1 Kings 22
Maaichou Micaiahna khusennaba waa haayba
1 Chahi ani Syria amadi Israelgi marakta laan thokkhide.
2 Adubu chahi ahum shurakpada Judahgi ningthou Jehosaphat Israelgi ningthou Ahabna unaba chatlammi.
3 Ahabna mahaakki phamnaaibashingda hanglammi, "Gileadta leiriba Ramothpu eikhoyna Syriagi ningthougi makhuttagi amuk haanna louthokpa ngamdribasi karigino? Ramoth eikhoygini."
4 Maasida Ahabna Jehosaphatta hangkhi, "Ramo-thta laandaba matamda nahaak yaaogadra?"
Jehosaphatna haayrammi "nahaakna shemshaaba matamda eisu thouraang tougani. Eigi laanmi amadi dolainachingba loina laanphamsida shijinnagani.
5 Adubu ahaanbada Eeshordagi paao amadi loubana chummi."
6 Matamsida Israelgi ningthouna maaichoushingbu koukhatlammi, makhoy 400 tillammi. Ningthouna makhoyda haayrammi, "eikhoi Ramothta Gileadta laandarusira nattraga ninghansira? makhoyna haayrammi, "laandaba yaai. Eeshorna maay paakhanbigani."
7 Jehosaphatna haayrammi, "aatoppa maaichou leitrabara? Karigumba leirabadi mahaakki mawaasu taaba phei."
8 Ahabna haayrammi, "Imlahgi machaanupa Micaiah kouba amaa lei. Mahaakki maphamdagi eikhoyna Eeshorgi laaibao taaba yaai. Adubu eina mahaakpu kayaa paamde maramdi mahaakna keidoungeidasu eigi eramda aphaba amatta haayde."
Jehosaphatna haayrammi, "adumna haayba phatte."
9 Masigi matungda Ahabna phamnaaibashing kousinduna Micaiahbu khudaktuda kourunaba yaathang amaa pirammi.
10 Matamsida Israelgi amadi Judahgi ningthou animak maphamlangda phamduna leirammi. Ningthijaraba phijet leitengladuna Samariagi changphamda leiriba lou yeiphamduda shinghasan amaa tharaga phamduna leirammi. Makhoy anigi mamaangda maaichoushingna laaibao leikhaai taarammi.
11 Kenaanahgi machaanupa Zedekiahna yotki machi amaa paayduna Ahabta haayrammi, Eeshorna asumna taakpiri: makhoyshingsiga loynanaa laan changduna Syriabu tumna manghallu."
12 Leiramliba maaichou ateidunasu mahaakna haaybadugumna phongdo klammi. Makhoyna haayrammi, " Ramothki mathakta laandao. Nakhoyna maay paakkani. Eeshorna maay paakhanbigani."
13 Cheiraksida Micaiahbu kouba chatkhiba nupaaduna Ahabta haayrammi, maaichoushinggi laaibaodu ningthouna yaaning-e, nahaaksu makhoygumna phongdo-kpa phei."
14 Micaiahna haayrammi, shinaaidba Eeshorna saakhi oibisanu. Eeshorna taakpiba laaibaodukhakta eina phongdokkani."
15 Mahaakna ningthougi mamaangda changsillakpa matamda ningthou Ahabna maangonda haayrammi, "Micaiah, eikhoy Ramoth Gileadta laandaba chatsira nattraga laandaloisira?"
Micaiahna haayrammi, "laandaba yaai. Karigumba handaksi laandarabadi Eeshorna maay paakhanbigani."
16 Adubu Ahabna khumlammi, "Eeshorgi minglenda nahaakna ngaangba waa khuding achumbangakta phongdok-e. Masigi maramda nahaakki naphamda eina kayarak haanna haaykhisige?"
17 Micaiahna khumlammi, "yaaoshenba yaaodana choijaainana chatuna leiriba yaaoshinggumna chingda pumchai chaaiduna leiribadu eina urammi maasida Eeshorna haayrammi, "mishingsigi luchingba yaaode, maramsina mayumda engna halhanbikho."
