Exodus 3

Eeshorna Mosespu kouba

1 Matamduda Moses Midiangi purohit makubok Jethrogi yaao senduna leirammi. Mahaakna lamjaao lamhaang oinaa leiriba maphamdugi maningthangba maaykei, Eeshorgi ching Herebta yaaoshingdu hoiraduna laaklammi.

2 Narak mongsong maraktagi meiri oinaa Eeshorna thaarakpa dut anikhak mahaakki mamaangda leplammi. Mahaakna yengthokkhiba matamda mongsongdu mei cha klammi. Adubu maphamduda houriba shingnaangshingdu karisu touramde.

3 Mosesna matomta haayrammi, "touribasi karino yengdaba yaade. Shingnaangshingsi mei chaaktriba karigino? "

4 Eeshorna touriba thoudoksi yengba laakkadoure haayba khanglabada, Eeshorna, mahaakpu mongsong maraktagi koura klammi. Eeshorna “Moses Moses" haayna kourakhi. Mosesna matamduda khumlammi, "nanaida karigumba taakpigadouba leibibage?"

5 Eeshorna haaykhi, "yaamna nakna changshinlakkanu. Nakhongda tongliba Khongnguptu louthok-u. Maramdi nahaakna lepliba maphamsi ashengba maphamni."

6 Makha taana Eeshorna haayrak-e, "nahaakki napaa napushingna ninglamba Eeshordu Eini. Eini Abraham Isaac amadi Jacobki Eeshordu." maasi taabada Moses mamaay lotlammi maramdi mahaak Eeshorda yenggadouba yaamna kirammi.

7 Eeshorna haayrammi, Egyptta leiriba eigi mishinggi awaabadu eihaak khangle. Makhoygi marakta thabak pannaribashingna otpa amadi neiba khaangba ngamdabaduna makhoyna haayjabadu Eina taare. Makhoyna khangliba awaabadu Eina ningthijana khangle.

8 Makhoybu Egyptta leiba mishinggi makhuttagi kanbinaba haayduna laaklibani. Egypt leibaaktagi makhoyna yaamna pakchaaoba shanggom amadi khoihi maraang kaina phangba Canani, Hitti, Amori, Perizz, Hivi amadi Jebusishingna taariba lamduda chingbigani.

9 Houjikti Israelgi mishinggi haayjabadu eigi ekaada yourakle. Egyptta Leibashingna makhoybu ot neiribadu Eina emitmakna ure.

10 Eigi mi oiriba Israel machaashingbu Egypttagi lourunaba nahaak shem shaaba taay. Nahaakpu Eina Pharaogi maphamda thaagani."

11 Mosesna Eeshorda haayjarammi, "Pharaogi manaakta chattuna Egypttagi Israel machaashingbu lourugadouba eigi etik kari leibage?"

12 Eeshorna maangonda haayrammi, "Eihak nahaakka loynagani. Eina mahaakpu thaarakpani haaybadugi khudamdu masina oigani: Egypttagi nahaakna mishingsibu puduna laaklaba matamda chingsimaktada Eeshorbu nakhoyna Khurumgadabani."

13 Mataangsida Mosesna Eeshorda haayrammi, "phare karigumba Eina mishingda chattuna 'nakhoygi napaa napushinggi Eeshorduna eibu nakhoyda thaarakpani' haayruba matamda kariguma makhoyna 'ebungngodugi maming kari koubage' hanglaklabadi makhoyda eina kari khumgadage?"

14 Eeshorna Israelgi Mosesda haayrammi, "Ei Eeshorni." makha taana Eeshorna haayrak-e, "masisu Israelgi mishingda haayyu" Ei kouba Eeshorna nahaakpu makhoygi maphamda thaarakpani." 

15 Eeshorna amukkasu Mosesda haayrammi, "Israelgi mishingda haayyu: nakhoygi napaa napuna ninglamba Eeshor, Abraham Isaac amadi Jacobki Eeshorna eibu nakhoygi naphamda chatlu haayduna thaarakpani. Masini eigi hongba naaidraba emingdu. Asumna miron-miron khudingda eibu ningshingnagadabani.

16 Israelgi ahanshingbu khomjinlaga makhoyda haayyu: nakhoygi napaa napugi Eeshor, Abraham Isaac amadi Jacobki Eeshorna eigi ephamda shaak utpiduna haaybikhi: Egyptta nakhoygi nathakta neiribadu Eina emitsina ure.

17 Egypttagi nakhoybu kouthoktuna nakhoyna khangliba awaabadu kokhallaga Canaan, Hitti, Amori, Perizzi, Hivi amadi Jebusishingna taariba shanggom amadi khoihina loukhong oinaa chelliba maphamduda khundahan-gani. Maasi eigi waashakni.

18 Nahaakna makhoyda haaygadouriba waasi makhoyna shoydana lougani. Maramsina nahaakna Israelgi ahanshingga punna changlaga Egyptki ningthouda Hebrewshinggi Eeshordu eikhoyda uhanbire. Maramsina eikhoyna eningthouda hanggatchari numit humnigi manungda chatpa yaaba lamsangdu lamhaangda chathanbiduna eikhoygi Eeshorgi khuyaakhaada ngamjaba thou toujarunaba yaathang pinabiyu." haaygadabani.

19 Taksinba amaa yaaodanadi Egypki ningthouna eraai laaina nakhoybu thaadokkani haayba eihaak thaajade.

20 Ei eshamakna ekhutsi tingthoktuna Egypta leiriba mishingsi haatkani. Makhoygi marakta angakpa thabak kayaa eina tougani. Haayribashingsi tourabatada mahaakna nakhoybu thaadokkani.

21 Egyptta leiriba mishinggi maphamda nakhoybu thoujaanbipham thokpa mishing oinaa uhan-gani. Nahaakna maphamduda chatpa matamda nakhutta karisu paidana chatloidoubani.

22 Nupi khuidimakna maagi maagi yumlonnaba nattraga mayumda leiraba nupishingda silver amadi sanaana shaaba lik kon aduga phinachingba hanggadabani. Nakhoygi nachaa-nupaa amadi nupishingduda haayribashingsi sibiduna amadi setpiduna Egyptpu muthalgadabani."