2 Samuel 19

Joabna Davidpu paaomennaba

19 Absalomgi maramda ningthoudu kaplaaoduna leire haayna misingna Joabta haayrammi. 2 Numitugi laangamba adugi nungaaibagi mahutta kaplaoba oinaa thokkhi. maramdi Davidki laanmi singna ningthoudi Absalom sibagi tengthaaduna leire haaybasi taakhi. 3 Laanphamdagi chellaba laanmisinggi matougumna makhoyna mamaay phiruk khumduna saharduda tumin tumin changnarammi. 4 ningthouna mamaay khumjilladuna khonjen waangna laaoduna "he echaa-nupaa Absalom, Absalom eigi echaa ebungngo" haayna kapkhi.

         5 ningthouna leiriba yumduda chatlaga Joabna haayrammi, "ngasi ebungngo-gi punsi, nachaa ebungngo amadi ebemmasing, ebungngo-gi maharani mayaam adugaa atonbisinggi punsi kanbikhiba laanmisingsi ebungngona ekaaiba piri. 6 eningthoudi eningthoubu tukkachaba singdubu nungsi adugaa ebungngobu lunaa channa khanjabasingdubuna tukkachana toubi. Ngasigi ebungngona  touribasina sengna takle maadudi eningthouna phamnaaiba-sing adugaa laanmisingsibu karisu oinaa khanbide. Matousidagi tarakliba waaphamdi Absalom hinglamduna eikhoy pumnamak siramba taarabadi eningthou thoidokna haraaoramgani. 7 maramsina houjikti hougatlaga mapaanlomda lengthokpiduna ebungngo-gi laanmisingsida thotna nouna karigumba waa kharadi phongdokpiyu nattrabadi Eesor yengduna eina waasaklibasini maadudi hayeng nongallakpa matamda kanaasu ebungngo-gi nakna leiroi. maasi thokpa taarabadi ebungngona nahaa oiringeidagi tourakpa phattaba thabaksingdu supchillaba phaaoba ngasigisina hen-gadouribani." 8 maramsina ningthouna hougat-laduna thonggalda phamlammi adugaa miyaamga unarammi. ningthougi misingna ningthou lengtholakle taabada ekoy koyna tinjakhi.

David Jerusalemda hallakpa

         Cheiraksida Israelgi misingna mayum mayum younanaba chennakhi. 9 leibaak sinbaa thungna makhoy masen khatnarammi amasung haayrammi, "ningthou Davidna eikhoybu yeknabagi makhuttagi kanbikhi adugaa mahaaknani eikhoybu Philisti-singgi makhuttagi kanbikhibasu adubu Absalo-mgi hattaktagi mahaak leibaaksi thaadoktuna chatkhi. 10 eikhoyna Absalombu ningthou oibinabagidamak thaao noikhi adubu houjikti mahaak sire. adu oirabadi Davidpu amuk haanna ningthou oibinaba mi khara khandopa chummi."

         11 ningthou Davidna Zadok amadi Abiatharda paao amaa thaarammi amasung haayrammi, "Israelgi misingna makhoy masen amaga-amaga haaynariba waaphamdu ningthou Davidna taare. maramsina Judah-gi luchingba-singda asumna Zadok amadi Abiathar anida hanghallammi, "konungda ningthoubu amuk pusil-laklaba sillanggadouba misingdu nakhoyna oipham thokte maramdi nakhoydi eigi saagei-naateini. 12 Mari matani, eigi esani adugaa eeni, adu oirabadi nakhoyna sillangpham thokte." 13 makhoyda paaothaba matamda Davidna Amasada asumnasu haayhankhi, “nahaak eigi saageini. Joabki mahutta laanmisinggi luchinglendu nahaakpu haaplabani. Karigumba eina haayriba waaphamsi soiba thoklabadi epuroina eibu yeithuba oisanu." 14 Davidna thaakhiba paaosina Judah-gi mi pumnamak mahaakkida lepkhi. Judahda leiriba misingdunasu David amadi phamnaaiba pumnamak hallaknaba paao laakkhi.

         15 ningthouna Jordan laanduna laakpa matamda Judahda leibasingna ningthoubu unanaba Gilgal taanna laakkhi. makhoyna ningthoubu Jordan laanduna purakkhi. 16 Bahurimdagi Benjamin-gi saageigi Geragi machaa-nupaa Simeina Judah-gi misingga loynanaa ningthou Davidpu unaba laaklammi. 17 mahaakka loynanaa Benjamitedagi mi lising amarom laaklammi. Saulgi emungda minaai oiramba Zibana machaa-nupaa taramanga amadi minaai kun puduna Jordan taanna laaktuna ningthoubu taramna okkhi. 18 makhoyna Jordan laanduna ningthougi emung manunggi mi pumnamak puraknaba chatlammi ningthouna piba yaathangsingdu makhoyna paangthoknaba hotnnakhi.

Davidna Simeida thoujan utpa

         19 ningthouna turenda laange haayna hek touba matamda Simeina ningthougi maangda sangna tuthajaraduna haayrammi, 19 "Iningthou, ebungngona Jerusalem thaadokpa numitta nanaaina toujakhiba araanbadu ngaakpiyu. nanaaida maadugidamak khoikha linkha thabiganu. 20 eningthou, nanaaina araanba toukhre haaybasi khangjei maramsina awaanglomda leiriba Jaatsinggi manungdagi eningthoubu unaba nanaaina ehaan haanna lakcharibani."