18 Maasida Ahabna Jehosaphatta haayrammi, “nupaasina eigi eramda keidoungeidasu aphaba phongdokte haayna eina haaykhibadu masini. Mahaakna matam leibada phattabata phongdoktuna laaklibani."
19 Micaiahna makha taana haayrammi, " Eeshorna taakpiriba yawaasi taro: Eeshorna phambaalthakta ngaanthoyduna leiribadu eina urammi. Koirouthakta leiriba jibaa khudingna ebungngogi yet oyda leiteng oinaa leiribadusu eina urammi.
20 Eeshorna haayrammi, "Ramoth Gileadgi mathakta laandarubadagi maaythiba phanglaba Israelgi ningthou Ahabpu karamna enshinba ngamgadage? Maphamduda tilliba dutshing kharana amaa haayrammi aduga atoppa kharana atoppa waapham amaa phongdoknakhi. Makhoy masen amatta mannaramde.
21 Eeshorgi maangda thawaay amaa chongthoraktuna haayrak-e, 'Eina mahaakpu minamba ngamgani.' Eeshorna maduda haayrammi, "kari pambei shijinnaduna nahaakna mahaakpu minamba ngamgani?"
22 Mahaakna ebungngoda haayrammi, "Eihak eshaamak chattuna mahaakka maaichoushinggi machinda tongduna araanba paao phongdok-hn-gani."
23 Maasi haayraba matungda Micaiahna haayrammi, maramsina houjikti khangbiragani madudi nahaakki maaichoushing araanba waa takthoknaba enshinbikhrabani."
24 Khudamsida Kennanahgi machaanupa Zedekiahna nakna changsillaklaga Micaiahbu makhajaaida khubaakna thaaram-mi. Aduga hanglak-e, "karamba matamdagi Eeshorgi thawaayduna eibu thaadoktuna nahaakki naphamda waa haayba hourakpage?"
25 Micaiahna khumlammi, "haayriba waaphamsi nahaakna lotnanabagidamak aronba kaada changba matamda khanggani."
26 Ningthou Ahabna phamnaaiba amada yaathang tourak-e, " Micaiahbu phao aduga waayenba Amon amadi ningthougi machaa Joasta pithoktuna keishumshangda thamlaga
27 Eina hallaktriba phaaoba tal amadi eeshingdagi henna piba yaaroi."
28 Micaiahna haayrammi, "karigumba nahaak ashoy angaam yaaodana hallakpa thoklabadi Eeshorna eingonda waa phongdokpide haaybasi khangsi." Mahaakna makha taana haayrak-e, "mi khudingna eina haayriba waasi ningshingbiyu."
Ahab nonggaba
(2 Miron 18:28-34)
29 Israelgi ningthou Ahab amadi Judahgi ningthou Jehosaphat anina Ramoth Gileadki mathakta laandab chatlammi.
30 Israelgi ningthouna haayrammi, "eihak eshak lottuna laanphamda changge. Adubu nahaakti ningthou phijettu adum setlu. Asumna Israelgi ningthouna mashak lotkhi. Makhoyna laanphamda changduna laan thengnaba hourammi.
31 Syriagi ningthouna dolai tongba luchingba kunthraanithoida haayrammi, " Israelgi ningthoukhaktada lan taksillu. Ateida taksinduna kaannade.
32 Makhoyna ningthou Jehosaphat ubaa matamda mahaakpu Israelgi ningthou oinaa urammi, maramsina makhoyna mahaakki maaykeida phujinkhi. Adubu mahaakna laaorakpa matamda,
33 Makhoyna mahaakpu Israelgi ningthou natte haaybasi khanglakkhi. Maramsina makhoyna mahaakpu tansinba tokkhi.
34 Laaibak thibadagi Syriagi laanmi amakhakna ten kaplakpa matamda ningthougi khutlai happham thabakki saul upliba anidugi marakta paankhi. Maramsina dolai thouriba nupaaduda haayrak-e, "eihak khutlaina palle. Maramsina laanphamdagi mapaan thoklo."
