Esther 5

Estherna ningthou amadi Hamanbu kouraga chakkhangba

5 Estherna chara henba numit humnisuba matamda maharani oibagi phajaraba phijet leitengladuna konunggi manung hunjinba kada changphamduda leptuna leirammi. Thonggal olladuna ningthouna phambalda nganthoiraduna leirammi. 2 Ningthou maharani Estherna mapanda loptuna leiribadu uba matamda thoujalgi mityengna mahakki mathakta yengbirammi. Ningthouna sanana saba cheidu pairaga o klammi. Estherna changsillaktuna cheidugi matondu sokkhi. 3 Ningthouna hangkhi, "maharani Esther, nahakna apamba kari leibage haijaba yagani. Nahakna apambadu eigi iphamda hangatchou. "eigi leibaksi thangkhai chatkhrabasu nahakna haijabadu pibigani."

4 Estherna khumlammi, "iningthouna nungsibirabadi, nanaina ngasi numidanggi oina chakkhangba amada Haman yaona atithi oibinaba koujaba lakpani."

5 Ningthouna thuna yathang ama thakhiduna Hamanbu kouhallaga Esthergi atithi oinaba sinkhi. Asumna ningthou amadi Haman Esthergi atithi oirunaba khongsankhi. 6 Yu thaklaba matamda ningthouna Estherda hangkhi, "nahakki aningbadu phongdokchou aduga madumak eina lemnamak pinabigani. Eigi leibaksi tangkhai ama nijarabasu nahakna niribadu soidana thunghangani."

7 Masida Estherna haijarammi, "karigu-mba iningthouna nanaina nininglibasi thunghanbigani takpirabanina iningthou amadi Haman hayengsu nanaina pangthokchagadouriba chakkhangbasi chabinaba sana-yathang pinabiyu. Matamduda nanaina pamjaribadu Ibungogi khuyada hanggatchage."

Hamanna Mordecai hatnanaba khujil thourang touba

9 Hamanna chak chaba loiraduna thokkhiba matamda wakhal yamna nunggairammi. Adubu matamsida mahakna Mordecaina thonggalda phamduna leirambadu ukhi. Mordecaina mahakna thorakpa matamda ikaikhumnaba uttabaduda Haman yamna saorammi. 10 Adubu mahak asaoba uttana mayumda chatkhi. Mahakna marupsing mayumda kouraduna tinnatonnaduna leiringeida mahakki nupi Zereshpu yaohankhi. 11 Makhoigi mamangda mahak inak kaya khunba, machanupa kaya yamba ningthouna mahakpu leibak ngakpasinggi makok oihankhiba, ningthouna leibakngakpa ateidagi mahakpu kayagi matik wangna thagatpa asinachingba mayamsi ngangladuna napan mathoi karammi. 12 Makha taraduna Hamanna hairammi, "masidasu nattri maharani Estherna chak kouba matamda ningthou amadi eitabu kouribani. Hayengsu maharanina amuk hanna kouri 13 Pumnamaksi karisu kannadre maramdi Jewdi Mordecaina thonggalda phamduna eibu ikaikhumnadana leiri." 14 Maramsina mahakki nupi amadi marupsingna hairammi, "metre kunnithoi wangba mihatpung saduna mahakpu hatnaba thourangdriba karigino? Hayeng ayuk ningthouda Mordecaibu thouri yanduna hatnaba yathang tounanaba haijaro aduga chak koubaduda nahak nungngaina chatpa yai. "Hamanna hairibasi aphaba waphamni khalladuna mihatpung ama saba loikhre.