaoi
29 (Amasung maasi taaraba mi pumnamaksu khaajana thoubaashingsu Johndagi buptized louduna, Eeshorbu achumbani haayna yaare.
30 Touegumsung pharisi shingna amasung waayel heibashingna maangondagi buptized loudaduna Eeshorgi waakhal adu makhoy mashaagi damak yajadre).
31 Maram asina miron asigi mishingbu eina kariga chaangdam-nagadage, amasung makhoy kariga mannabano?
32 Makhoydi keithenda phamba angaangshingga maannei amasung makhoyna amanaa amabu kounaduna haay, eikhoyna nakhoyda baangsi khonglaga nakhoyna jaagoi saade; eikhoyna tengthaaraga nakhoyna kapte.
33 Maramdi buptized toubiba Johnna talsu chadaduna angur mahisu thaktaduna laakle; amasung nakhoyna mahaakpu bhut pubani haay.
34 Migi micha nupaa aduna chathaktuna laakle; amasung nakhoyna haay, yeng-u, pukchaaoba amasung yu thakpa, khaja thoubaashing amasung paap chenbashinggi marup.
35 Amasung loushingbu maagi machaashing pumnamakna chummi haayna utle.
Jesusgi khong thaao teibiba: Lan tonba anigi paandam
36 Amasung pharisi shing kanaagumba amanaa ebungngobu mahaakka chaak chaaminnanaba haayjarammi, aduga Ebungngona pharisi adugi yumda changshinduna chaanada phamle.
37 Amasung yeng-u, saahar aduda paapchenbi nupi amaa leirammi. Mahaakna pharisi adugi yumda Ebungngona chaabada phamliba adu khanglabada, mahaakna teinathaao haappa nungphu angouba amaa puraktuna,
38 Ebungngogi khongmanakta tunglomda lepcharage, kaptuna mapina ebungngogi khong chothanba houre, madu mahaakki kokki shamna teithokchaare, aduga ebungngogi khong yaamna chuptuna, teinathaao aduna teibire.
39 Madu ebungngobu koujaba pharisi aduna ubada, mapuknungda waa ngaangduna haay, nupaa asi Eeshorgi waa taakthokpa amaa oirabadi, mahaakpu shoklibi asi kanaano amasung karamba nupino, haaybadi paapchenbini, haayba asi khanglamgadabani.
40 Maduda Jesusna maangonda khumlak-e, Simon, eina nangonda karigumba khara haayning-e. Aduga mahaakna haay, oja, haaybiyu.
41 Kanaagumba shel shaandokpa amadagi shel puba ani leirammi. Amanaa silver shekels 500, aduga amanaa aduna silver shekels 50 Tollammi.
42 Makhoyna shingningai leitrabada, makhoy anibu mahaakna kokpire. Maram aduna makhoy karambana mahaakpu thoina nungshigadage?
43 Simonna khumlak-e, eina ningjabadi, mahaakna thoina kokpikhiba mahaak adunani. Aduga Ebungngona maangonda haay, nahaakna chumna waayenle.
44 Maduda Ebungngona nupi aduromda onshinduna Simon-da haay, nahaakna nupi asibu ubra? Eina nahaakki yumda changle, nahaakna ekhonggidamak eeshing pide; adubu nupi asina mapina ekhong chothanduna mashamna teithokpire.
45 Nahaakna eibu chuppide, adubu mahaakna eina changlakpadagi houna ekhong chuppiba tokte.
46 Nahaakna eigi kokta thaao teibide, adubu mahaakna eigi khongda teinathaao teibire.
47 Maram aduna eina nangonda haayri, mahaakki paap ayaamba adu kokpire; adugi damak mahaakna yaamna nungshire, khajikta kokpikhiba aduna khajiktamak manungsi.
48 Amasung Ebungngona nupi aduda haay, nanggi paap khibik kokpirabani.
49 Maduda ebungngoga chaabada phammin-naribashingna makhoy masen marakta ngaangnaba houre, paap phaaoba kokpiba asi kanaano?
50 Amasung Ebungngona nupi aduda haay, nanggi thaajabana nangbu kanbire; engthana chatchakhro.