Genesis 6
Mioibagi phattaba lichat
1 Taaibang mioibagi mashing hen-gatlaaktuna maalemsi shinbaa thunglaba matamda taaibang mioibada mamomloi kayaa pokkhi.
2 Eeshorgi machaashingna taaibangmigi machaashingsi yaamna ningthijei haaybasi ukhi. Makhoyna taaibanggi machaanupishinggi maraktagi apaamba khanduna loukhi.
3 Mataangsida Eeshorna haayrammi, "Eigi thawaaydu mioibagi maphamda loyba naaidana leihallaroi. Maramdi mioiba haaybasi shiba naaibani. Mahaakki punsi chahi 120 Tamak oirasanu."
4 Matamdudagi houraga amadi matung paaobada taaibangmina pokpaa machaanupishingga laaishingga yaanshinnaraga pokpaa machaashingdu maalemsida hingchaba jaat kounaraduna leirammi. Thaainagi akan athoushingdu makhoysina oirammi.
5 Maalemsida leiriba mishinggi thabak amadi makhoygi pukninggi ethin amadi waakhan phattaba maaykeida lei haaybasi khanglaklabada,
6 Maalemsida mi haayba jaatisi karigi shaaruribano haaybasi khalluraga Eeshor yaamna ningba kaairammi.
7 Maramsina Eeshorna haayrammi, "Eina shemkhiba mioiba haaybasiga konnana shaa-san, mapukna shittuna chatpa amadi uchek waaya pumbaa maalemsidagi maanghankhrage. Eina makhoybu shemlubasi onthokna awaabagi mashakni.
8 Adubu matamduda leiramba Noah kouba nupaadudi Eeshorgi mityengda thoujaan phangjarammi.
Noahna hi achouba amaa shaaba
Nohagi waaridu asumna thokkhi: Noah achumba chatpa nupaa amaa oirammi. Mahaakki matamda maraal leitba mi amatang thiba taarabadi mahaak nattana kanaasu leiramde. Mahaakna matampumbaa Eeshortaga loynarammi.
10 Sem, Hem amadi Japheth kouba Noahgi machaanupa ahum leirammi.
11 Matamduda tamthiba amadi aneibana maalemsi shinba thungna sandhokle haaybasi Eeshorna urammi.
12 Ebungngogi Mityengda taaibang maalemsi aneibana thallammi maramdi maalemsida leiriba mi khuding amotpa laambel chatlammi.
13 Maramsina Eeshorna Noahda haayrammi, "mioibagi amotpa amadi phattaba lichatsi Eina loina khangle. Maalemsi makhoygi maramdagi hingshaana thalle, makhoyga konnana maalemsi maanghallage. Taaibang punsi haaybasi thamlaroi haayna Eina khalle.
14 Saipras kouba uduna Hi amaa shaaro. madu mekrupna mellu. Hidugi manungda kaa kayaamarum khaaydokkadoubani.
15 Hidu shaabagi thouraangdi asumna tougadabani: feet 450 sanggadabani. Feet 75 pakkadabani feet 45 waanggadabani.
16 Nahaakna hidu shaaba matamda mathak kupkadabani. Mapaan-gi aroibada feet 1.5 Hendokhan-gadabani. Hidugi manungda thong amaa pan-gadabani. Mathak, mayaai amadi makha ahum thok-hangadabani.
17 Koirou thaksigi makhaada leiriba thawaay paanba jibaa pumnamak haatnaba maalemsi shinba thungna eeshing eechaao thok-han-gani. Maalemsida leiriba pot khuding tumna maanghan-gani.
18 Adubu nahaakkadi eigaa yaanaba mawongda waarep amaa thamningi nahaakna nachaashing amadi makhoygi nupishingga loynanaa aduga nahaakki nupiga loynanaa hidugi manungda leiyu.
19 Hidugi manungda thawaay paanba jibaashing hingna leihouba yaannaba nahaakna thouraang tougadabani. Laaba amaa aduga amom amaa, uchek jaat shunaa kannanaba hotnagadabani.
20 Shaa-san mapukna shittuna chatpa jibaashing nachingba kalhounaba thouraanggadabani.
21 Nahaakna yenggadouba amanaa chaaba yaaba chinjaak pumnamak mapham chaana peiduna thamhougadabani. Haayribashingsina shaashing amadi nakhoygi nachinjaak oigadouribani."
22 Asumna Eeshorna taakpikhiba yaathang matung ennaa Noahna thouraang toujarammi.