2 Samuel 8
Davidki laangam
(1 miron 18:1-17)
8 Matam khara leiraga ningthou Davidna Philisti-singbu maaythiba pikhi amasung mameithangda makhoy mahaakki maakha ponkhi.
2 Davidna Moabsingbusu maaythiba pikhi. Makhoybu bandi oinaa thamduna mi ahum khudinggi ani ani haatkhi. Makhoysu Davidki maphamda loipot katkhi.
3 Davidna Euphrate turelgi khongbalda mahaakki haannagi saktidu amuk hanjinge haayduna chatpa matamda laambelda Zobahgi ningthou Rehobki machaa-nupaa Hadadezerbu maaythiba pikhi. 4 maangondagi Davidna sagol gari 1,000, sagol gari thouba 700, khong-laanmi 20,000 lousinkhi. Davidna dolai chingnariba sagolsingdu loina haatkhi. Mahaakna dolai 100-khakki sagoldi haatkhide.
5 Damascusta leiba Arammisingna Zobahgi ningthou Hadadezerbu mateng pangnaba laakpa matamda Aramigi mi lising kun Davidna haatkhi. 6 Matamduda Davidna Damascuski Aramisinggi lamda leibaak ngaakpa mising thamkhi. Aramisingdu Davidki maakha ponkhi maramsina makhoyna Davidki maphamda loipot karammi. Eesor-na Davidna chatpa mapham khudingda loinabikhi. 7 Hadadezergi manaaisingna pukhiba sanaana saaba chunggoidu Davidna amuk haanna purakkhi. pumnamaksi mahaakna Jerusalem taanna purakkhi. 8 Hadadezergi sahar Betah amadi Berothaidagi ningthou Davidna pithraai yaamna puduna laakkhi.
9 ningthou Davidna Hadadezergi laanmisingdu maaythiba pire haayba paaosi taabada Hamathki ningthou toyna 10 machaa-nupaa Jorambu ningthou Davidki maphamda ekaai-khumnaba amadi haraaoba phongdoknaba thaarammi. maramdi mahaakna Hadadezergi laanthengnaba matamda maaythikhi. Hadadezerga ningthou Toiga matam leibada laanthengnaduna leirammi. Joramna laakpa matamda silver, sanaa amadi pithraaina saaba pot kayaamarum athenpot oinaa purakkhi. 11 Athenpot oinaa purakkhiba potsingduga konnana laanda khomkhiba potsingdu puraklaga Eesor-gi khuyaakhaada katkhi. 12 Mahaakna Edom, Moab, Amorising, Philisti-sing amadi Amaleksing adugaa Zobahki ningthou Rehobki machaa-nupaa Hadadezerdagi phanglakpa potsingdu Eesor-da katchakhi.
13 Davidki maming mathang mathang leibaak ateida saandokkhi. Mahaakna laandagi hallakpa matamda thumgi tampaak kouba maphamda mi 18,000 haatkhi. 14 Mahaakna Edom sinbaa thungna leibaak ngaakpa thamlammi. Edomda leiba mising Davidki maakha ponkhi. Eesor-na Davidna laandaruba mapham khuding maay paakhanbikhi.
15 asumna Davidna Israel pumnamakki mathakta paallammi. mi khudinggi maphamda mahaakna achumba amadi aphaabaduta toubirammi, 16 Zeruiahgi machaa-nupaa Joabna laanmisinggi makok oirammi. Ahiludki machaa-nupaa Jehosaphatna laairik sinbagi thabak tourammi. 17 Ahitubki machaa-nupaa Zadok amadi Abiathargi machaa-nupaa Ahimelekkana purohit oirammi. Seraiahna loisanggi laairik eba oirammi. 18 Jehoiadagi machaa-nupaa Benaiahna Kerethi amadi Pelethsinggi mathakta leibaak ngaakpa oirammi Davidki machaa nupaa kharasu purohit oirammi.