1 Samuel 15

Amalekshinggi mathakta laandaba

1 Samuelna Saulda haayrammi, " Eeshorna nahaakpu ebungngogi mi Israelgi mathakta ningthou oinaa pannaba eibu thaao noirunaba Ebungngona thabikhi. Maramsina Eeshorna piriba yaathangsi taro.

2 Koirou nongmadon anigi Eeshorna asumna taakpiri: Egypttagi Israelna laakpa matamda Amalekshingna lambi thingkhibadugi laman shingadabani.

3 Maramsina houjikti Amalekshinggi mathakta laandaduna haatkadabani. Makhoygi areiba pumnamak tumna manghallu. Nupaa, nupi amadi khom thakliba angaang phaaoba khakloidoubani. shaa-san, yaao, ut amadi lolaa amatta khaktana manghan-gadabani.

4 Saulna mishingbu koukhatlaga Telaimda mashing thikhi. Punna 200,000 Khong laanmi oinaa aduga Judahgi 10,000 Khomkhi.

5 Saulna Amalekki saaharda laaklammi. Mahaak tampaak amada ngaaiduna leirammi.

6 Saulna Kenishingda haayrammi, "nakhoy Amalekshinggi lamda leiganu maramdi karigumba nakhoysu makhoygi lamsida leiba thoklabadi eina makhoybu haatpa matamda nakhoysu yaaonahaatkhiba yaai Israelgi mishingna Egypt thaadoktuna laakpa matamda nakhoyna thoujaan utpikhide." Kenishingdu Amalekshinggi lamthaadoktuna atoppa mapham amada chatkhi.

7 Egyptki nongpokkta leiba Havilahgi Sur phaaobada leiriba Amalekshingdu maaythiba pikhi.

8 Mahaakna Amalekshinggi ningthou Agagpu hingna phaaduna laanpha oinaa pukhi. Miyaamdubuna thangna kaktuna tumna manghankhi.

9 Saulna Agagki mapunsidi manghanbikhide. Khwaaidagi phaba yaao san masha noiba shaashing haameng aduga masina maphare haayba potshingdu amatta manghankhide. Kannadaba potni haayna ningbashingdu makhoyna tumna manghankhi.

Shaulbu ningthouni haayna miyaamna loudaba

10 Eeshorna Samuelda waa haaybirammi,

11 "Shaulbu ningthou oinaa thambasi eigi ethawaay tade. Maramdi mahaak eigi tung ende aduga eina tou haaybadusu toude." Samuel shaaobana mei hourammi maramsina mahaakna ahing chuppa Eeshorda haayjaduna matam lenkhi.

12 Samuelna nganna hougatlaga Saulbu unnaba chatlammi. Matamsida Saul Carmelda laaktuna leire haayna Samuelda mishingna tamlammi. Maphamduda mahaakki mingda phura amaa shaaraga Gilgal youkhi.

13 Samuelna Saulgi manaakta chatlammi aduga Saulna Samuel laak-e haaybasi taarabada haayrak-e, " Eeshorna nahaakpu kanbiba oisanu maramdi Eeshorgi yaathangdu eina ngamnamak paangthokle."

14 Maasida Samuelna haayrammi, "adu oirabadi haameng amadi sanna khongba eigi naakongda taribasidi karigino?

15 Saulna khumlak-e, "haayribashingdu Amalekshingdagi phaaduna purakpani. Maramdi miyaamna Khwaaidagi phaba yaao amadi sanshingdu haatkhide. Puraklibashingsi nahaakki napuroi Eeshorda katchagadouribani. Aduga kannadabashingdu eikhoyna tumna manghan-khre."

16 Samuelna maasida haayrak-e, "adu oirabadi phaare, Eeshorna ngasi ahingsi kari laaibao pirakpage haaybadu yengkhisi."

Samuelna khumlak-e, "laaibaodu tasi."

17 Samuelna haayrammi, "nahaaknadi karisu natte haayna lourabasu Israelgi manungdadi nahaakna makok nattra? Eeshorna nahaakpu Israelgi ningthou oinaa thaao noikhibani.

18 Eeshorna nahaakpu karigumba akaknaba thabak amaa tourunaba thaakhibani. Ebungngona haaykhi, "maraal leiraba Amalekshingbu tumna haatkadabani. Makhoy tumna hattriba phaaoba laanthengnou haayba nattra?

