Ruth 2

Boazki loubukta Ruthna khutlang yaaoba

1 Enaak keirak khunba Boaz kouba Naomigi mapuroiba Elimelekki mari mata thokpa amaa leirammi,

2 Moab ningol Ruthna Naomida haayrammi, "lou lokkhraba matungda tahouba chaarongshing khunjaruge. Eibu nungshibiba kanaagumba mapukchel chaaoba nupaa thengnaba yaai."

Naomina khumlammi, "phare, emom ebemma, chatlo."

3 Matou asumna lourokpashinggi tung enaduna phou chaarong khunba hourammi. Mathang mathang asum khullakpaduna Elimelekki mari mata thokpa Boaz kouba nupaadugi louphamda laaklammi.

4 Matam khara leiraga Boaz mashaamak Bethlehemdagi louphamduda thungkhi amasung hek yourakpaga mahaakna thabak shuramliba mishingdubu taram taramna koukhi. Boazna haayrammi, "Eeshorna nakhoybu loinabiba oisanu."

5 Lourokpashingdubu pannariba nupaaduda Boazna hanglammi, "mou nahasi kanaano?"

6 Lourokpashingbu pannariba nupaaduna haayrammi, "Naomiga laakminnaba Moab ningolni."

7 Ruthna asumna eingonda haayjarammi, "thabak shuriba mishingsigi matungda tahouba chaarongshingdu khunjage." mahaak ngashaai ayuktagi potthaaba leitana khunjaraklibani. Houjik ngaaihaaktang hangchit langjaribani."

8 Maasi taabada Boazna Ruthta haaykhi, "eina haayrisi napukning changna taao ebemma. Eigi louphamsi thaadoktuna atop-pa migi louda chatkhinu. Eigida thabak shuriba nupishingsina shubaa maphamshingduda chattuna chaarongshing khullu.

9 Makhoyna phoubom khomliba maphamshingduda chatlaga chaarong khullu. Nahaakpu laaknabidanaba eigi mishingsida eina yaathang tourabani aduga aram khouraanglakpa matamda makhoyna shoktuna thamliba eeshingnachingba pumnamak chaaba-thakpa yaai."

10 Ruthna khurukhudak kunjaraduna leibaak shokna nonthajaraduna Boazda haayrammi, "nanai eihaak lamlanbi amani. Etik egun karisu leijade. Adubu Ebungngona nanaaibu thoujaanbire.

11 Boazna haayrammi, "nahaakki napuro-iba nonggaakhiba numittudagi ngasi phaaobada nahaakki nanembokki maphamda nahaakna tourakliba pumnamak shugaaina khangle. Nahaakki napaa nama amadi poknapham lamdam thaadoktuna nahaakna khangdriba mishinggi marakta laaklibasigi maramdusu phajanaa eina taare.

12 Nahaakna toujakhiba aphaba thabakshingdugi mathakta bor chaaona pinabiba oisanu. Nahaakna Shaaidaangjagani haayna laakliba Israelgi Eeshorna nahaakpu mapaan naaidana kubiba oisanu."

13 Ruthna haayjarak-e, "ebungngo, nanaaibu thoidokna nungshibire. Ebungngogi leibiba nanaaishingga eigaa paandamnaba yaadraba phaaobada nanaai tollabigi ephamda thoujaan-ga loynanaa waa ngangbiduna kayagi matik nanaaibu haraaohanbiraba."

14 Chaak chaaba matamda Boazna Ruthta haayrammi, "maphamsida changsillaak-u aduga talsi louduna chaao. Nahaakna paijariba patraduna angur mahisi kanduna thak-u. Maramsina mahaakna mahei marong loklibashingdugi manaakta phamjarammi. Boazna maangonda chengpak pirammi. Ruthna mapuk thanna chaajarammi. Mahaakna chaaba loiraba matungdasu khara lemlammi.

15 Chaaba loiraba matungda Amukka haanna mahei marong khunjage haayduna hougatlakpa matamda Boazna maangonda asumna haayrammi, "phoubom taribashingdugi marakta changduna charo-ngshing khunjou." nakhoyna mahaakpu cheiba yaaroi.

16 Peiduna leiriba phoubom-shingdu khara mahaakkidamak khaaidoku aduga madu mahaakpu yeihallu. Nakhoyna mahaakpu cheiroidoubani.

17 Matou asumna Ruthna Numidaang-waairam phaaoba loubukta phou chaarong khunjakhi. Mahaakna khunjakhiba phou chaarongshingdu yeithokpa matamda kilo tangkhaay-romgi chaang phangjakhi.

18 Mahaakna phangjarakpashingdu puduna saahar taanna laaklaga manembokta pikhi. Manemna mapuk thanna mahaakna purakpa chaktu chaakhi.

19 Manembokna haaykhi, "ngasi nahaakna puraklibasi mapham keidagi khomlakpano? kanaagi loubukta thabak shurui? Nahahakpu lunaa tourakpa nupaadu Eeshorna kubiba oisanu."

 Boaz kouba nupaa amagi louphamda thabak shurui haayduna Ruthna Naomida tamkhi.

20 Maasi taabada Naomina mamou-nupida haayrammi, "haayriba nupaadu eikhoyga mari yaamna naknaba amani. Mahaakna makha taana haayrak-e," Eeshorna Boaz kouba nupaadu kubiba oisanu. Eeshorna ahingba amadi ashibaa animakta yengsindana tokpa leite."

21 Ruthna makha taana haayrak-e, "asidasu nattri mahaakna lourokpa loidriba phaaoba mahaakki louphamda thabak shuriba mishinggi tung enduna phou khomjaba yagani taakpirak-e."

22 Naomina Ruthta haayrammi, " emom oibi, Boazgi loubukta thabak shuriba nupishingdugi tung enduna thabak shubana phagani. Kanaagumba mitop amagi loubukta thabak shubaa matamda makhoyna nahaakpu ot-neibiba yaai.

23 Matou asumna Ruthna makhoygi tung enduna phou amadi gehu lokpa loidriba phaaoba thabak shubaa yaaojakhi. Mahaakna manembokka leiminnakhi.