35 Numittuda shoknaba laanphamdu angakpa phangkhi. Israelgi ningthouna Syriagi laanmishingdu maayoknaduna numit taaba phaaoba lepkhi. Numit taarakpa matamda mahaak shikhi.
36 Numit taarakpa matamda yaathang amaa toukhi: mi khuding maagi maagi saahar amadi mayumda hallo."
37 Asumna ningthoudu shiraba matungda Samariada mahaakki ashibaa mashaadu pukhi. Aduga maphamduda mahaakpu phumbikhi.
38 Makhoyna mahaakki dolaidu Samariada leiriba pukhri aduda cham-thokkhi. Huishingna mahaakki eedu lekhi aduga besa khanbishingna haayriba pukhrisida chamsillammi. Maasi Eeshorna taakpikhiba matung ennaa thokkhibani.
39 Ahabna toukhiba thabakshing, mahaakna saamu mayaana leitengduna shaakhiba konung amadi mahaakna shemgatkhiba saaharnachingba thaaduna eba Israelgi ningthoushinggi laairikta loina yaaori.
40 Mahaakna shiraba matungda machaanupa Ahaziahna ningthou oikhi.
Judahgi ningthou Jehosaphat
(2 Miron 20:31-21:1)
41 ashaagi machaanupa Jehosaphatna Judahgi ningthou oinaa paanba houba matamda Israelda ningthou Ahabna paanba chahi mari shurammi.
42 Jehosaphatna ningthou oiduna paanba matamda chahi kunthraamanga shurammi. Mahaak Jerusalemda chahi kunthraamanga ningthou oiduna paankhi. Mahaakki mamadi Silhigi machaanu-pi Azubah koubidu oirammi.
43 Mahaakna mapaa Asana tourambagumna Eeshorgi mityengda aphaba thabak toukhi. Adubu ashengba maphamni haayna mishingna eratnariba maphamshingdudi mutpa ngamkhide. Mishingna matamduda ashengba maphamni haaynaribaduda erat-puja tounarammi.
44 Jehosaphatna Israelgi ningthouga marup oikhi.
45 Jehosaphatna touba thabakshing mahaakna shoknakhiba laan, amadi atei atei thabakshinggi maramda Judahgi ningthou-ronda eduna leiril
46 Mapaa Asana paanba matamda nupaana lamchat mangbi nupigi matou tamduna leibashingdu muthatpa ngamkhi.
47 Edomda matamduda ningthou amatta pallamde. Maphamsida mahut shinba amanaa ningthou oiduna paallammi.
48 Jehosaphatna Tarsista hijaao shaaraga Ophirda sanaa louba chatnanabagidamak thouraang toukhi. Adubu hijaaodu Eziongeberda kaikhiba maramna Ophir youba ngamkhide.
49 Ahabki machaanupa Ahaziahna Jehosaphatta haayrammi, "ningthougi nanaaishinga loynanana eigi enaaishingsu hijaaoduda chathalbiyu. Jehosaphatna haayriba waasi yaaningkhide.
50 Jehosaphat matam khara leiraga nonggaakhi. Mahaakpu mapaa Davidki saaharduda phumbikhi. Mahaakki machaanupa Jehosaphatna mahaakki mahut shinduna paankhi
51 Judahda ningthou Jehosaphatna Judahda ningthou oinaa paanba taraamari shubaa chahida Ahabki machaanupa Ahaziahna Israelgi ningthou oiduna paankhi. Mahaak Israelda chahi ani ningthou oikhi.
52 Eeshorgi mityengda phattaba thabak kayaa toukhi. Mahaak mapaa mamaagi lamchat lourammi. Israelbu araanba touhankhiba Jeroboamgumlammi.
53 Mahaak Baal ninglammi. Mapagumna Israelgi Eeshorbu shaaohanba thabak ngaakta mahaakna toukhi.