Ezekiel 29
Egyptki mathakta waa phongdokpa
1 Taraashuba chahigi taraashuba thaagi taraanithoini paanba numitta Eeshorna eingonda haaybirakpa waashing:
2 He nupaa, Egyptki ningthou Pharaohgi maaykeida namai onduna mahaakki Mathakta amadi Egyptta leiribashinggi mayokta waa khara phongdokkadabani. 3 Makhoyda haayyu Eeshorna asumna taakpiri: "he Egypt leibaakki ningthou Pharaoh, nahaakki mayokta eihaak leple, tamthiraba hingchaba nile turelgi eeshingda eethak houhalliba, nahaakna haayjari, "nile turenda eigini, eina shemkhibani masi.
4 Nahaakki nakhadaangda khoina lengani, madu khoirida thuhn-gani, nahaakki eeshingni haayna loujaribadugi maraktagi chingkhatpigani eina nahaakpu, loynanaa nahaakki khoirina yallakliba ngashingdusu chingkhatpigani,
5 Lamjaao lamhaangda eina nahaakpu langthokpigani, nahaakka loynanaa nahaakki eeshingdagi chingkhatlakpa ngashingdusu yaaogani, hanglaba loubukta nahaak taaduna leigani kanaanasu nahaakpu loukhtpiroi aduga phumbiroi, maalemsida leiriba shaashing aduga nongmadonda paairiba uchekshingda machinjaak oinaa nahaakpu pithokhrabani
6 "Matamduda Egyptta leiriba mishingna eisi Eeshorni haayba khanggani. Israelgi mishinggi maphamda nahaakna oiri cheibun,
7 Makhoyna nahaakpu konshinjaba matamda makhoygi mapambo-mdu thudekpikhi. Makhoyna nangonda ngathaajaba matamda nahaakna makhoybu yeikhaayduna makhwaang tekna khanghankhi.
8 Maramsina Eeshorna asumna taakpiri: yeng-u, eina nakhoygi nathakta waa amatang haayba matamda nakhoygi narakta leiriba mi amadi shaa-san pumnamak tumna manggadabani.
9 Egypt kouba leibaaktu leikangla oigadabani. Matamduda makhoyna eisi Eeshorduni haayba khangadabani.
Nahaakna haayri Nile eigini. Eina maasi shemkhibani haaykhiba maramdudagi,
10 Yeng-u, eina nahaakki amadi nahaakki eeshingdugi mayokta leirabani. Migdoldagi Syene phaaoduna laaklaga Sudanga tainakhriba ngamkheidu phaaoba tumna maanghan-duna Egypt leibaaksi ut olhn-gani.
11 Kanaagumba mi amaa phaaoba maasibu phaaoduna chatloi. Maasi chahi niphu chupnaa mi taahalloi.
12 Mang taklaba leibaakshinggi marakta Egypt leibaak leikangla oihan-gani. Mang taklaba saaharshinggi marakta masigi saaharshingsu leikangla oinaa chahi niphu leihn-gani. Egyptta leiribashingdu eina Jaatshinggi marakta taanthokkani aduga leibaakshinggi marakta taanthokkani.
13 Maramdi Eeshorna asumna taakpiri: makhoyna choijaainana leiruraba mishinggi maraktagi chahi niphu loirabada Egyptta leirambashingdu pusinbigani.
14 Matamduda makhoygi yoibu yoihenba phibhamdu hanjinbigani. Makhoybu Pathroski lamduda amuk haanna pubirakkani. Makhoyna hourakpa leibaaktuda hanjilhanduna makhoy hariba maphamsida engna paan-gani.
15 Msi marai luklaba leibaak amaa oinaa leihn-gani. Maramsina masina keidoungeidasu atei leibaakshinggi mathakta mangak haigatlaroi. Jaat ateigi mathakta makhoyna paanba ngamdanaba eina maasibu adukki matik mapaanggal sollaba leibaak oinaa shemgani.
16 Israelda leiriba mishingna Egyptki mishingbu amuk haanna thajararoi. Masina makhoyna Egypt leibaakta mateng louge haayna chatluba matamda makhoyna toukhiba paaptugi mashak naairaba khudam oinaa leihouragani. Matamduda makhoyna eisi Eeshorni haayba khanggani.
Nebuchadnezzarna Egypt maaythiba piba
17 Kuntaretshuba chahigi ahaanba thaagi nongma paanba numitta Eeshorna eingonda waa haaybirammi:
18 He nupaa, Babylongi ningthou Nebuchadnezzarna Tyregi mayokta laandagadabagi laanmi shemba houkhre. Mahaakna mishingbu masham kokpire mahaakna mi pumnamak masha eting tinghalle adubu mahaakki laanmi shingna Tyregi mayokta kanna shemshaaduna neirubadudagi thoidokpa kaannabadi phangkhide.
19 Maramsina Eeshorna asumna taakpiri: yeng-u Egypt leibaaksi Babylongi ningthou Nebuchadnezzarda piragani. Mahaakna maasida leiriba lanshingdu munduna pukhigani. Aduga mahaakna leibaaksibu ot-neiduna tumna maanghan-gani. Masidagi pukhibaduna mahaakki laanmishinggi awaman oigani.
20 Eeshorna taakpiri makhoyna eigidamak thabak nomkhiba maramna laman shingba oinaa Egyptki leibaaksibu eina pirabani.
21 Adugumna numittuda eina Israelgi mishingda anouba mayon chonghn-gani. Makhoygi mathakta waa ngaangna-naba maroushing pinabigani, matamduda makhoyna eisi Eeshorduni haayba khanggani.