         21 Zeruiahgi machaa-nupaa Abisaina haayrammi, "Eesor-na khandok-khraba ningthoubu saap toukhiba maramna Simeibu haatna-naba yaathang toubana matik chaay."

         22 Davidna Abisai amadi Joabta haayrammi. "Nahaakki mot kanaanasu phongdok-u haide. Nahaakna eibu awaaba tahan-ge ninglibra? Israelgi ningthoudi eina oiribani adugaa ngasigi thoudoksida Israelgi mi amaa phaaoba sibagi dandi piba yaaroi." 23 maramsina ningthouna Simeida haayrammi, "eina nangonda haayribasini nahaak siroi."

Davidna Mephibosethta thoujan utpa

         24 Saulgi masunupa Mephibosethna Davidka unanaba laaklammi. ningthouna Jerusalem thaadokkhiba numittagina laan-ngamduna hallakpa matamdu phaaoba makhong hamlamde, makoi phallamde adugaa maphi suramde. 25 Mephibosethna Jerusalemdagi ningthoubu unanaba laakpa matamda ningthouna haaykhi, "Mephibo-seth, nahaak eigaa chatkhide, karigino?"

         26 Mahaakna khumlammi, "ebungngona  khangbiribaduni, eningthou nanaaidi khong soiba mini, eigi enaaida lolada sabal happu adugaa eihaak ningthouga loynanaa chatke haayjarammi. adubu mahaakna eina haayjabadu toubikhide. 27 eningthougi maphamda mahaakna eibu minamba nupaa amaa oihankhi adubu nanaaina hanggatchari maadudi eningthoudi Eesor-gi dutkumbani. eningthouna masina phei heibadu nanaaida toubiyu. 28 eningthouna eigi epaagi emunggi mi pumnamak haatkhibadu matik chaay haayna khang-e adubu eningthouna nanaaibu ebungngo-gi chaphamda kousinbiduna chaak chaminnei. maramsina nanaaina eningthougi khuyaakhaada masidagi hendokpa thoujan nijaningai leijaade."

         29 ningthouna khumlammi, "nahaakna maakha taana hainingai karisu leite. Nahaakka Zibaga Saulgi Lan-thum pumnamak yennaba taay, masini eigi waarep."

         30 Mephibosethna haayrammi, "madudi Zibana loina loukhrabasu thoina kaide. nanaaigidi eningthouna konungda asoy angaam yaaodana hallakpasina manungaire."

Davidna Barzillaida thoujan utpa

         31 Matamduda Gileadtagi Barzillaina Rogelimdagi laaktuna ningthoubu Jordan youba phaaoba thinba chatlammi. 32 Barzillai matamsida masaagi chahi 80 surammi. mahaak enaksu yaamna khullammi. maramsina ningthouna Mahanaimda leiringeida chanathaaknaba pot kayaa katkhiba mini. 33 ningthouna Barzillaida haayrammi, “nahaak eigaa loynanaa chatkadabani. Jerusalem youraga eina nahaakpu seba tougani."

         34 Barzillaina ningthouda hanggat-charammi, "nanaidi mapugi khuyaa tanjaninglabani. maramsina eningthouga loynanaa karigidamak Jerusalemda chatlugadage? 35 nanaaidi chahi 80 surabani maramsina nanaaina thoina mitajaruba leitre. chaaba thakpada mahaao khangdraabani, esei sakpasinggi khonjenmaksu ningthina tajaba phangdre. eningthougi thoidokna awaaba oigani. 36 Karigidamak eningthouna nanaaida asuk chaaoraba thou-jansi utpigadouribano? Jordan laandriba phaaobadan nanaaina eningthougi tung enjage. 37 nanaaina yumda hankhraga mapugi khuyaa tanduna epa epu-singgi phumphamduda phumbisanu. maphamsida nanaaina pokchaba echaa  Chimham leire. ebungngona mahaakpu pubikho. eningthouna asina maphare haaybadu mahaak-kidamak toubiyu."

         38 ningthouna paaoukhumkhi, "eina mahaakpu purage adugaa nahaakna apaambadu mahaak-kidamak eina toubigani. Nahaakna hangjabadusu eina thunghan-gani."

         39 maasi haaynaraba matungda David amadi mahaakka loynariba misingdu Jordan laankhi. Jordan lallamdaaida ningthouna Barzillaibu chupirammi. adugaa borsu pikhi. Masigi matungda Barzillai mayumda hankhi.

Judah amadi Israel anina ningthougi maramda ningai tounaba

         40 ningthouna Jordan lallaba matamda Judah-gi mising amadi Israelgi mi tangkhay amanaa ningthoubu thindo klammi. Laanthoklaba matungda ningthouna Chim-hamga loynanaa Gilgalda chatlammi. 41 Israelgi misingna ningthougi manaakta chatlaga asumna waakatlammi, "iningthou, eikhoygi echin-enaaosing Judah-gi misingsina ebungngo, ebungngo-gi emung manunggi mina amadi ebungngo-gi misingbu makhoykhaktana thindokpham thok-e khallibasi karigino?"

         2 Judah-gi misingna khumlammi, "ningthousi eikhoygi saagei oiba maramna eikhoyna touribasi eikhoygi ethouni. Masida nakhoyna kari saopham leibage? Ningtho-ubu amuk haanna puraknaba hotnakhibasi eikhoynani haaybasi kaodaba phei."

         Judah-gi misingna ngaangba waasingduna Israelgi misingna ngaangbadagi nenna sathirammi.