1 Thessalonians 5
Eeshor laakpa, amasung mitsheng khaangbagi kaannaba
1 Touegumsung matam amasung makuni mathagi marida, echin-enaaosha, nakhoyda karigumba eruduna kaannaba leite.
2 Maramdi huraanbana ahingda laakpagumna Eeshorgi numit adu laakkani haayba nakhoy nashaana changkhonna khang-e.
3 Makhoyna, engthare amasung ashoy angaam leite, haayba matam aduda ekhang khanghoudana nupina chabokpada naaba hourakpagumna, amaangba adu makhoygi mathakta laakkani, aduga makhoyna naanthokpa supngam ngamloi.
4 Touegumsung echin-enaaosha, huraanbagumna numit adu nakhoygi nathakta laaknanaba, nakhoydi amaambada leite;
5 Maramdi nakhoydi mangaangi amasung nungthin-gi machaashingini. Eikhoydi ahinggisu, amaambagisu natte;
6 Adunadi ateishinggumna eikhoy tumganusi, adubu eikhoyna mitsheng khaangduna pukning laakshinsi.
7 Maramdi atumbashing aduna ahingda tumbani aduga yu ngaaobashing aduna ahingda ngaaobani.
8 Adubu eikhoydi nungthin-gi oirabanina, eikhoyna thaajabagi amasung nungshibagi Thabaakkhang; amasung lan-luhupki damak aran khubaamgi tarang tarang khangna ningba haptuna, pukning laakshinba oisi.
9 Maramdi Eeshorna eikhoybu ashaaoba phanghannabagi damak thamba natte, adubu eikhoygi ebungngo Jesus Christagi mapaanna araan khubam phangnabagi damak thambani;
10 Eikhoyna hougatpa oirabasu, tumba oirabasu, ebungngoga panminnanaba Ebungngona eikhoygidamak shibire.
11 Maram adugi damak nakhoynasu touriba adugumna amaga-amaga thousu thoujinnou amasung shemsu shemgatnou.
Makhal makha ayaamba enshinba waa amasung aroiba wa
12 Touegumsung, echin-enaaosha, nakhoyna nakhoygi narakta nomliba, Eeshorda nakhoygi nathakta leiraba, amasung nakhoybu waarakpiba makhoy adubu munna khangnanaba,
13 Aduga makhoygi thabakki maramgi damak nungshina makhoybu thoihenna ekaai-khumnanaba, eikhoyna nakhoybu nonjari. Nakhoy nashen-gi narakta engthana leibiyu,
14 Amasung, echin-enaaosha, eikhoyna nakhoybu thoujinjari, atanbashingbu waarakpiyu, thawaay asonbashingbu paangbiyu thougatpiyu, asonbashingbu paangbiyu, pumnamakkiromda kuina khangbiyu.
15 Kanaagumbana phattaba toubagi damak kanaanasu khuthandananaba yeng-u; adubu amanaa amagi damak amasung pumnamakki damak aphaba tounanaba matam leiba khibikta thiyu.
16 Matam leiba khibikta haraaojou;
17 Tatpa leitana haayjou;
18 Maram khudingda thaagatlu; maramdi asi nakhoygi damak Christa Jesusda Eeshorgi ningbani.
19 Thawaaybu muthatkanu;
20 Eeshorgi waa taakthokpa adu usittaba touganu;
21 Adubu thabak pumnamak chaang yeng-u; aphaba adu chetna paiyu;
22 Phattaba matou khudingdagi ngakchou.
23 Amasung engthabagi Eeshor ebungngo mahaakmakna nakhoybu pumsheng shengdokpisanu; aduga nakhoygi thawaaybu, hingbabu, amasung hakchaangbu changkhonnaba eikhoygi ebungngo Jesus Christa laakpada ayol aran leitana shennabisanu.
24 Nakhoybu koubiba ebungngo mahaakti thaajaba yabani, ebungngo mahaakna madu tousu toubigani.
25 Echin-enaaosha, eikhoygidamaksu haayjabiyu.
26 Shengna chupnabaga loynanaa echin-enaaoshing pumnamakpu khurummu.
27 Laairik asi echin-enaaoshing pumnamakta pabinanaba eina Eeshorgi mingda shinnajari.
28 Eikhoygi ebungngo Jesus Christagi thoujaal nakhoyga loinabisanu.