2 Chronicles 25

Judahgi ningthou Amaziah

 (2 Ning14:2-6)

1 Amaziahna ningthou oiba matamda chahi khumanga shurammi. Mahaakna chahi kunmapan Jerusalemda ningthou oiduna paankhi. Mahaakki mamaagi mamingdi Jerusalemgi Jehoaddin koubiduni.

2 Mahaakki thamoi pumsheng shengbamak nattrabasu mahaakna Eeshorgi mityengda ashengba thabak tourammi.

3 Mahaakna ningthou oibagi phibham pumnamak mara tana paallaba matamda mahaakki mapaa haatkhiba minaaishingdubu haatkhi.

4 Mosesgi puya matung ennaa mahaakna makhoygi machaashingbudi haatkhide. Puyada asumna eri: Eeshorna asumna taakpiri: Mapaa shinggi araanbadugi maramgidamak machaashingbu haatpharoi aduga machaashinggi marandugidamaksu mapaa shingbu hatloidoubani. Adubu mi khudingmak mashaana toujaba marandu-gidamak shibagi awaapham piba yaai."

Edomgi mathakta laandaba

(2 Ning 14:2-6)

5 Mathangda Amaziahna Judahgi mishing kourammi. Judah amadi Benjamingi mishingbu lishing amadi chaammagi laanmishingdugi makokshingduga loynanaa phakhirammi. Mahaakna chahi kun amadi kungi mathakta leiba mishinggi mikok thirammi. Khan-gatlaba mi 300,000 phanglammi. Makhoydi laangi damak matik chaaraba amadi ta amadi chunggoi paayba ngamlaba ngaktani.

6 Mahaakna silver kolo 3,450 piduna Israelgi akanba mathouna leiraba mi lakh amaa waairammi. 7 Matangduda Eeshorgi nanaai amanaa laaklaga maangonda haayrammi, "he ningthou, Israelgi laanmishingsi nahaakka loynanaa chatminnaganu. Maramdi Eeshorna Ephraimgi Israelgi machaashinga loinabide.

8 Karigumba nahaakna asumna touraga laanda maay paakkani khallabadi Eeshorna nahaakpu yeknabashinggi maangda maaythiba nanghn-gani."

9 Amaziahna Eeshorgi manaaiduda haayrammi, Israelgi laanmishingda pikhiba silver kilo 3,450 Dudi karam tougani?"

Eeshorgi manaaiduna haayrammi, "Eeshorna madudagi henna piba ngammi."

10 Maramsina Amaziahna Ephraimdagi laakpa laanmishingdu mayumda halhankhi. Makhoyna Judahbu yaamna shaaorammi. Adubu makhoy mayumda adum hankhi.

11 Amaziahna thouna leina mahaakki mishingbu chingladuna thumhigi tampaak haayna khangnaba maphamdu taanna chatlammi. Maphamduda mahaakna Seirgi mi 10,000 haatlammi. 12 Judahgi mishingna hingna 10,000 pharammi. Makhoybu chingdondagi thadara klammi. Maramsina mishingdu matek matek tekhi.

13 Amaziahna lan yaaohandana thaakhiba laanmi shingduna Judahgi mathakta laandarammi. Makhoyna Samariadagi Beth-Horon phaaoba koishingduna lan thum kayaa munduna pukhi.

14 Amaziahna Edomgi mishing tumna haatlaga hallakpa matamda saahargi mishingna latliba laaishingdu purakkhi. Mahaakna haayriba laaishingsi thou toduna khurumkhi.

15 Maramsidagi Eeshorna Amaziahbu shaaokhi. Ebungngona maaichou amaa thaaraktuna haayhankhi, " Makhoygi mishingbu kanbiba ngamdaba laaishingdubu nahaakna karigidamak latlibano?"

16 Mahaakna waasi haayringeida ningthouna haayrak-e, " konunggi paaoutaak piba midu nahaakla? makha taana chabeng chabeng ngaangganu. Nahaakpu angaang olhanlaga kari toungjagani?" maaichouduna tumin leiraga haayrak-e, "Eeshorna nahaakpu tumna maanghallage khankhre haaybasi Eina houjikti phajanaa khangle. Maramsina Eina nahaakki naphamda haayriba waasi taningde aduga nahaakna apaambadu touri."

Israelgi mathakta laandaba

(2 Ning 14:8-20)

17 Judahgi ningthou Amaziahna waakhal munna khallaga Israelgi ningthou Jehugi machaanupa Jehoahazna pokpaa Israelgi ningthou Jehoasta laan tounanaba paao amaa thaarammi.

18 Israelgi ningthou Jehoasna Judahgi ningthou Amaziahda paaokhum pikhi: Lebanangi lamda houba tingkhang paambi amanaa Lebananda houriba deodar paambi amada nahaakki nachanupidu eigi echaa da thaajou haayrammi. Lamlakki shaa amanaa asum chatkhibada tingkhangdu netkhaayduna mangduna tokkhi.

19 Nahaakna khanjari eina Edomshingbu maaythiba pire. Maramsina nahaak napukningda chaaothokchari. Nayumda tuminna leiyu. Nahaakka loynanaa Judahda leiriba mishing loina waagani khangdraa?

20 Edomgi laai murti latpa maramna Eeshorna makhoybu yeknabagi makhu-tta taananaba shinkhi. Maramsina Amaziahna waaphamsi enkhide.

21 Maramsina Israelgi ningthou Joasna Judahbu maaythiba pikhi. Laanpham thaadoktuna mishing mayumda chennakhi.

23 Bethsemeski laanphamda Israelgi ningthou Joasna Ahaziahgi machaanupa Jehoas, amadi Joaski machaanupa Ahaziahbu phaaduna Jerusalem taanna pukhi. Mahaakna Jerusalemgi chekpandu Ephraimgi thonggaldudagi houraga kachinda paalliba thonggaldu phaaoba chaaorakna feet 600 rom thugaaykhi.

24 Mahaakna Eeshorgi ningnashangda leiramba sanaa, silver, amadi patrashing loina pukhi. Haayribashingsiga loynanaa mahaakna Obededombu phaaduna pukhi. Konungda leiramba lan thum amadi leima sijashingdusu phaaduna pukhi. Masigi matungda mahaak Samariada hankhi.

25 Israelgi ningthou Jehoas shiraba matugda Judahgi ningthou Amaziah chahi taraamanga henna punsirammi.

26 Amaziahna touramba thabak khudingmak Judah amadi Israelgi ningthouron kouba laairikta eduna leiri.

27 Mahaakna Eeshorbu kaaothokkhiba numittudagi Ebungngona shaaokhiba maramna mishingna mahaakki mayokta chiron touba houkhi. Maramsina mahaak Lachishta chenduna leikhi. Maphamduda mi thaaduna mahaakpu haatkhi.

28 Makhoyna mahaakpu shagolda haaptuna purakkhi aduga Davidki saaharduda phumbikhi.