1 Kings 15
Judahda paankhiba ningthou Abijah
15 Israelgi ningthou Jeroboamna paanba taraanipal subaa chahida Abijahna Judahda ningthou oinaa phambaal tongkhi. 2 mahaak chahi ani Jerusalemda ningthou oiduna pankhi. mahaakki mamadi Abisalomna pokpaa Maakah haaybiduni. 3 mahaakki mapaana touramba phattaba thabaksingdu mahaaksu thoukhi. mahaakki mapu Davidna toukhibadugumna mapu ebungngo Eesor-bu ninglamde.4 adubu Davidki yengduna mapu ebungngo Eesor-na dhaaraadi muthanbikhide. machaa-nupaa mathang mathang pok-hanbiduna Jerusalembu yokpikhi. 5 Hittigi Uriahgi matangdu nattana Davidna hinglingeida Eesor-gi mityengda achumbata tourammi adugaa ebungngona pinabikhiba yaathang pumnamak hiktokpa leikhide. 6 Rehoboam amadi Jeroboam anina pallingei matamda atatpa leitaana laan thengnakhi. 7 Abijahna toukhiba thabaksinggi maramda Judah-gi ningthougi laairikta eduna leiri. Abijah amadi Jeroboam anigi maraktasu laan thengnakhi.
8 Abijahna nonggaraba matamda mapaa mapusinggi mongphamda phumbikhi adugaa mahaakki mahutta Asana ningthou oikhi
Judahda paankhiba ningthou Asa
(2 miron 15:16-16:6)
9 Israelgi ningthou Jeroboamna paanba kunsuba chahida Judahda Asana ningthou oikhi. 10 mahaak Jerusalemda chahi niphumathoi ningthou oiduna pankhi. mahaakki mamasu Abisalomgi machaanupi Maakah haaybiduni. 11 Mapu Davidna toukhibagumna Asasu Eesor-gi mityengda achumbadu toukhi. 12 Mahaakna Jerusalemda leiramba lamchat mangbagi thabak touriba nupaa nattraga nupi-singdu loina muthatkhi. mahaakki mapaana saramba laai murtisingdu amatta thamkhide. 13 mahaakki mamaa Maakahbu mamaa sija oihankhide. Masigi maramdi mamaana Asherahgi murti saaduna ninglammi. Asana mamaagi laai murtidu kakthattuna Kidrongi eephutta hunthakhi. 14 adubu mapham maphamsingda saaduna thamliba asengba eeratpotsingdu loina muthatpa ngamdrabasu mapunsi chuppa Eesor-gi seba chumna toujakhi. 15 mapaana waasakkhibadu ngaakpa oinaa mahaakna Eesor-gi ningna sangda athenpot kayaa katchakhi. Masigi mathakta masaagi waasak ngaakpa oinaa sanaa, silver amadi patranachingba kayaa katchakhi.
16 Judah-gi ningthou Asa amadi Israelgi ningthou Baasa anigi marakta atatpa leitaana laan soknakhi. 17 Israelgi ningthou Baasana Judah-gi mathakta laandaduna Ramah saagatpa houkhi. Ramah saagatkhiba matungda Judahda chatnanaba lambidu thingkhi. 18 Asana Eesor ningna sang amadi konungda leiriba Lan-thum pumnamak louthoklaga manaaising thaaduna Damascusta leiba Tyregi ningthou Hezionna pokpaa Tab-Rimmongemachanupa Benhadadki maphamda asumna haayhankhi.19 "napa epaagi matamda mari leirambagumna nang eisu mari leinasi. Eina nahaakki naphamda thajariba khudonpotsingsi latnaba leitaana lousinbiyu. Nahaakki laanmi puduna Israelgi ningthou Baasagi mathakta laandabiyu. adu oirabadi mahaakna eigi ethakta laandage haayna thouraanglibasi tokkhigani." 20 Benhadadna ningthou Asana haayjarakpadu yaabiraduna Israelgi mathakta laandarunaba mahaakki laanmigi luchingba thaaduna Ijon, Dan, Abel Beth, Maakah, Cinneroth, amadi Naphtaligi lamsingdu loi chansinkhi. 21 Baasana haayribasi taarabada Ramahda laanban sarambadu tokkhi. Matamsida mahaak Tirzahda leikhi. 22 ningthou Asana Judahda leiriba misingda asumna paao amaa chenthokkhi adugaa Baasana Ramah saagatlamba nung amadi unachingbadu miyaamna hollaaktuna Geba amadi Mizpah saagatkhi.
23 Asana touramba thabaksing, akan athougi thouramsing loina eduna Judah-gi ningthourongilaairikta leiri. Ahan oiraba matamda makhongda leithung paktuna chatpa ngamkhide. 24 Asana siraba matamda Davidki saharda phumbikhi adugaa mahaakki mahutta machaa-nupaa Jehosaphatna ningthou oikhi.
Israelgi ningthou Nadab
25 Judah-gi ningthou Asana paanba anisuba chahida Jeroboamgi machaa-nupaa Nadabna Israelgi ningthou oiduna paanba houkhi. Israelgi ningthou oinaa chahi ani pankhi 26 Mahaaksu Eesor-gi mityengda phattaba thabak kayaamarum tourammi adugaa Israelgi misingbusu araanba thabak kayaa mahaakna touhankhi.
27 Ahijahgi machaa-nupaa Issachar saageigi Baasana Nadabki mathakta lonna thabak paaykhatke haayduna thouraang khara toukhi. Nadab amadi miyaamna Gibbethonda laanjangduna leiringeida Baasana Nadabpu haatkhi. 28 Thoudoksi Judah-gi ningthou Asana paanba ahumsuba chahidudani. Matou asumna Baasana Israelgi ningthou oikhi. 29 Jeroboamgi dhaara pumnamak haatkhi. Eesor-na Silohgi Ahijah kouba maichoududa phongdok-hnkhiba waasingdu thoudoksida thungkhi. 30 Haayribasi Jeroboamna toukhiba araanba thabaksing amadi mahaakna chingduna Israelgi misingna toukhiba ayon araan singdugi awaapham oinaa thok-khibani. Jeroboamna Israelgidamak mapu ebungngo Eesor-bu phattaba thabak touduna saohankhi.
31 Nadabna touramba thabaksingdu Israelgi ningthourongilaairiktu enduna leiri. Judah-gi ningthou Asa amadi Israelgi ningthou Baasa anigi marakta matam leibada laan thengnadunata leirammi.
Israelgi ningthou Baasa
33 Judah-gi ningthou Asana paanba ahumsuba chahiduda Ahijahgi machaa-nupaa Baasana Israel pumbagi mathakta ningthou oinaa pankhi. Mahaakna Tirzahda konung saaduna chahi kunmari ningthou oikhi. 34 mahaakki mamaangda paankhiba ningthou Jeroboamgumna mahaaksu Eesor-gi mityengda phattaba thabak kayaa touduna Israelgi misingbu araanba kayaa touhankhi.