2 Timothy 3
Phattaba matam naksillakpagi wa
3 Touigumsung akonba matamda tamthiraba matam lakkani haiba asi khan u. 2 Maramdi mishingna asigumba oigani, haibadi, mathantabu nungsijaba, shen pamganba, napal chaoba, chaothokpa, thina ngangba, mama mapana haiba indaba, toubimal khangdaba, sengdaba. 3 Mahousagi nungsiba, tainaba yadaba, theijinheiba, masa lakchadaba, hingchayaitambagumba, aphaba ipam pamdaba, 4 Yeknabagi michang oiba, aphingba, nawangba, Ishorbu nungsibadagi hakchanggi nungngaiba henna pamba, 5 Ishor ningbagi maong louba adubu madugi panggalbu yadaba: asisingdagi leithok-u.
6 Maramdi makhoising asigi maraktagi yum yumda litsinduna, papki arumba purabi, makhal makha apaibana chinglibi, 7 Tamlabasu achumba khangba adu kadoungeidasu khanglakpa ngamdabi, apangbi nupisingbu changpha phaba mishing lei. 8 Aduga Janinna amasung Jambrina Mosesbu yeknakhibagumna, pukningda manglaba, thajabagi marida yadaba mishing asinasu achumbabu yeknei. 9 Adubu makhoi chaokhatlaroi, maramdi makhoigi wakhal thenba adu, makhoi ani adugi oikhibagumna, mi pumnamakta phonggani.
Sastrana thajabasinggi pambei oiba
10 Touigumsung nahakti eigi tambibagi, ichat itougi, ningbagi, thajabagi, kuina khangbagi, nungsibagi, khangheibagi, 11 Ot-neiba amasung awa anang khangbagi matung ille; Antiochda, Iconiumda, Lystrada eingonda kari kari thokkiba; ot-neiba kaya eina khanjakhiba nahakna khangi; aduga pumnamakna asidagi prabhuna eibu kanbire. 12 Hoi, aduga Christa Jesusda Ishor ningna panningbasingna ot-neiba khanggani. 13 Adubu phattabi mishingna amasung matat heibasingna mibu minamduna amasung minamhanduna henna henna phatlakloi.
14 Touigumsung nahakna tamkhi tamkhiba amasung chetna thajakhiba aduda lengdana leiyu; nahakna kana kanadagi tamlakpage, 15 Amasung piklingeidagi nahakna asengba sastra haiba nahakna khangi; Christa Jesusda thajabagi mapanna sastra asina aran khubam phaoba nahakpu singhanba ngammi 16 Sastra khuding Ishorgi swardagi oibani, amasung Ishorgi mina aphaba thabak khudinggi damak mapung phana langladuna changkhonba oinanaba; 17 Tambinabagi damak, waraknabagi damak, chumhanbinabagi damak, dharma chenbagi marida takpinabagi damak kannabani.