2 Chronicles 10
Awaangthangba jatna lanhourakpa
(1 Ning 12:1-20)
10 Rehoboamna Sechemda chatlammi maramdi awaangthangbada taariba Israelgi Jaatsingna mahaakpu ningthou oinaa haappa pamlammi. 2 Nebetki machaa-nupaa Jeroboamna maasi taaba matamda (Matamsida mahaak Egyptta leirammi maramdi mahaak ningthou Solomon-gi makhuttagi naanthoktuna chenkhirammi.) Egypttagi hallakkhi. 3 miyaamduna mi thaaduna mahaakpu kouhan-khi. Jeroboam amadi Israelgi misingna laaklaga Rehoboamda haayrammi, 4 "napa ebungngona eikhoygi ethakta nanlamba waayelsi lummalli. Karigumba nahaakna haayriba potlumsi khara hanthahallaba adugaa eikhoyna leiriba maongsi khara phagat-hanba ngamlabdi nahaakki mising oinaa leiba ngamgani.
5 Rehoboamna haayrammi, "numit hum-nigi matam piyu adu oirabadi eina nakhoyda paaoukhum piba ngamgani. Matamduda nakhoy amuk laak-u." maasi haaynaraba matu-ngda miyaamdu Hannakhi.6 Rehoboamna mapaa ningthou Solomon-gi matamda phamnaaiba oinaa leiramba ahan oiraba misingdu tannarammi. Mahaakna makhoyda hanglammi, "miyaamsida kari haisige?"
7 makhoyna khumlammi, "karigumba thoujanga loynanaa misingsida paaoukhum pirabadi makhoyna matam leibada nahaakki mising oinaa leigani."
8 adubu mahaakna ahansingduna piba paaoutaaktu louramde. Mahaakna houminnarakpa misinggi paaoutaaktu louduna miyaamgi mamaangda leplammi. maramsina 9 Mahaakna makhoyda haayrammi, "miyaamsida kari haisige? Makhoygi potlum yaanghallu haayriba misingsida kari paaoukhum pisige?"
10 makhoyna maangonda haayrammi, "nahaakna makhoyda asumna haiyu: eigi khutnaobi asina epaagi makhwaangdagi henna chaaobani. 11 epaana karigumba pot-lum puhallammi haayna ninglabadi maadudagi henna lumba potlum eigi matamsida puhn-gani. eigi epaana nakhoybu cheina waaraklabadi nakhoybu eina sagol sajeina waarakani."
12 Numit humnigi matungda Jeroboam amadi miyaamduna ningthou Rehoboamgi manaakta laaklammi. maasi mahaakna haaykhibadugi matung ennani. 13 ningthouna ahansingna taakpikhiba paaoutaaktu endaduna nahasingna ensinbadu yaarammi maramsina mahaakna miyaamduda saona waa ngaanglammi. 14 Mahaakna nahasingduna haaykhiba waadu louraduna misingda haayrammi, "ipana nakhoygi nathakta potlum nanbirammi. adubu maadu eina henna lumhn-gani. Mahaakna nakhoybu cheina phuduna wara klammi adubu eina sagol cheirak sajiduna phuduna nakhoybu waarakkani." 15 miyaamna ningthouda haayjabadu taramde maramdi Nebatki machaa-nupaa Jeroboam Silohgi Ahijahna phongdokkhiba Eesor-gi waahei-singdu chumna thoknanabagidamak Eesor-na tongaanba thousin amaa paaykhatlammi.
16 Israelgi misingna makhoyna haayjabadu ningthougi manaada haptre haaybasi khanglabada ningthouda haayrammi, "David amadi mahaakki chaaron-surondu langthokkhro. makhoyna eikhoygidamak kari tou-khrabage? Israelgi miyaam-sing, eikhoy yumda hallasi. Rehoboam matomta panjahourasanu."
Asumna Israelgi misingna laan houkhi. 17 Rehoboam Judah-gi ningthou oinaa khaaidokhi.
18 Masigi matungda Rehoboamna thabak subasing pannaba Adonirambu Israelgi misinggi maphamda themjinnaba thaarammi adubu mahaakpu makhoyna nungna thaaduna haatkhi. Thoudoksida Rehoboam sagol-nachingba dolai tongduna Jerusalem taanna chenkhi. 19 Matamsidagi houraduna awaanglomda taariba Israelgi misingna Davidki chaaron-suronggi mathakta laan hourakkhi.