19 Adu oirabadi, Eeshorgi yaathangdu nahaakna karigidamak endabage? Karigidamak makhoygi maraan-mathumda mitaruduna Eeshorgi mityengda phattaba thabaksi touribano

20 Sulna haayrammi, "eidi Eeshorgi yaathangdu kaidana paangthokchei. Eeshorna eibu toujou taakpikhiba thabaktumak toujakhi. Eina Amalekshinggi ningthou Agag phaaduna purakle. Amalekshingdu eina tumna manghankhre.

21 Eigaa loynanaa chatkhiba mishingna Khwaaidagi pharaba shaa-san amadi yaaonachingbadu haatkhide. Haayribashingsi nahaakki napuroi Eeshorda katchanaba haayduna purakpani.

22 Samuelna haayrammi, Eeshorna karibu khoidagani? ebungngogi yaathangdubu kaidana chatpaga thou touba amadi pot katpaga karambana phabage? Khwaaidagi pharaba yaaobu thou oinaa ebungngo mahaakki maphamda katpabudi ebungngo mahaakki yaathangdu kaidana enbana henna phabani.

23 Haayba endaba haaybasi araanba waa ngaangbagumbani aduga ngakchao thekpa haaybasisu araanba thabak touba amadi murti latpaga amattani. Nahaakna Eeshorgi yaathang ennaa chattrabanina ebungngo mahaaknasu nahaakna ningthou oiribasi yabidre."

24 Saulna Samuelda haayrammi, "eina araanba tourure. Eina Eeshor amadi nahaakna haaykhiba yaathangdu enkhide. Eina miyaambu kiduna makhoygi waa enkhi.

25 Maramsina eina haayjari eina toujakhiba araanbasi kokpiyyu. Eigaa loynanaa Gilgalda chatlasi. Eeshorbu khurumba yaana-naba nanaaida yaathang pinabiyu."

26 Samuelna haayrammi, "eihak nahaakka chatlaroi maramdi nahaakna Eeshorgi yaathangdu ende. Maramsina Eeshorna nahaakna Israelgi manungda ningthou oirabasi yaade."

27 Samuelna chatlage haayduna mamaay hek ollakpaga Saulna phi paayduna yallammi amasung mahaakki maphidu shegaairammi.

28 Samuelna Saulda haayrammi, " Eeshorna Israelgi apunba leibaaksi tongaan-tongaan taahanbiragani. Nahaakki nakhuttagi maasibu nangondagi henna phaba kanaagumba mi amada pithoklagani.

29 Israelgi matik mayaai leiraba Eeshorduna minamba waa ngaangde amasung mapukning eraai laaina hongde. Ebungngo mahaakti taaibang mi natte maramsina mapukning hongba leite."

30 Saulna haayrammi, "eina araanba toukhre. Adubu Israelgi mishing amadi makhoygi luchingbashinggi maangda yaamdrabada eihaakpu khajiktangdi ekaai-khumnaba utpiba phei. Eigaa loynanaa chatlaga napuroi Eeshorbu khurumhanbiyu."

31 Haayjamanbadagi Samuelna Saulga Gilgalda laaklaga Saulna Eeshorbu khuramjakhi.

32 Samuelna haayrammi, "ningthou Agagpu maphamsida eigi enaakta pusillaak-u. Agag thak thak nikladuna Samuelgi manaakta changlaaklammi. Mahaakna matomta khanjarammi. "sigadoubasi kayaada awaabagi mashakno."

33 Samuelna Agagta haayrammi, "nahaakki thaangduna nupishingbu machapokpa nangdana haatkhi. Maramsina nahaakki namadu nupishinggi marakta machaa poktabi oisanu." Samuelna Gilgalda leiriba Eeshorgi ningnashang mamaangda Agagpu machet machet kaktuna haatkhi.

34 Masigi matungda Samuel Ramahda chatkhi. Ningthou Saulna Gibeahda leiriba mayumda hankhi.

35 Samuelna masigi matungda ningthou Saulbu Israelgi ningthou oinaa hapkhibaduda Eeshorsu thoidokna nungaaikhide.