1 Corinthians 11
Shinglup tinnaba maphamda nupishingna makok khumbaa
1 Eina Christagi matou lonbagumna, nakhoynasu eigi etou loubashing oibiyu.
2 Amasung nakhoyna hiram pumnamakta eibu ningshingbiduna, nakhoyda eina shinnarambagumna, chatna-rakliba khibik nakhoyna chetna ngakli haayna eina nakhoybu thaagatchari.
3 Touegumsung nupaa khudinggi. Makokti Christani, nupigi makokti nupaani, amasung Christagi makokti Eeshorni haayba nakhoyna khangba eina paammi.
4 Makok khumduna haayjaba nattraga Eeshorgi waa taakthokpa nupaa khudingna mahaakki makokpu ekaai-khumnadabani;
5 Adubu makok khumdaduna haayjabi nattraga Eeshorgi waa taakthokpi nupi khudingna mahaakki makokpu ekaai-khumnadabani; maramdi asumtoubi asi lu kokthokpi nupiga chap mannabani.
6 Maramdi nupina makok khumdrabadi mahaakki samsu kakthatsanu; adubu masham kakpa nattraga kokthokpa nupigi damak ekaaiba oirabadi, mahaakki makok khumjasanu.
7 Maramdi nipadi Eeshorgi murti amasung matik niangan oibanina mahaakki makok khumloidabani; touegumsung nupidi nipagi matik mangaanni.
8 Maramdi nupidagi nupaa thokte, adubu nipadagi nupi thokpani.
9 Maramdi nupigi damak nupaabu shemlamba natte; adubu nupaagi damak nupibu senlambani.
10 Maram asigi damak swargadut shinggi maramna nupina mahaakki makok thakta mikha ponbagi khudam leigadabani.
11 Adum oinamakpu Eeshorgi marida nupaa yaaodana nupi oide, aduga nupi yaaodana nupaa oide;
12 Maramdi nupina nipadagi thokpagumna, nipanasu adugumna nupigi mapaanna thok-e; adubu pot pumnamak Eeshordagi thokpani.
13 Nakhoy nashaana waakhal toujou; nupina makok khumdana masham haayjaba adu phajabra?
14 Nupaana masham sanglabadi, madu maangonda achoppani haayba mahousagi oiba adumakna nakhoybu tambiba nattra?
15 Adubu nupina masham sanglabadi, madu maangonda thaagatpani; maramdi kokkhumgi damak maangonda masham pibire.
16 Touegumsung kanaagumbana ningai touninglabadi eikhoygidasu Eeshorgi shinglupshinggidasu adugumba hounabi leite.
Eeshorgi chaakkhang adu chumna ngaktaba
17 Touegumsung nakhoyda yaathang asi pibada, nakhoyna tinnaraba adu henna phanabagi damak natte, adubu henna phattanabagi damakni haayduna eina nakhoybu thaagatte.
18 Maramdi ehaan hanbada, nakhoyna shinglup tinnabada, nakhoygi narakta kainaba lei haayduna eina taay; aduga eina madu khara thaajei.
19 Maramdi yaabirabashingbu nakhoygi narakta phongdokpinanaba, nakhoygi narakta ningai kanbasu leiba taare.
20 Maram aduna nakhoyna mapham amada tinnarabadi, Eeshorgi chaakkhaangba adu chaaba yaade;
21 Maramdi nakhoyna chaabada mi khudingda mi ateigi mamaangda maagi maagi chara chanei, aduga mi amanaa lammi, atei amanaa yu ngaao-e:
22 Karino! chanathaknanaba nayum nayum leitabra? Nattraga Eeshorgi shingluppu nakhoyna usittibra? aduga leijadaba shingbu ekaaihanbra? Eina nakhoyda kari haaygani? Eina nakhoybu thaagatkadra? asigi maramda eina nakhoybu thaagatte.
23 Maramdi eina nakhoyda pithokpa adu eina Eeshordagi phangjare, haaybadi, ebungngo Jesusbu pithokpa ahing aduga Ebungngona tal loure;
24 Aduga Ebungngona thaagat-charaga madu thugaayduna haay, asi nakhoygi damak oiba eigi hakchaang aduni, Eibu ningshing-nanaba asi tou.
25 Chaaba loirabada, maduga maannana Ebungngona tenggotsu louduna haay, tenggot asidi eigi eena shemba anouba waalepnabani. Nakhoyna maasi thakpa thakpa khudingda eibu ningshing-nanaba asi tou.
26 Maramdi nakhoyna tal asi chaaba khudingda amasung tenggot asi thakpa khudingda, Eeshorna laaktriba phaaoba,ebungngogi shibadu nakhoyda khanghallibani.
27 Maramdi adugi damak matik chadaba matouna Eeshorgi tal chaaba nattraga tenggot thakpa kanaagumba adu Eeshorgi hakchaang amasung eeda lallabani.
28 Adubu mina masha mathantabu chaang yengjasanu, aduga asumna mahaakna tal adu chasanu amasung tenggot adudagi thaksanu.
29 Maramdi hakchaang adubu waakhal khandana chaaba thakpa mahaak aduna masha mathantagi mathakta waayennanaba chathakpani.
30 Maram asigi damak nakhoygi narakta ayaambana sonsu sholli, nashaa nai, aduga kharana tumkhre.
31 Touegumsung eikhoyna eikhoy esha isabu chumna waayenjarabadi, eikhoybu waayel toubiroidabani.
32 Adubu eikhoybu waayenlabada, taaibang paanbaga loynanaa ayolba tahandananaba, eikhoybu Eeshorna laakpibani.
33 Maram adugi damak, eigi echin-enaaosha, nakhoyna chaananaba tillabada, amanaa amabu ngainasanu.
34 Kanaa kanaagumbana laamlabadi, nakhoygi tinnaba adu ayolba tadanaba, mayumda chajasanu. Aduga waa atei ateidi eina laakpa matamda sillagani.