Hosea 2
1 Haayriba numitsigi matungda nachin nanaaoshingda nakhoyna haaygani, "nakhoy ebungngogi mishingni. Aduga nakhoygi nachaashingdana, "nakhoy thoujaan phanglabishingni ".
Lamchat mangbi Gomer amadi lamchat naaidaba angaangshing
2 "Haiyu nakhoygi namada haayyu, eihaak maagi Mapuroiba aduga mahaak eigi nupi nattra? mamaida lamchat mangbi nupigi leiteng, thamoida oktabigi erang paklibadu thaadoknaba haayjou.
3 Nattrabadi manaa pokpaa numitta masha ngaakta laakpagum eina maagi maphi mungani. Lamjaao lamhaanggumna kok-han-gani, marubhumigum ekang kanghn-gani, aram khouraanghanduna taaibang khuduna enkhinaba matomda thamgani
4 Magi machaashinggi mathakta eina nungshiba utloi, maramdi makhoy oktabi thabak toubadagi pokpaa machaashingni.
5 Makhoygi mamadi lamchat mangbi nupini, makhoybu pokkhiba nupiduna ekaaiba shaajat chatli. Mahaakna haay, 'nungshibashinggi makada eihaak tattana chatkani maramdi eigi chanathaaknaba chinjaak, shetna ennaba samtu amadi kabranggi phi aduga teinnaba manam nungshiraba thaao makhoyna eingonda pibi.
6 Maramsina maagi laambeldu tingkhang paambi thaaduna eina thinggani, maagi chatnaba laambeldu eina thingnanabagidamak chekpan amaa sagani, adu oirabadi mahaak chuhi chaaba khudung ellaroi.
7 Mahaakna maagi nungshibashingbu koyna chattuna thigani. Adubu mahaakna makhoybu mapham keidasu phanglaloi. Mahaakna makhoybu thigani adubu mapham keidasu phangloi. Asigi matungda mahaakna haaygani, "ahanba epuroibagi maphamda chatlage, maramdi eina houjik oiribasidagi mahaakka leiminnaringei matamduna henna phei.
8 Eina maangonda maheimarong anouba angur mahi aduga teinaba thaonachingba pibanihaiba mahaak khangde, Baal kouba laaida katpa sanaa amadi silver manghankhibadu einani haayba mahaak khangde.
9 Maramsina eina eigi mahei marong amadi angur mahi matam chaana louthokkani, maagi ekok kokpa masha kupchanaba pikhiba samtu amadi kabrang phidu houjikti eina lousallagani.
10 Houjikti maagi oktaba lamchatsi taaibang phaona laaothoklage, adu oirabadi nungshibashingna eigi ephamdagi maabu lonna puningaroi.
11 Mahaakki haraao tayaamjariba, usob, mela touriba thaa pankhatlakpagi, haraao mathoi kabagi kummei toujariba aduga loynanaa mahaakna potthabagi thouram paangthokchariba pumnamak houjikti eina lephallagani.
12 Nungshibashingna eibu waaibagi mamal oinaa pirakpa angur paambi amadi, theibong paambini haayna manaa shingthaanajariba pumbasu eina loynanaa maanghallagani.
13 Baalgi maphamda meinachingba thaaduna erat puja toujariba adugi maramdagisu eina maabu awaapham taahangani. Nada sanaa chin, ngaakta lik si, mahaakna maagi nungshibashinggi matung enduna chellingei matamda eibu kaaothokkhibagi maramdumakna eina maabu dandi pigani. Masimak Eeshorgi yawaashingni.
Eeshorna mishingbu nungshiba
14 Adubu houjikti taro, eina maabu themduna lamhaangda puthoktuna athotpa waaheina takkani.
15 Maphamduda angurgi engkhondu maangonda amuk haanna pigani. Awaabana thallaba tampaaktu ashaagi thonggal oihan-gani. Maphamduda leishaaringeida toubagi matougumna manaa eingonda paaoukhumgani, Egypt leibaaktagi thorakpa matamda manaa toubagumna tougani.
16 "Eeshorna taakpiri adugumba numittuda nangna eibu eigi epuroi haayna minggougani. Aduga nangna eibu Baal haayna amuk haanna kouraroi.
17 Maramdi maagi maagi machindagi Baal haayba mingsi eina louthokkani. Aduga Baal kouba laaishinggi maming nakhoyna amuk haanna phanglaroi.
18 Israelgidamak eina lamlakta leiba shaa-uchek, nongthakta paairiba cheklaashing, aduga maalemsida Mapukna shittuna chatpa jibaashingga loynanaa areppa waashak amaa lougani. Masigi matungda lengli paalliba jibaa khudingmak akibaa leitana hingani.
19 Eina nangbu ahongba naaidana eigi oinaa loushin-gani. Aphaba amadi achumba aduga hongba naaidaba nungshibadugi mapaantana eina nangbu loushin-gani.
20 Eina nangbu thaajabagi mapaantana loushin-gani masidata nang Eeshorbu mashak khangadabani.
21 "Eeshorna taakpiri madudi adugumba numittuda koirou nongmadonbu eina paaoukhum pigani, aduga koirou nongmadonna maalem leimabu pigani.
22 Aduga maalem leimana mahei marong, angur paambi amadi thaonachingbada paaoukhum pigani.
23 Adudagidi Loruhamahbu nungshigani aduga Loamida eina haaygani, "nakhoy eigi mishingni '. Aduga manaa eingonda haaygani “nahaak eigi ebungngoduni."